یُوحنّا 10:9 - کِتاب مُقدّس سرائیکی ترجمہ

⁹ دروازہ مَیں ہاں۔ جیہڑا کوئی میڈے ذریعے داخل تھیسی، او نجات پیسی تے اندر باہر آندا ویندا راہسی تے ساوی گھاہ پیسی۔

یُوحنّا 10:9 Iomraidhean Croise

یُوحنّا 10:1

”مَیں تُہاکُوں سچ آدھا ہاں جو جیہڑا کوئی بھیڈاں دے واڑے ءچ دروازے کنُوں داخل نئیں تھیندا بلکہ کہیں بئے پاسُوں ٹپ تے اندر آندے، او چور تے ڈاکو ہے۔

یُوحنّا 10:3

چوکیدار اُوندے کیتے دروازہ کھولیندے تے بھیڈاں اُوندی اواز سُنڑدیاں ہِن۔ او آپنڑی ہر بھیڈ دا ناں گِھن تے اُنہاں کُوں سڈیندے تے اُنہاں کُوں باہر گِھن ویندے۔

یُوحنّا 10:7

بس یسُوع اُنہاں کُوں ولا آکھیا، ”مَیں تُہاکُوں سچ آدھا ہاں جو بھیڈاں دا دروازہ مَیں ہاں۔

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

اِفِسیوں 2:18

تے ہُنڑ اساں مسیح دے ذریعے ہِکو رُوح القُدس ءچ باپ دے حضُور آ سگدے ہیں۔