یُوحنّا 17:4 - کِتاب مُقدّس سرائیکی ترجمہ

⁴ مَیں اُوں کم کُوں جیہڑا تَیں میکُوں کرݨ کیتے ڈِتا ہا، پُورا کر تے زمین اُتے تیڈا جلال ظاہر کر ڈِتے۔

یُوحنّا 17:4 Iomraidhean Croise

لُوقا 22:37

کیوں جو مَیں تُہاکُوں آدھا ہاں جو ایہ نوِشتہ جو ’او بدکاراں ءچ شمار کیتا گِیا،‘ اُوندا میڈے حق ءچ پُورا تھیوݨ ضرور ہے۔ اِیں واسطے ہر او گالھ جیہڑی میڈے کیتے ہے پُوری تھیوݨ آلی ہے۔“

یُوحنّا 12:28

باپ! آپنڑے ناں کُوں جلال ڈے۔“ وَل اسمان کنُوں اواز آئی جو ”مَیں اُونکُوں جلال ڈِتا ہے تے وَل وی ڈیساں۔“

یُوحنّا 14:13

تے جیہڑا کُجھ تُساں میڈے ناں تُوں منگسو، مَیں اُوہو کریساں تاں جو باپ دا جلال پوتر دے وسیلے ظاہر تھیوے۔

یُوحنّا 14:31

پر ایہ اِیں واسطے تھیندے جو دُنیا جاݨ گِھنے جو مَیں باپ نال محبت کریندا ہاں تے جِینویں باپ میکُوں حُکم ڈِتے مَیں اُونویں ای کریندا ہاں۔ اُٹھو اِتُھوں جُلوں۔“

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

یُوحنّا 19:28

اِیندے بعد جِیں ویلے یسُوع جاݨ گِھدا جو ہُنڑ سارے گالھیں پُوریاں تھی گئیاں ہِن تاں جو خُدا دے کلام دا لِکھیا پُورا تھیوے تاں آکھیا، ”مَیں ترِسّا ہاں۔“

یُوحنّا 19:30

بس جِیں ویلے یسُوع او سِرکہ پِیتا تاں آکھیا جو ”سبھ کُجھ پُورا تھی گِیا،“ تے سر جُھکا تے جان ڈے ڈِتی۔

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

یُوحنّا 5:36

پر میڈے کولھ یُوحنّا دی گواہی کنُوں وڈی گواہی ہے، کیوں جو جیہڑے کم باپ میکُوں کرݨ کیتے ڈِتے یعنی جیہڑے مَیں کریندا ہاں او میڈے گواہ ہِن جو باپ میکُوں بھیجیا ہے۔

یُوحنّا 9:3

یسُوع جواب ڈِتا، ”نہ اِیں بندے گُناہ کیتا ہا نہ اِیندے ماء پِیُو، بلکہ ایہ اِیں واسطے تھیّا جو خُدا دے کم اُوندے ءچ ظاہر تھیوݨ۔

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔