یُوحنّا 15:7 - کِتاب مُقدّس سرائیکی ترجمہ

⁷ جے تُساں میڈے ءچ قائم راہو تے میڈا کلام تُہاڈے دل ءچ قائم راہوے تاں جیہڑا کُجھ منگو او تُہاڈے کیتے تھی ویسی۔

یُوحنّا 15:7 Iomraidhean Croise

متّی 7:7

منگسو تاں تُہاکُوں ڈِتا ویسی۔ گولھیسو تاں مِلسی۔ دَر کھڑکیسو تاں تُہاڈے کیتے کھولیا ویسی۔

یُوحنّا 14:13

تے جیہڑا کُجھ تُساں میڈے ناں تُوں منگسو، مَیں اُوہو کریساں تاں جو باپ دا جلال پوتر دے وسیلے ظاہر تھیوے۔

یُوحنّا 15:16

تُساں میکُوں نئیں چُنڑیا بلکہ مَیں تُہاکُوں چُنڑیا تے مقرر کیتے جو تُساں وَنج تے پھل گِھن آؤ تے تُہاڈا پھل قائم راہوے، تاں جو جیہڑا کُجھ تُساں میڈے ناں تُوں باپ کنُوں منگو، او تُہاکُوں ڈیوے۔

یُوحنّا 16:23

اُوں ڈینہہ تُساں میڈے تُوں کُجھ نہ پُچھسو۔ مَیں تُہاکُوں سچ آدھا ہاں جو جے تُساں باپ کنُوں میڈے ناں تُوں کُجھ منگسو تاں او تُہاکُوں ڈیسی۔

یُوحنّا 8:31

بس یسُوع اُنہاں یہُودیاں کُوں جیہڑے اُوندے اُتے اِیمان گِھن آئے ہَن آکھیا جو ”جے تُساں میڈے کلام اُتے قائم راہسو تاں حقیقت ءچ میڈے شاگرد ہوسو،

یُوحنّا 8:37

مَیں جانڑدا ہاں جو تُساں ابرہام دی اولاد ہیوے، وَل وی تُساں میڈے قتل دی کوشش ءچ ہیوے کیوں جو تُہاڈے دِلاں ءچ میڈا کلام جاہ نئیں پَیندا۔

گلتِیوں 4:2

تے او پِیُو دی مقرر کیتی ہوئی عُمر تئیں نگہباناں تے مُختاراں دے اِختیار ءچ راہندے۔

گلتِیوں 5:16

مَیں تاں ایہ آدھا ہاں جو رُوح القُدس دے مطابق چلو تاں وَل تُساں نفسانی خواہشاں کُوں ہرگز پُورا نہ کریسو۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

1 یُوحنّا 2:14

بزُرگو! مَیں تُہاکُوں اِیں واسطے لِکھیا ہے جو تُساں اُونکُوں جیہڑا ازل کنُوں موجود ہے، جاݨ گِھدے۔ جوانو! مَیں تُہاکُوں اِیں واسطے لِکھیا ہے جو تُساں مضبوط ہیوے تے خُدا دا کلام تُہاڈے دِلاں ءچ وسدے، تے تُساں ابلیس اُتے غالب آ گئے ہیوے۔

1 یُوحنّا 2:27

پر رُوح القُدس جیندے نال مسیح تُہاکُوں مسح کیتے، تُہاڈے دِلاں ءچ قائم راہندے، اِیں واسطے ضرورت کائنی جو کوئی تُہاکُوں سِکھاوے۔ رُوح القُدس ای تُہاکُوں سارے گالھیں سکھیندے تے جیہڑا کُجھ او سکھیندے، سچائی ہے کُوڑ نئیں۔ بس جِینویں اُوں تُہاکُوں سِکھائے، اُونویں ای تُساں مسیح ءچ قائم راہو۔

1 یُوحنّا 3:22

تے اساں جیہڑا کُجھ اُوں کنُوں منگدے ہیں، او ساکُوں اُوندی طرفوں مِل ویندے، کیوں جو اساں اُوندے حُکماں اُتے عمل کریندے ہیں تے اُوہو کریندے ہیں جیہڑا اُونکُوں پسند ہے۔

1 یُوحنّا 5:14

ساکُوں خُدا اُتے ایہ اعتماد ہے جو اساں جیہڑا کُجھ اُوندی مرضی دے مطابق منگدے ہیں، او ساڈی سُنڑدے۔