یُوحنّا 17:2 - کِتاب مُقدّس سرائیکی ترجمہ

² کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

یُوحنّا 17:2 Iomraidhean Croise

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

یُوحنّا 17:6

مَیں تیڈا ناں اُنہاں اُتے ظاہر کیتے جِنہاں کُوں تُوں دُنیا ءچوں چُنڑ تے میکُوں ڈِتے۔ او تیڈے ہَن، تے تُوں اُنہاں کُوں میڈے حوالے کر ڈِتے تے اُنہاں تیڈے کلام اُتے عمل کیتا ہے۔

یُوحنّا 17:9

مَیں اُنہاں کیتے دُعا کریندا ہاں۔ مَیں دُنیا کیتے دُعا نئیں کریندا بلکہ اُنہاں کیتے جِنہاں کُوں تُوں میکُوں ڈِتے کیوں جو او تیڈے ہِن۔

یُوحنّا 3:35

باپ پوتر نال محبت رکھیندے تے اُوں سبھ کُجھ پوتر دے سپُرد کر ڈِتے۔

یُوحنّا 4:14

پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

یُوحنّا 6:39

تے میڈے بھیجنڑ آلے دی مرضی ایہ ہے جو جِتی وی لوک اُوں میکُوں ڈِتے ہِن، مَیں اُنہاں ءچوں کہیں کُوں وَنجا نہ ڈیواں بلکہ سبھ کُوں قیامت آلے ڈینہہ ولا زندہ کراں۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

1کُرِنتھِیوں 15:25

کیوں جو مسیح کُوں اُوں ویلے تئیں بادشاہی کرݨ ضرور ہے جئیں تئیں او سارے دُشمنڑاں کُوں آپنڑے پیراں تلے نہ کر گِھنے۔

اِفِسیوں 1:20

جِیندے نال اُوں مسیح کُوں مُردیاں ءچوں زندہ کر تے اسمان اُتے آپنڑے سجے پاسے بِلھایا،

فِلِپّیوں 2:10

تاں جو یسُوع دے ناں اُتے ہر ہِک گوڈا جُھکے، بھانویں او اسمان اُتے ہووے یا زمین اُتے یا زمین دے تلے۔

1 تِیمُتھِیُس 1:16

پر میڈے اُتے رحم اِیں واسطے تھیّا جو خُداوند یسُوع مسیح میڈے ذریعے جیہڑا سبھ تُوں وڈا گُنہگار ہاں، آپنڑا کمال صبر ظاہر کرے تاں جو مَیں اُنہاں ساریاں کیتے نمونہ بنڑ سگاں جیہڑے اُوندے اُتے اِیمان گِھن آ تے ہمیشاں دی زندگی پیسن۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

1 یُوحنّا 1:2

او جیہڑا خود زندگی ہا، ظاہر تھیّا تے اساں اُونکُوں ڈِٹھا۔ اساں اُوندی گواہی ڈے تے تُہاکُوں اُوں ہمیشاں دی زندگی دی خبر ڈیندے ہیں، جیہڑی باپ دے نال ہئی تے ساڈے اُتے ظاہر تھئی۔

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

یہُوداہ 1:21

آپنڑے آپ کُوں خُدا دی محبت ءچ قائم رکھو تے خُداوند یسُوع مسیح دی رحمت دے منتظر راہو جِیندا نتیجہ ابدی زندگی ہے۔