یُوحنّا 16:16 - کِتاب مُقدّس سرائیکی ترجمہ

¹⁶ کُجھ دیر بعد تُساں میکُوں نہ ڈیکھسو تے وَل کُجھ دیر بعد ولا میکُوں ڈیکھ گِھنسو۔“

یُوحنّا 16:16 Iomraidhean Croise

مرقس 16:19

خُداوند یسُوع اُنہاں نال کلام کرݨ تُوں بعد اسمان اُتے چا گِھدا گِیا تے خُدا دے سجے پاسُوں بہہ گِیا۔

یُوحنّا 12:35

یسُوع اُنہاں کُوں جواب ڈِتا، ”نُور تُہاڈے نال تھوڑی دیر تئیں بِیا ہے۔ جئیں تئیں نُور تُہاڈے نال ہے نُور ءچ چلدے راہو، اِینویں نہ تھیوے جو اندھارا تُہاکُوں آ جھلے۔ جیہڑا بندہ اندھارے ءچ چلدے، او نئیں جانڑدا جو کِتھاں ویندے۔

یُوحنّا 13:3

یسُوع ایہ جاݨ تے جو باپ ساریاں چیزاں میڈے ہتھ ءچ کر ڈِتیاں ہِن، تے مَیں خُدا دے کولُھوں آیا تے خُدا ای دے کولھ واپس ویندا ہاں،

یُوحنّا 13:33

بالو! مَیں تھوڑی دیر بِیا تُہاڈے نال ہاں۔ تُساں میکُوں گولھیسو پر جِینویں مَیں یہُودیاں کُوں آکھیا جو ’جِتھاں مَیں ویندا ہاں، اُتھاں تُساں نئیں آ سگدے،‘ اُونویں ای ہُنڑ تُہاکُوں وی آدھا ہاں۔

یُوحنّا 16:10

راستبازی دے بارے ءچ اِیں واسطے جو مَیں باپ دے کولھ ویندا ہاں تے تُساں میکُوں ولا نہ ڈیکھسو،

یُوحنّا 16:22

اِینویں ای ہُنڑ تُہاکُوں ڈُکھ تاں ہے پر مَیں تُہاکُوں ولا مِلساں تے تُہاڈا دل خوش تھیسی تے کوئی تُہاڈی خوشی کَھس نہ گِھنسی۔

یُوحنّا 16:28

مَیں باپ ءچوں نِکل تے دُنیا ءچ آیا ہاں۔ وَل دُنیا تُوں رُخصت تھی تے باپ کولھ ویندا ہاں۔“

یُوحنّا 16:5

پر ہُنڑ مَیں آپنڑے بھیجنڑ آلے دے کولھ ویندا ہاں تے تُہاڈے ءچوں کوئی میکُوں نئیں پُچھدا جو تُوں کِتھاں ویندیں؟

یُوحنّا 17:13

پر ہُنڑ مَیں تیڈے کولھ آندا ہاں تے مَیں ایہ گالھیں دُنیا ءچ راہندے ہوئے آدھا ہاں تاں جو میڈی ساری خوشی اُنہاں کُوں حاصل تھیوے۔

یُوحنّا 17:5

تے ہُنڑ اے باپ! میکُوں آپنڑے حضُور ءچ جلال ڈے، او جلال جیہڑا مَیں دُنیا دے بنڑݨ کنُوں پہلے تیڈے نال رکھیندا ہم۔

یُوحنّا 7:33

یسُوع آکھیا، ”مَیں بِیا کُجھ ڈینہاں تئیں تُہاڈے کولھ ہاں، وَل مَیں آپنڑے بھیجنڑ آلے کولھ چلیا ویساں۔

اعمال 1:3

ڈُکھ سہنڑ تُوں بعد اُوں آپنڑے آپ کُوں رسُولاں اُتے ظاہر کر تے، آپنڑے زندہ ہووݨ دے بہُوں سارے ثبوت ڈِتے۔ چالیہہ ڈینہہ تئیں او اُنہاں کُوں نظر آندا تے خُدا دی بادشاہی دے بارے ءچ ڈسیندا ریہا۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔