یُوحنّا 17:3 - کِتاب مُقدّس سرائیکی ترجمہ

³ تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

یُوحنّا 17:3 Iomraidhean Croise

مرقس 9:37

”جیہڑا کوئی میڈے ناں ءچ ایجھے بال کُوں قبول کریندے او میکُوں قبول کریندے، تے جیہڑا کوئی میکُوں قبول کریندے او میکُوں نئیں بلکہ میڈے بھیجنڑ آلے کُوں قبول کریندے۔“

لُوقا 9:48

وَل اُنہاں کُوں آکھیا، ”جیہڑا کوئی میڈے ناں ءچ اِیں بال کُوں قبول کریندے او میکُوں قبول کریندے، تے جیہڑا میکُوں قبول کریندے او میڈے بھیجنڑ آلے کُوں قبول کریندے، کیوں جو جیہڑا تُہاڈے ءچوں سبھ کنُوں چھوٹا ہے اُوہو وڈا ہے۔“

یُوحنّا 10:36

تاں تُساں میڈے بارے ءچ جِینکُوں باپ مقرر کر تے دُنیا ءچ بھیجیا، کِینویں اکھیندے ہیوے جو تُوں کُفر بکدا ہیں، اِیں واسطے جو مَیں آکھیا، مَیں خُدا دا پوتر ہاں؟

یُوحنّا 11:42

مَیں جانڑدا ہاں جو تُوں ہمیشاں میڈی سُنڑدا ہیں پر مَیں اِنہاں لوکاں دی خاطر جیہڑے اِتھاں کھڑے ہِن، ایہ آکھیا تاں جو او اِیمان گِھن آوݨ جو تَیں ای میکُوں بھیجیا ہے۔“

یُوحنّا 14:26

پر او مددگار یعنی رُوح القُدس جِینکُوں میڈا باپ میڈے ناں نال بھجیسی، اُوہو تُہاکُوں سارے گالھیں سکھیسی تے جیہڑا کُجھ مَیں تُہاکُوں آکھیا ہے، او سبھ تُہاکُوں یاد ڈیویسی۔

یُوحنّا 17:18

جِینویں تُوں میکُوں دُنیا ءچ بھیجیا، اُونویں ای مَیں وی اُنہاں کُوں دُنیا ءچ بھیجیا ہے۔

یُوحنّا 17:21

تاں جو او سارے ہِک ہووݨ جِینویں باپ، تُوں میڈے ءچ ہیں تے مَیں تیڈے ءچ ہاں۔ مَیں چاہندا ہاں جو او وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔

یُوحنّا 17:23

مَیں اُنہاں ءچ تے تُوں میڈے ءچ تاں جو او کامِل طور تے ہِک تھی ونجنڑ تے دُنیا جاݨ گِھنے جو تُوں ای میکُوں بھیجیا تے جِینویں تُوں میڈے نال محبت رکھی، اُنہاں نال وی محبت رکھی ہے۔

یُوحنّا 17:25

عادل باپ! دُنیا تاں تیکُوں نئیں جانڑدی پر مَیں تیکُوں جانڑدا ہاں تے اِنہاں بندیاں وی جاݨ گِھدے جو تُوں میکُوں بھیجیا ہے،

یُوحنّا 17:8

کیوں جو جیہڑا کلام تَیں میکُوں ڈِتے او مَیں اُنہاں تئیں پُچا ڈِتے تے اُنہاں اُونکُوں قبول کر تے حقیقی طور تے جاݨ گِھدے جو مَیں تیڈی طرفوں آیا ہاں تے او اِیمان گِھن آئے جو تُوں ای میکُوں بھیجیا ہے۔

یُوحنّا 3:17

کیوں جو خُدا آپنڑے پوتر کُوں دُنیا ءچ اِیں خاطر نئیں بھیجیا جو دُنیا کُوں سزا دا حُکم سُنڑاوے بلکہ اِیں واسطے جو دُنیا اُوندے وسیلے نال نجات پاوے۔

یُوحنّا 3:34

کیوں جو جِینکُوں خُدا بھیجیا ہے او خُدا دے گالھیں اکھیندے، اِیں واسطے جو خُدا رُوح القُدس ناپ ناپ تے نئیں ڈیندا۔

یُوحنّا 5:44

تُساں ہِک ڈُوجھے کنُوں عزت چاہندے ہیوے، تے جیہڑی عزت خُدائے واحد دی طرفوں مِلدی ہے اُونکُوں حاصل کرݨ نئیں چاہندے۔ تُساں کِینویں اِیمان گِھن آ سگدے ہیوے؟

یُوحنّا 6:57

جِینویں زندہ باپ میکُوں بھیجیا تے مَیں باپ دی وجہ کنُوں زندہ ہاں، اِینویں ای جیہڑا میکُوں کھاسی او میڈی وجہ کنُوں زندہ راہسی۔

یُوحنّا 7:29

مَیں اُونکُوں جانڑدا ہاں اِیں واسطے جو مَیں اُوندی طرفوں ہاں تے اُونہی میکُوں بھیجیا ہے۔“

یُوحنّا 8:19

اُنہاں پُچھیا، ”تیڈا باپ کِتھاں ہے؟“ یسُوع جواب ڈِتا، ”نہ تُساں میکُوں جانڑدے ہیوے، نہ ای میڈے باپ کُوں۔ جے میکُوں جانڑدے تاں میڈے باپ کُوں وی جانڑدے۔“

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

1کُرِنتھِیوں 8:4

بُتاں دیاں قُربانیاں دا گوشت کھاوݨ دے بارے ءچ اساں جانڑدے ہیں جو دُنیا ءچ بُتاں دی حقیقت بالکل نئیں۔ خُدا ہِک ہے تے اُوندے علاوہ کوئی معبُود نئیں۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

فِلِپّیوں 3:10

مَیں مسیح کُوں تے اُوندے زندہ تھیوݨ دی قُدرت کُوں جانڑنڑاں، اُوندے نال ڈُکھاں ءچ شریک تھیوݨ تے اُوندی موت ءچ اُوندے جِیہا بنڑنڑاں چاہندا ہاں،

فِلِپّیوں 3:8

بلکہ میڈے کیتے آپنڑے خُداوند یسُوع مسیح کُوں جانڑن اِتنی قیمتی گالھ ہے جو اُوندے مُقابلہ ءچ ڈُوجھیاں سبھ چیزاں کُوں نُقصان سمجھدا ہاں۔ اُوندی خاطر مَیں سبھ چیزاں دا نُقصان برداشت کیتے تے اُنہاں کُوں کُوڑا سمجھدا ہاں تاں جو مسیح کُوں حاصل کر گِھناں،

1تھِسّلُنیکیوں 1:9

کیوں جو لوک خود ڈسیندے ہِن جو جِیں ویلے اساں تُہاڈے کولھ آئے تاں تُساں کِینویں خوشی نال ساڈا اِستقبال کیتا، تے کِینویں بُتاں کُوں چھوڑ تے زندہ تے برحق خُدا دی عبادت کرݨ کیتے اُوندے دو آئے،

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

2 پطرس 1:2

خُدا تے ساڈے خُداوند یسُوع دی پچھاݨ دے سببّوں تُہاکُوں ڈھیگ سارا فضل تے اِطمینان حاصل تھیندا راہوے۔

2 پطرس 1:3

خُدا دی اِلٰہی قُدرت ساکُوں او سبھ چیزاں ڈِتیاں جیہڑیاں دیندار زندگی کیتے ضروری ہِن۔ تے ایہ ساکُوں اُوندی پچھاݨ دے وسیلے نال مِلیاں، جئیں ساکُوں آپنڑے جلال تے نیکی دے ذریعے سڈے۔

2 پطرس 1:8

کیوں جو جے ایہ خُوبیاں تُہاڈے ءچ موجود ہووݨ تے ودھدیاں ونجنڑ تاں او تُہاکُوں ساڈے خُداوند یسُوع مسیح کُوں پچھانڑن ءچ بے کار تے بے پھل نہ ہووݨ ڈیسن۔

1 یُوحنّا 1:2

او جیہڑا خود زندگی ہا، ظاہر تھیّا تے اساں اُونکُوں ڈِٹھا۔ اساں اُوندی گواہی ڈے تے تُہاکُوں اُوں ہمیشاں دی زندگی دی خبر ڈیندے ہیں، جیہڑی باپ دے نال ہئی تے ساڈے اُتے ظاہر تھئی۔

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

1 یُوحنّا 2:23

جیہڑا کوئی پوتر دا اِنکار کریندے، اُوندے کولھ باپ وی نئیں تے جیہڑا پوتر دا اِقرار کریندے، اُوندے کولھ باپ وی ہے۔

1 یُوحنّا 4:6

پر اساں خُدا کنُوں ہیں تے جیہڑا کوئی خُدا کُوں جانڑدے او ساڈی سُنڑدے۔ پر جیہڑا خُدا کنُوں نئیں او ساڈی نئیں سُنڑدا۔ اِینویں اساں سچائی دی رُوح تے گُمراہ کرݨ آلی رُوح ءچ فرق کر سگدے ہیں۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔