یُوحنّا 13:34 - کِتاب مُقدّس سرائیکی ترجمہ

³⁴ مَیں تُہاکُوں ہِک نواں حُکم ڈیندا ہاں جو تُساں ہِک ڈُوجھے نال محبت رکھو۔ جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

یُوحنّا 13:34 Iomraidhean Croise

متّی 5:44

پر مَیں تُہاکُوں ایہ آدھا ہاں جو آپنڑے دُشمنڑاں نال محبت رکھو، تے جیہڑے تُہاکُوں سَتیندے ہِن اُنہاں کیتے دُعا کرو۔

یُوحنّا 15:17

مَیں اِنہاں گالھیں دا حُکم تُہاکُوں اِیں واسطے ڈیندا ہاں جو تُساں ہِک ڈُوجھے نال محبت رکھو۔

یُوحنّا 17:21

تاں جو او سارے ہِک ہووݨ جِینویں باپ، تُوں میڈے ءچ ہیں تے مَیں تیڈے ءچ ہاں۔ مَیں چاہندا ہاں جو او وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔

رومیوں 12:10

برادرانہ محبت نال ہِک ڈُوجھے کُوں پیار کرو۔ آپنڑے کنُوں زیادہ ڈُوجھیاں دی عزت کرو۔

رومیوں 13:10

محبت آپنڑے ہمسائے نال بُرائی نئیں کریندی اِیں واسطے محبت کرݨ شریعت کُوں پُورا کرݨ ہے۔

رومیوں 13:8

آپس دی محبت دے سِوا کہیں چیز دے قرضدار نہ راہو کیوں جو جیہڑا ڈُوجھے نال محبت رکھیندے او شریعت اُتے عمل کریندے۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

گلتِیوں 6:10

اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

گلتِیوں 6:2

ہِک بئے دا بھار چاؤ تے اِینویں ای مسیح دی شریعت کُوں پُورا کرو۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

کلُسِّیوں 1:4

کیوں جو اساں سُنڑیا ہے جو تُساں مسیح یسُوع اُتے اِیمان رکھیندے ہیوے تے سارے مُقدّساں نال محبت کریندے ہیوے۔

1تھِسّلُنیکیوں 3:12

خُداوند کرے جو جِینویں ساکُوں تُہاڈے نال محبت ہے اُونویں ای تُہاڈی محبت وی آپس ءچ تے سبھ لوکاں نال ودھدی ونجے۔

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

عبرانیوں 13:1

برادرانہ محبت قائم رکھو۔

یعقُوب 2:8

پر جے تُساں خُدا دے کلام دے اِیں شاہی فرمان اُتے جو ”آپنڑے ہمسائے نال آپنڑے وانگُوں محبت رکھ“ عمل کریندے ہیوے تاں چنگا کریندے ہیوے۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

2 پطرس 1:7

تے دینداری نال برادرانہ پیار تے برادرانہ پیار نال محبت ودھے۔

1 یُوحنّا 3:11

ایہ اُوہو پیغام ہے جیہڑا تُساں شروع کنُوں سُنڑیا ہے جو ہِک ڈُوجھے نال محبت رکھو۔

1 یُوحنّا 3:23

تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔

1 یُوحنّا 4:21

ساکُوں تاں اُوندی طرفوں ایہ حُکم مِلیا ہے جو جیہڑا کوئی خُدا نال محبت رکھیندے، او آپنڑے بِھرا نال وی محبت رکھے۔

2 یُوحنّا 1:5

مَیں مِنت کریندا ہاں جو اساں سبھ ہِک ڈُوجھے نال محبت رکھوں۔ ایہ کوئی نواں حُکم نئیں جیہڑا میں لِکھدا پِیا ہاں، بلکہ اُوہو جیہڑا شروع کنُوں ساڈے کولھ ہے۔