یُوحنّا 13:18 - کِتاب مُقدّس سرائیکی ترجمہ

¹⁸ مَیں تُساں ساریاں دے بارے ءچ نئیں آدھا۔ جِنہاں کُوں مَیں چُنڑیا ہے مَیں اُنہاں کُوں جانڑدا ہاں۔ پر کلام دی ایہ گالھ پُوری تھیوݨ ضرور ہے جو جیہڑا میڈی روٹی کھاندے اُوہو میڈے اُتے لَت چیندے۔

یُوحنّا 13:18 Iomraidhean Croise

متّی 10:36

تے بندے دے دُشمنڑ اُوندے گھر دے لوک ای ہوسن۔

متّی 26:21

تے کھاوݨ ویلے اُوں آکھیا، ”مَیں تُہاکُوں سچ آدھا ہاں جو تُہاڈے ءچوں ہِک میکُوں پکڑ ویسی۔“

متّی 26:23

اُوں جواب ڈِتا، ”جئیں میڈے نال سالنڑ دے مُنگر ءچ ہتھ بوڈے، اُوہو میکُوں پکڑ ویسی۔

مرقس 14:17

جِیں ویلے شام تھئی تاں یسُوع اُنہاں بارہاں شاگرداں نال آیا۔

مرقس 14:18

تے جِیں ویلے او بیٹھے کھاندے پئے ہَن تاں اُوں آکھیا، ”مَیں تُہاکُوں سچ آدھا ہاں جو تُہاڈے ءچوں ہِک جیہڑا میڈے نال کھانڑا کھاندے، میکُوں پکڑ ویسی۔“

مرقس 14:20

اُوں اُنہاں کُوں آکھیا جو ”او تُساں بارہاں ءچوں ہِک ہے جیہڑا میڈے نال مُنگر ءچ ہتھ پیندے۔

لُوقا 22:21

پر ڈیکھو میکُوں پکڑواوݨ آلے دا ہتھ میڈے نال دسترخوان اُتے ہے۔

یُوحنّا 13:21

اِنہاں گالھیں دے بعد یسُوع آپنڑے دل ءچ بہُوں گھبرایا تے ایہ گواہی ڈِتی جو ”مَیں تُہاکُوں سچ آدھا ہاں جو تُہاڈے ءچوں ہِک میکُوں پکڑ ویسی۔“

یُوحنّا 13:22

شاگرد ہِک بئے کُوں شک دی نِگاہ نال ڈیکھنڑ لگے جو او کیندے بارے ءچ آدھے۔

یُوحنّا 13:26

یسُوع جواب ڈِتا، ”جِینکُوں مَیں روٹی دا گِراں بوڈ تے ڈیساں اُوہو ہوسی۔“ وَل اُوں گِراں بوڈیا تے شمعون اِسکریُوتی دے پوتر یہُوداہ کُوں ڈِتا۔

یُوحنّا 15:16

تُساں میکُوں نئیں چُنڑیا بلکہ مَیں تُہاکُوں چُنڑیا تے مقرر کیتے جو تُساں وَنج تے پھل گِھن آؤ تے تُہاڈا پھل قائم راہوے، تاں جو جیہڑا کُجھ تُساں میڈے ناں تُوں باپ کنُوں منگو، او تُہاکُوں ڈیوے۔

یُوحنّا 15:19

جے تُساں دُنیا دے ہوندے تاں دُنیا تُہاکُوں آپنڑا سمجھ تے عزیز رکھیندی پر کیوں جو تُساں دُنیا دے نئیں بلکہ مَیں تُہاکُوں دُنیا ءچوں چُنڑ گِھدے اِیں واسطے دُنیا تُہاڈے نال نفرت کریندی ہے۔

یُوحنّا 15:25

پر ایہ اِیں واسطے تھیّا جو اُنہاں دی شریعت ءچ لِکھی ہوئی گالھ پُوری تھی ونجے جو اُنہاں میڈے نال بِلاوجہ نفرت کیتی۔

یُوحنّا 17:12

جئیں تئیں مَیں اُنہاں دے نال ہم، مَیں تیڈے بخشے ہوئے ناں دے وسیلہ نال اُنہاں دی حفاظت کیتی۔ مَیں اُنہاں دی ڈیکھ بھال کیتی تے اُنہاں ءچوں کوئی ہلاک نہ تھیّا سوائے اُوندے جئیں ہلاک تھیونڑا ہا، تاں جو خُدا دا کلام پُورا تھیوے۔

یُوحنّا 18:32

ایہ اِیں واسطے تھیّا جو یسُوع دی او گالھ پُوری تھیوے جو او کئیں طرحاں دی موت مرسی۔

یُوحنّا 19:24

اُنہاں آپس ءچ آکھیا، ”اِیندے ٹوٹے نہ کرُوں بلکہ اِیندے اُتے پرچی پا تے ڈیدھے ہیں جو ایہ کیندے حصہ ءچ آندے۔“ ایہ اِیں واسطے تھیّا جو او نوِشتہ پُورا تھیوے جو ”اُنہاں میڈی پُشاک آپس ءچ وَنڈ گِھدی تے میڈے کپڑیاں اُتے پرچی پاتی۔“ تے سپاہیاں اِینویں ای کیتا۔

یُوحنّا 19:36

ایہ گالھیں اِیں واسطے تھیّاں جو خُدا دے کلام ءچ لِکھیا ہویا پُورا تھی ونجے جو ”اُوندی کوئی ہڈی تروڑی نہ ویسی۔“

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

یُوحنّا 6:70

یسُوع اُنہاں کُوں جواب ڈِتا، ”کیا مَیں تُساں بارہاں کُوں نئیں چُنڑ گِھدا؟ وَل وی تُہاڈے ءچوں ہِک شیطان ہے۔“

اعمال 1:16

”بِھراؤ! اُوں نوِشتہ دا پُورا تھیوݨ ضرور ہا، جیہڑا رُوح القُدس پہلے ای داؤد دی زبان کنُوں اکھوا ڈِتا ہا۔ او گالھ یہُوداہ دے بارے ءچ ہئی جئیں یسُوع کُوں پکڑواوݨ آلیاں دی راہنمائی کیتی ہئی،

اعمال 1:2

اُوں ڈینہہ تئیں جِیں ویلے او اسمان اُتے چاتا گِیا۔ چاتے ونجنڑ تُوں پہلے اُوں آپنڑے چُنڑے ہوئے رسُولاں کُوں رُوح القُدس دے وسیلہ نال ہدایت کیتی۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔