یُوحنّا 12:11 - کِتاب مُقدّس سرائیکی ترجمہ

¹¹ کیوں جو اُوندے سببّوں بہُوں سارے یہُودی اُنہاں کُوں چھوڑ تے یسُوع تے اِیمان گِھن آئے ہَن۔

یُوحنّا 12:11 Iomraidhean Croise

یُوحنّا 11:42

مَیں جانڑدا ہاں جو تُوں ہمیشاں میڈی سُنڑدا ہیں پر مَیں اِنہاں لوکاں دی خاطر جیہڑے اِتھاں کھڑے ہِن، ایہ آکھیا تاں جو او اِیمان گِھن آوݨ جو تَیں ای میکُوں بھیجیا ہے۔“

یُوحنّا 11:45

بس بہُوں سارے یہُودی جیہڑے مریم دے کولھ آئے ہَن تے جِنہاں یسُوع دا ایہ کم ڈِٹھا، اُوندے اُتے اِیمان گِھن آئے۔

یُوحنّا 11:48

جے اساں اُونکُوں اِینویں چھوڑ ڈیؤں تاں سبھ اُوندے اُتے اِیمان گِھن آسن تے رومی اِتھاں آ تے ساڈی جاہ تے ساڈی قوم ڈوہائیں کُوں برباد کر ڈیسن۔“

یُوحنّا 12:10

اِیں واسطے سردار کاہِناں لعزر کُوں وی مار گھتنڑ دا منصوبہ بنڑایا

یُوحنّا 12:18

اِیں سببّوں بہُوں سارے لوک اُوندے اِستقبال کیتے نِکلے کیوں جو اُنہاں سُنڑیا ہا جو اُوں ایہ معجزہ ڈِکھایا ہے۔

یُوحنّا 12:42

وَل وی بہُوں سارے سردار اُوندے اُتے اِیمان تاں گِھن آئے پر فریسیاں دی وجہ کنُوں آپنڑے اِیمان دا اِقرار نہ کریندے ہَن، کِتھائیں اِینویں نہ تھیوے جو او عبادت خانہ ءچوں کڈھ ڈِتے ونجنڑ۔

یُوحنّا 7:31

پر بِھیڑ ءچوں بہُوں سارے اُوندے اُتے اِیمان گِھن آئے تے آکھنڑ لگے جو ”جِیں ویلے المسیح آسی تاں کیا او اِیں بندے کنُوں زیادہ معجزے ڈکھیسی؟“

اعمال 13:45

پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔