یُوحنّا 17:6 - کِتاب مُقدّس سرائیکی ترجمہ

⁶ مَیں تیڈا ناں اُنہاں اُتے ظاہر کیتے جِنہاں کُوں تُوں دُنیا ءچوں چُنڑ تے میکُوں ڈِتے۔ او تیڈے ہَن، تے تُوں اُنہاں کُوں میڈے حوالے کر ڈِتے تے اُنہاں تیڈے کلام اُتے عمل کیتا ہے۔

یُوحنّا 17:6 Iomraidhean Croise

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 12:28

باپ! آپنڑے ناں کُوں جلال ڈے۔“ وَل اسمان کنُوں اواز آئی جو ”مَیں اُونکُوں جلال ڈِتا ہے تے وَل وی ڈیساں۔“

یُوحنّا 15:19

جے تُساں دُنیا دے ہوندے تاں دُنیا تُہاکُوں آپنڑا سمجھ تے عزیز رکھیندی پر کیوں جو تُساں دُنیا دے نئیں بلکہ مَیں تُہاکُوں دُنیا ءچوں چُنڑ گِھدے اِیں واسطے دُنیا تُہاڈے نال نفرت کریندی ہے۔

یُوحنّا 15:3

تُساں اُوں کلام دے سببّوں جیہڑا مَیں تُہاڈے نال کیتے پاک تھی گئے ہیوے۔

یُوحنّا 15:7

جے تُساں میڈے ءچ قائم راہو تے میڈا کلام تُہاڈے دل ءچ قائم راہوے تاں جیہڑا کُجھ منگو او تُہاڈے کیتے تھی ویسی۔

یُوحنّا 17:12

جئیں تئیں مَیں اُنہاں دے نال ہم، مَیں تیڈے بخشے ہوئے ناں دے وسیلہ نال اُنہاں دی حفاظت کیتی۔ مَیں اُنہاں دی ڈیکھ بھال کیتی تے اُنہاں ءچوں کوئی ہلاک نہ تھیّا سوائے اُوندے جئیں ہلاک تھیونڑا ہا، تاں جو خُدا دا کلام پُورا تھیوے۔

یُوحنّا 17:14

مَیں تیڈا کلام اُنہاں تئیں پُچا ڈِتے تے دُنیا اُنہاں نال نفرت کیتی ہے کیوں جو جِینویں مَیں دُنیا دا نئیں او وی دُنیا دے نئیں۔

یُوحنّا 17:16

جِینویں مَیں دُنیا دا نئیں او وی دُنیا دے نئیں۔

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

یُوحنّا 17:26

تے مَیں اُنہاں کُوں تیڈے ناں تُوں واقف کرا ڈِتے، تے کریندا راہساں تاں جو جیہڑی محبت تیکُوں میڈے نال ہئی او اُنہاں ءچ ہووے تے مَیں وی اُنہاں ءچ ہونواں۔“

یُوحنّا 17:7

ہُنڑ او جانڑدے ہِن جو جیہڑا کُجھ تَیں میکُوں ڈِتے او سبھ کُجھ تیڈی ای طرفوں ہے۔

یُوحنّا 18:9

ایہ اُوں اِیں واسطے آکھیا جو اُوندی او گالھ پُوری تھیوے جو ”جِنہاں کُوں تُوں میکُوں ڈِتے مَیں اُنہاں ءچوں کہیں کُوں وی گُم نہ تھیوݨ ڈِتا۔“

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

یُوحنّا 6:39

تے میڈے بھیجنڑ آلے دی مرضی ایہ ہے جو جِتی وی لوک اُوں میکُوں ڈِتے ہِن، مَیں اُنہاں ءچوں کہیں کُوں وَنجا نہ ڈیواں بلکہ سبھ کُوں قیامت آلے ڈینہہ ولا زندہ کراں۔

یُوحنّا 8:51

مَیں تُہاکُوں سچ آدھا ہاں جو جیہڑا کوئی میڈے کلام اُتے عمل کریسی او کڈھائیں نہ مرسی۔“

یُوحنّا 8:52

یہُودیاں اُونکُوں آکھیا جو ”ہُنڑ ساکُوں پتہ لگ گئے جو تیڈے ءچ بدرُوح ہے۔ ابرہام مر گِیا تے نبی وی مر گئے پر تُوں آدھیں جو ’جیہڑا کوئی میڈے کلام اُتے عمل کریسی او کڈھائیں نہ مرسی۔‘

اعمال 13:48

جِیں ویلے غیر قوم آلیاں ایہ سُنڑیا تاں بہُوں خوش تھئے تے خُداوند دے کلام دی تعریف کرݨ لگے تے جِتّی ہمیشاں دی زندگی کیتے مقرر کیتے گئے ہَن، اِیمان گِھن آئے۔

رومیوں 11:2

خُدا آپنڑی قوم کُوں جِینکُوں او پہلے کنُوں جانڑدا ہا، رَد نئیں کیتا۔ کیا تُساں نئیں جانڑدے جو خُدا دا کلام ایلیّاہ دے بارے ءچ کیا فرمیندے، جو او کِینویں خُدا کُوں اِسرائیل دے خلاف ایہ فریاد کریندے جو

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

2 تِیمُتھِیُس 1:13

ہُنڑ مسیح یسُوع ءچ آپنڑے اِیمان تے محبت اُتے قائم رہ تے اُنہاں صحیح گالھیں کُوں جیہڑیاں تُوں میں کنُوں سُنڑیاں آپنڑے کیتے ہِک نمونہ بنڑائی رکھ۔

عبرانیوں 2:12

او فرمیندے جو ”مَیں آپنڑے بِھرانواں کُوں تیڈے ناں دا بیان کریساں، تے جماعت دے وچال تیڈی حمد دے گیت گاساں۔“

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

1 پطرس 1:1

ایہ خط میں پطرس دی طرفوں ہے جیہڑا یسُوع مسیح دا رسُول ہاں، خُدا دے اُنہاں چُنڑے ہوئے لوکاں دے ناں جیہڑے پردیسیاں آلی کار پُنطُس، گلِتیہ، کپَدُکیہ، آسِیہ تے بتُھنیہ ءچ جاہ جاہ تے راہندے ہِن۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

مُکاشفہ 3:10

تَیں میڈے صبر کرݨ دے بارے ءچ کلام اُتے عمل کیتے، اِیں واسطے مَیں وی ازمائش دے اُوں ویلے جیہڑا ساری دُنیا اُتے آوݨ آلا ہے، تیڈی حفاظت کریساں۔

مُکاشفہ 3:8

”مَیں تیڈے کماں کُوں جانڑدا ہاں۔ ڈیکھ! مَیں تیڈے سامنڑے ہِک دروازہ کھول رکھے جِینکُوں کوئی بند نئیں کر سگدا۔ مَیں جانڑدا ہاں جو تیڈے ءچ طاقت گھٹ ہے پر تَیں میڈے کلام اُتے عمل کیتے تے میڈے ناں دا اِنکار نئیں کیتا۔