یُوحنّا 13:3 - کِتاب مُقدّس سرائیکی ترجمہ

³ یسُوع ایہ جاݨ تے جو باپ ساریاں چیزاں میڈے ہتھ ءچ کر ڈِتیاں ہِن، تے مَیں خُدا دے کولُھوں آیا تے خُدا ای دے کولھ واپس ویندا ہاں،

یُوحنّا 13:3 Iomraidhean Croise

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

لُوقا 10:22

میڈے باپ دی طرفوں سارا کُجھ میڈے سپُرد کیتا گِیا ہے تے کوئی نئیں جانڑدا جو پوتر کوݨ ہے سِوا باپ دے۔ تے کوئی نئیں جانڑدا جو باپ کوݨ ہے سِوا پوتر دے تے سِوا اُوں بندے دے جیندے اُتے پوتر اُونکُوں ظاہر کرݨ چاہندے۔“

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 13:1

عید ِ فسح شروع تھیوݨ آلی ہئی تے یسُوع کُوں معلوم ہا جو اُوندا دُنیا تُوں رُخصت تھی تے باپ کولھ ونجنڑ دا ویلا آ گئے۔ او آپنڑے لوکاں نال جیہڑے دُنیا ءچ ہَن محبت رکھیندا ہا تے آخر تئیں محبت رکھیندا ریہا۔

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

یُوحنّا 3:13

کوئی اسمان اُتے نئیں گِیا سوائے اُوندے جیہڑا اسمان کنُوں لتھے یعنی اِبنِ آدم۔

یُوحنّا 3:35

باپ پوتر نال محبت رکھیندے تے اُوں سبھ کُجھ پوتر دے سپُرد کر ڈِتے۔

یُوحنّا 7:29

مَیں اُونکُوں جانڑدا ہاں اِیں واسطے جو مَیں اُوندی طرفوں ہاں تے اُونہی میکُوں بھیجیا ہے۔“

یُوحنّا 7:33

یسُوع آکھیا، ”مَیں بِیا کُجھ ڈینہاں تئیں تُہاڈے کولھ ہاں، وَل مَیں آپنڑے بھیجنڑ آلے کولھ چلیا ویساں۔

یُوحنّا 8:14

یسُوع جواب ءچ اُنہاں کُوں آکھیا، ”بھانویں مَیں آپ ای آپنڑی گواہی ڈیندا ہاں تاں وَل وی میڈی گواہی سچی ہے کیوں جو مَیں جانڑدا ہاں جو مَیں کِتھوں آیا ہاں تے کِتھاں ویندا ہاں۔ پر تُساں نئیں جانڑدے جو مَیں کِتھوں آندا ہاں یا کِتھاں ویندا ہاں۔

یُوحنّا 8:42

یسُوع اُنہاں کُوں آکھیا، ”جے خُدا تُہاڈا باپ ہوندا تاں تُساں میڈے نال محبت کریندے، اِیں واسطے جو مَیں خُدا ءچوں نِکلیا تے آیا ہاں۔ مَیں آپنڑی مرضی نال نئیں آیا بلکہ اُوں میکُوں بھیجیا ہے۔

اعمال 2:36

بس اِسرائیل دا سارا خاندان جاݨ گِھنے جو خُدا اُوں یسُوع کُوں جِینکُوں تُساں صلیب چڑھایا، خُداوند وی بنڑایا تے المسیح وی۔“

1کُرِنتھِیوں 15:27

کیوں جو لِکھیا ہے جو ”خُدا سبھ کُجھ اُوندے پیراں تلے کر ڈِتے۔“ پر جِیں ویلے کلام آدھے جو ”سبھ کُجھ“ اُوندے تابع کر ڈِتا گئے تاں ظاہر ہے جو خُدا جئیں سبھ کُجھ مسیح دے تابع کر ڈِتے، خود شامل نئیں۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔