یُوحنّا 13:8 - کِتاب مُقدّس سرائیکی ترجمہ

⁸ پطرس اُونکُوں آکھیا، ”تُساں میڈے پیر کڈھائیں نہ دھوسو۔“ یسُوع اُونکُوں جواب ڈِتا، ”جے مَیں تیکُوں نہ دُھوواں تاں تیڈی میڈے نال کوئی شراکت نئیں۔“

یُوحنّا 13:8 Iomraidhean Croise

متّی 16:22

پطرس اُونکُوں اَنج کر تے ملامت کرݨ لگا جو، ”مالک! خُدا نہ کرے، تُہاڈے نال کڈھائیں اِینویں تھیوے۔“

متّی 21:29

اُوں جواب ءچ آکھیا، ’مَیں نہ ویساں،‘ پر بعد ءچ پشیمان تھی تے چلیا گِیا۔

متّی 26:33

پطرس جواب ڈِتا، ”بھانویں تُہاڈی وجہ کنُوں سبھ تُھڈا کھا تے تُہاکُوں چھوڑ ڈیوݨ، پر مَیں کڈھائیں تُہاکُوں نہ چُھڑیساں۔“

متّی 26:35

پطرس اُونکُوں آکھیا، ”جے تُہاڈے نال میکُوں مرنڑا وی پووے، وَل وی تُہاڈا اِنکار نہ کریساں۔“ تے سارے شاگرداں وی اِیہو آکھیا۔

یُوحنّا 13:6

جِیں ویلے او شمعون پطرس تئیں پُجیا تاں پطرس اُونکُوں آکھیا، ”مالک! کیا تُساں میڈے پیر دھوسو؟“

یُوحنّا 13:9

شمعون پطرس اُونکُوں آکھیا، ”مالک! صرف میڈے پیر ای نئیں بلکہ ہتھ تے سر وی دھو ڈیؤ۔“

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

اعمال 22:16

ہُنڑ کیجھی دیر؟ اُٹھی بپتسمہ گِھن، تے اُوندا ناں گِھن تے آپنڑے گُناہ دھو گِھن۔‘

1کُرِنتھِیوں 6:11

تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

اِفِسیوں 5:26

تاں جو او کلیسیا کُوں کلام دے ذریعے پانڑی نال غُسل ڈے تے صاف تے مُقدّس بنڑا ڈیوے،

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

کلُسِّیوں 2:23

ایہ حُکم ڈیکھنڑ ءچ حِکمت آلے تاں لگدے ہِن کیوں جو اُنہاں ءچ خود بنڑائے ہوئے مذہبی اعمال تے پرہیزگاری تے جِسم کُوں ڈُکھ ڈیونڑ اُتے زور ڈِتا گئے پر جِسمانی خواہشاں اُتے قابو پاوݨ ءچ اُنہاں کنُوں کوئی مدد نئیں مِلدی۔

طِطُس 3:5

تاں خُدا ساکُوں نجات ڈِتی پر ساڈے نیک کماں دی وجہ کنُوں نئیں جیہڑے اساں کیتے بلکہ آپنڑے رحم دی وجہ کنُوں۔ ایہ نجات ساکُوں رُوح القُدس دے وسیلے مِلی جئیں ساکُوں دھو تے نویں سرے تُوں پیدا کیتا تے نوِیں زندگی ڈِتی۔

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

مُکاشفہ 7:14

مَیں جواب ڈِتا ”میڈے آقا! ایہ تاں تُساں ای جانڑدے ہیوے۔“ وَل اُوں آکھیا جو ”ایہ لوک او ہِن جیہڑے وڈی مُصیبت ءچوں نِکل تے آئے ہِن۔ اُنہاں آپنڑے کپڑے لیلے دے خون نال دھو تے چِٹے کیتے ہِن۔