یُوحنّا 13:1 - کِتاب مُقدّس سرائیکی ترجمہ

¹ عید ِ فسح شروع تھیوݨ آلی ہئی تے یسُوع کُوں معلوم ہا جو اُوندا دُنیا تُوں رُخصت تھی تے باپ کولھ ونجنڑ دا ویلا آ گئے۔ او آپنڑے لوکاں نال جیہڑے دُنیا ءچ ہَن محبت رکھیندا ہا تے آخر تئیں محبت رکھیندا ریہا۔

یُوحنّا 13:1 Iomraidhean Croise

متّی 26:45

اُوندے بعد شاگرداں دے کولھ آ تے اُنہاں کُوں آکھیا، ”ہُنڑ سُتے راہو تے آرام کرو۔ ڈیکھو، او ویلا آ گئے جو اِبنِ آدم گُنہگاراں دے حوالے کیتا ویندے۔

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

لُوقا 22:53

جِیں ویلے مَیں ہر روز ہیکل ءچ تُہاڈے نال ہم تاں تُساں میڈے اُتے ہتھ نہ پایا، پر ایہ تُہاڈی گھڑی تے اندھارے دا اِختیار ہے۔“

لُوقا 9:51

جِیں ویلے او ڈینہہ نیڑے آئے جو یسُوع اسمان اُتے چاتا ونجے تاں اُوں پکّے اِرادے نال یروشلیم دا رُخ کیتا،

یُوحنّا 11:55

جِیں ویلے یہُودیاں دی عید ِ فسح نیڑے ہئی تاں بہُوں سارے لوک دیہات دے علاقیاں کنُوں یروشلیم گئے تاں جو عید ِ فسح کنُوں پہلے آپنڑے آپ کُوں پاک کرݨ۔

یُوحنّا 12:23

یسُوع جواب ڈِتا، ”اِبنِ آدم دا جلال ظاہر تھیوݨ دا وقت آ گِیا ہے۔

یُوحنّا 13:29

کیوں جو یہُوداہ دے کولھ پیسے آلی تھیلی راہندی ہئی اِیں واسطے کُجھ سوچیا جو یسُوع اُونکُوں عید کیتے ضروری سامان مُل گِھننڑ دا آدھا پِیا ہے یا ایہ جو غریباں کُوں کُجھ ڈیوے۔

یُوحنّا 13:3

یسُوع ایہ جاݨ تے جو باپ ساریاں چیزاں میڈے ہتھ ءچ کر ڈِتیاں ہِن، تے مَیں خُدا دے کولُھوں آیا تے خُدا ای دے کولھ واپس ویندا ہاں،

یُوحنّا 13:34

مَیں تُہاکُوں ہِک نواں حُکم ڈیندا ہاں جو تُساں ہِک ڈُوجھے نال محبت رکھو۔ جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

یُوحنّا 14:28

تُساں میڈے کنُوں سُنڑیا ہے جو مَیں ویندا ہاں تے تُہاڈے کولھ ولا آساں۔ جے تُساں میڈے نال محبت کریندے تاں اِیں گالھ تُوں خوش تھیندے جو مَیں باپ دے کولھ ویندا ہاں کیوں جو باپ مَیں کنُوں وڈا ہے۔

یُوحنّا 14:31

پر ایہ اِیں واسطے تھیندے جو دُنیا جاݨ گِھنے جو مَیں باپ نال محبت کریندا ہاں تے جِینویں باپ میکُوں حُکم ڈِتے مَیں اُونویں ای کریندا ہاں۔ اُٹھو اِتُھوں جُلوں۔“

یُوحنّا 16:28

مَیں باپ ءچوں نِکل تے دُنیا ءچ آیا ہاں۔ وَل دُنیا تُوں رُخصت تھی تے باپ کولھ ویندا ہاں۔“

یُوحنّا 17:1

یسُوع ایہ سبھ کُجھ آکھ ڈِتا تے آپنڑے اکھیں اسمان دو چا تے آکھیا، ”باپ! ہُنڑ ویلا آ گِیا ہے۔ تُوں آپنڑے پوتر دا جلال ظاہر کر تاں جو پوتر تیڈا جلال ظاہر کرے۔

یُوحنّا 17:16

جِینویں مَیں دُنیا دا نئیں او وی دُنیا دے نئیں۔

یُوحنّا 17:26

تے مَیں اُنہاں کُوں تیڈے ناں تُوں واقف کرا ڈِتے، تے کریندا راہساں تاں جو جیہڑی محبت تیکُوں میڈے نال ہئی او اُنہاں ءچ ہووے تے مَیں وی اُنہاں ءچ ہونواں۔“

یُوحنّا 17:5

تے ہُنڑ اے باپ! میکُوں آپنڑے حضُور ءچ جلال ڈے، او جلال جیہڑا مَیں دُنیا دے بنڑݨ کنُوں پہلے تیڈے نال رکھیندا ہم۔

یُوحنّا 18:4

یسُوع اُنہاں سارے گالھیں کُوں جانڑدے ہوئے جیہڑیاں اُونکُوں پیش آوݨ آلیاں ہَن، اگُوں ودھ تے اُنہاں کنُوں پُچھیا، ”کِیں کُوں گولھیندے ہیوے؟“

یُوحنّا 19:28

اِیندے بعد جِیں ویلے یسُوع جاݨ گِھدا جو ہُنڑ سارے گالھیں پُوریاں تھی گئیاں ہِن تاں جو خُدا دے کلام دا لِکھیا پُورا تھیوے تاں آکھیا، ”مَیں ترِسّا ہاں۔“

یُوحنّا 2:13

جِیں ویلے یہُودیاں دی عید ِ فسح نیڑے ہئی تاں یسُوع یروشلیم دو روانہ تھیّا۔

یُوحنّا 6:4

یہُودیاں دی عید ِ فسح نیڑے ہئی۔

یُوحنّا 7:30

اِیں گالھ تے لوک اُونکُوں پکڑن دی کوشش کرݨ لگے پر کہیں اُوندے اُتے ہتھ نہ پایا کیوں جو اجنڑ اُوندا وقت نہ آیا ہا۔

یُوحنّا 7:6

بس یسُوع اُنہاں کُوں آکھیا، ”میڈا مقررہ وقت اجنڑ نئیں آیا پر تُہاڈے کیتے سارا وقت مناسب ہے۔

یُوحنّا 8:20

یسُوع ایہ گالھیں ہیکل ءچ ہدیہ پاوݨ آلی جاہ دے نیڑے تعلیم ڈیندے ویلے آکھیاں، پر کہیں اُونکُوں نہ پکڑیا کیوں جو اجنڑ اُوندا وقت نہ آیا ہا۔

رومیوں 8:37

وَل وی اِنہاں سارے حالات ءچ ساکُوں اُوندے وسیلے نال زبردست فتح حاصل تھیندی ہے جئیں ساڈے نال محبت کیتی۔

1کُرِنتھِیوں 1:8

اُوہو تُہاکُوں آخر تئیں قائم وی رکھیسی تاں جو تُساں ساڈے خُداوند یسُوع مسیح دے واپس آوݨ دے ڈینہہ بے اِلزام تھیؤ۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

عبرانیوں 6:11

اساں چاہندے ہیں جو تُہاڈے ءچوں ہر ہِک اِینویں ای آخر تئیں کوشش کریندا راہوے تاں جو جِنہاں گالھیں دی تُساں اُمید رکھیندے ہیوے، او پُوریاں تھی ونجنڑ۔

1 پطرس 1:13

اِیں واسطے ذہنی طور تے تیار تے ہوشیار تھی ونجو تے اُوں فضل اُتے پُوری اُمید رکھو جیہڑا یسُوع مسیح دے ظہور ویلے تُہاڈے اُتے تھیسی۔

1 یُوحنّا 4:19

اساں اِیں واسطے محبت رکھیندے ہیں جو پہلے خُدا ساڈے نال محبت رکھی۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،