یُوحنّا 15:1 - کِتاب مُقدّس سرائیکی ترجمہ

¹ ”انگُور دی حقیقی ویل مَیں ہاں تے میڈا باپ باغبان ہے۔

یُوحنّا 15:1 Iomraidhean Croise

متّی 15:13

اُوں جواب ڈِتا، ”ہر او بُوٹا جیہڑا میڈے اسمانی باپ نئیں رہایا جڑھ کنُوں پَٹ ڈِتا ویسی۔

متّی 20:1

”کیوں جو اسمان دی بادشاہی اُوں گھر دے مالک وانگُوں ہے جیہڑا سویل نال باہر گِیا تاں جو آپنڑے انگُوراں دے باغ ءچ مزدُوراں کُوں کم تے لاوے۔

متّی 21:33

ہِک بئی مثال سُنڑو۔ ہِک گھر دا مالک ہا جئیں انگُوراں دا باغ رہایا تے اُوندے چودھارُوں واڑ ڈِتی تے اُوندے ءچ رَس کڈھنڑ کیتے حوض کھٹیا تے بُرج بنڑایا تے اُونکُوں ٹھیکیداراں کُوں کاشتکاری کیتے ڈے تے خود پردیس چلیا گِیا۔

مرقس 12:1

وَل یسُوع اُنہاں نال مثالاں ءچ گالھیں کرݨ لگا جو ”ہِک بندے انگُوراں دا باغ رہایا تے اُوندے چودھارُوں واڑ ڈِتی تے انگُوراں دا رَس کڈھنڑ کیتے ہِک حوض کھٹیا تے چوکیداری کیتے ہِک بُرج بنڑایا۔ وَل او انگُوراں دا باغ ٹھیکیداراں کُوں کاشتکاری کیتے ڈے تے خود پردیس چلیا گِیا۔

لُوقا 13:6

وَل اُوں ایہ مثال سُنڑائی جو ”کہیں بندے آپنڑے انگُوراں دے باغ ءچ ہنجیر دا درخت لایا تے او اُوندے ءچ پھل گولھنڑ آیا پر نہ مِلیا۔

یُوحنّا 1:17

کیوں جو شریعت تاں مُوسیٰ دے وسیلے ڈِتی گئی پر فضل تے سچائی یسُوع مسیح دے وسیلے مِلی۔

یُوحنّا 1:9

سچا نُور جیہڑا ہر ہِک اِنسان کُوں روشن کریندے، دُنیا ءچ آوݨ آلا ہا۔

یُوحنّا 15:2

جیہڑی ٹاہنڑی میڈے ءچ ہے پر پھل نئیں ڈیندی اُونکُوں او کپ سٹیندے، تے جیہڑی پھل ڈیندی ہے اُونکُوں او چھنڈیندے تاں جو او زیادہ پھل ڈیوے۔

یُوحنّا 6:32

یسُوع اُنہاں کُوں آکھیا، ”مَیں تُہاکُوں سچ آدھا ہاں جو مُوسیٰ تاں تُہاکُوں اسمان تُوں او روٹی نہ ڈِتی بلکہ میڈا باپ تُہاکُوں اسمان تُوں حقیقی روٹی ڈیندا ہے۔

یُوحنّا 6:55

کیوں جو حقیقی کھانڑا میڈا گوشت تے پِیوݨ دی حقیقی چیز میڈا خون ہے۔

رومیوں 11:17

بے شک کُجھ لڑیاں کپ ڈِتیاں گئیاں تے تُوں جنگلی زیتون ہوندے ہوئے اُنہاں دی جاہ پیوند تھی گِیا، تے زیتون دے درخت دی جڑھ دے روغن ءچ حصہ دار تھی گِیا۔

1کُرِنتھِیوں 3:9

کیوں جو اساں رَل تے خُدا دے کم کرݨ آلے ہیں تے تُساں خُدا دی کھیتی ہیوے۔ تے تُساں خُدا دا گھر وی ہیوے۔

1 یُوحنّا 2:8

پر مَیں جیہڑا حُکم تُہاکُوں لِکھ تے بھجیندا پِیا ہاں، او اِیں لحاظ نال نواں ہے جو اُوندی سچائی مسیح ءچ تے تُہاڈی زندگی ءچ نظر آندی ہے۔ کیوں جو اندھارا ختم تھیندا ویندے تے حقیقی نُور چمکنڑ لگ گئے۔