یُوحنّا 11:51 - کِتاب مُقدّس سرائیکی ترجمہ

⁵¹ پر اُوں ایہ آپنڑی طرفوں نئیں بلکہ اُوں سال دے کاہِن ِ اعظم دی حیثیت نال نبُوّت کیتی ہئی جو یسُوع پُوری قوم کیتے مرسی۔

یُوحنّا 11:51 Iomraidhean Croise

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

یُوحنّا 10:15

بالکل اُونویں ای جِینویں باپ میکُوں جانڑدے تے مَیں باپ کُوں جانڑدا ہاں۔ تے مَیں بھیڈاں کیتے آپنڑی جان ڈیندا ہاں۔

یُوحنّا 11:49

اُنہاں ءچوں ہِک بندہ جِیندا ناں کائفا ہا تے جیہڑا اُوں سال کاہِن ِ اعظم ہا، آکھنڑ لگا، ”تُساں کُجھ نئیں جانڑدے،

یُوحنّا 18:13

تے اُونکُوں پہلے حنّا دے کولھ گِھن گئے کیوں جو او اُوں سال دے کاہِن ِ اعظم کائفا دا سُسر ہا۔

1کُرِنتھِیوں 13:2

تے جے میکُوں نبُوّت دی نعمت مِلے تے مَیں ہر راز تے علم کنُوں واقف تھی وَنجاں، تے جے میڈا اِیمان اِتُھوں تئیں کامِل ہووے جو پہاڑاں کُوں ہٹا ڈیواں، پر محبت نہ رکھاں تاں مَیں کُجھ وی نئیں۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

1 یُوحنّا 2:2

اُوہو ساڈے گُناہاں دا کفارہ ڈیوݨ آلا ہے تے نہ صرف ساڈے گُناہاں دا بلکہ ساری دُنیا دے گُناہاں دا وی۔