یُوحنّا 11:4 - کِتاب مُقدّس سرائیکی ترجمہ

⁴ یسُوع ایہ سُنڑ تے آکھیا، ”اِیں بیماری دا انجام موت نئیں بلکہ ایہ خُدا دا جلال ظاہر کرݨ کیتے ہے تاں جو اِیندے ذریعے خُدا دے پوتر دا جلال ظاہر تھیوے۔“

یُوحنّا 11:4 Iomraidhean Croise

یُوحنّا 10:38

پر جے مَیں کریندا ہاں تاں بھانویں میڈا یقین نہ کرو پر اُنہاں کماں دا یقین تاں کرو، تاں جو جاݨ گِھنو تے سمجھ گِھنو جو باپ میڈے ءچ ہے تے مَیں باپ ءچ۔“

یُوحنّا 11:40

یسُوع اُونکُوں آکھیا، ”کیا مَیں تیکُوں نہ آکھیا ہم جو جے تُوں اِیمان گِھن آسیں تاں خُدا دا جلال ڈیکھسیں؟“

یُوحنّا 12:28

باپ! آپنڑے ناں کُوں جلال ڈے۔“ وَل اسمان کنُوں اواز آئی جو ”مَیں اُونکُوں جلال ڈِتا ہے تے وَل وی ڈیساں۔“

یُوحنّا 17:1

یسُوع ایہ سبھ کُجھ آکھ ڈِتا تے آپنڑے اکھیں اسمان دو چا تے آکھیا، ”باپ! ہُنڑ ویلا آ گِیا ہے۔ تُوں آپنڑے پوتر دا جلال ظاہر کر تاں جو پوتر تیڈا جلال ظاہر کرے۔

یُوحنّا 17:10

جیہڑا وی میڈا ہے او تیڈا ہے تے جیہڑا تیڈا ہے او سبھ میڈا ہے تے میڈا جلال اِنہاں دے وسیلے ظاہر تھیّا ہے۔

یُوحنّا 17:5

تے ہُنڑ اے باپ! میکُوں آپنڑے حضُور ءچ جلال ڈے، او جلال جیہڑا مَیں دُنیا دے بنڑݨ کنُوں پہلے تیڈے نال رکھیندا ہم۔

یُوحنّا 2:11

ایہ یسُوع دا پہلا معجزہ ہا جیہڑا اُوں گلیل دی وستی قانا ءچ ڈِکھا تے آپنڑاں جلال ظاہر کیتا تے اُوندے شاگرد اُوندے اُتے اِیمان گِھن آئے۔

یُوحنّا 5:23

تاں جو سبھ لوک پوتر دی وی عزت کرݨ جِینویں باپ دی عزت کریندے ہِن۔ جیہڑا پوتر دی عزت نئیں کریندا او باپ دی وی جئیں پوتر کُوں بھیجیا ہے، عزت نئیں کریندا۔

یُوحنّا 8:54

یسُوع جواب ڈِتا، ”جے مَیں آپنڑی تعریف آپ کراں تاں او تعریف کہیں کم دی نئیں، پر میڈا باپ جِینکُوں تُساں آپنڑا خُدا آدھے ہیوے، اُوہو میڈی تعریف کریندے۔

یُوحنّا 9:24

بس اُنہاں اُوں بندے کُوں جیہڑا پہلے اندھا ہا ولا سڈوا تے آکھیا، ”سچ آکھ تے خُدا کُوں جلال ڈے۔ اساں تاں جانڑدے ہیں جو ایہ بندہ گُنہگار ہے۔“

یُوحنّا 9:3

یسُوع جواب ڈِتا، ”نہ اِیں بندے گُناہ کیتا ہا نہ اِیندے ماء پِیُو، بلکہ ایہ اِیں واسطے تھیّا جو خُدا دے کم اُوندے ءچ ظاہر تھیوݨ۔

رومیوں 11:11

مَیں وَل اکھیندا ہاں، کیا اُنہاں ایجھا تُھڈا کھادے جو ڈھے پووݨ؟ ہرگز نئیں! بلکہ اُنہاں دی گُمراہی دے سببّوں غیریہُودیاں کُوں نجات حاصل کرݨ دا موقع مِلیا تاں جو یہُودیاں کُوں غیرت آوے۔

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔

فِلِپّیوں 1:20

میڈا یقین تے اُمید ایہ ہے جو میکُوں کہیں گالھ ءچ شرمندہ نہ تھیونڑا پوسی بلکہ جیہڑی کمال دلیری نال مسیح دا جلال میڈے سببّوں ماضی ءچ ہمیشاں ظاہر تھیندا ریہا ہے، اُونویں ای ہُنڑ وی ظاہر تھیسی، بھانویں مَیں زندہ راہواں یا مر وَنجاں۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

1 پطرس 4:11

جے کوئی کُجھ بیان کرے تاں اِینویں کرے جِینویں خُدا اُوندے ذریعے کلام کریندا پئے۔ جے کوئی خدمت کرے تاں اُوں طاقت نال کرے جیہڑی خُدا ڈیندے تاں جو سبھ گالھیں ءچ یسُوع مسیح دے وسیلہ نال خُدا دا جلال ظاہر تھیوے۔ جلال تے سلطنت ہمیشاں تئیں اُوندا ای ہووے۔ آمین۔

1 پطرس 4:14

جے مسیح دے ناں دے سببّوں تُہاڈی بے عزتی کیتی ویندی ہے تاں تُساں مُبارک ہیوے کیوں جو خُدا دا جلالی رُوح القُدس تُہاڈے اُتے چھاں کیتی پئے۔