یُوحنّا 10:3 - کِتاب مُقدّس سرائیکی ترجمہ

³ چوکیدار اُوندے کیتے دروازہ کھولیندے تے بھیڈاں اُوندی اواز سُنڑدیاں ہِن۔ او آپنڑی ہر بھیڈ دا ناں گِھن تے اُنہاں کُوں سڈیندے تے اُنہاں کُوں باہر گِھن ویندے۔

یُوحنّا 10:3 Iomraidhean Croise

یُوحنّا 10:14

چنگا آجڑی مَیں ہاں۔ مَیں آپنڑیاں بھیڈاں کُوں جانڑدا ہاں تے او میکُوں جانڑدیاں ہِن،

یُوحنّا 10:16

میڈیاں بیاں وی بھیڈاں ہِن جیہڑیاں اِیں واڑے دیاں نئیں۔ میکُوں ضرور ہے جو مَیں اُنہاں کُوں وی گِھن آواں تے او میڈی اواز سُنڑسن۔ وَل ہِکو اِجڑ تے ہِکو آجڑی ہوسی۔

یُوحنّا 10:4

جِیں ویلے او آپنڑیاں ساریاں بھیڈاں کُوں باہر کڈھ گِھندے تاں اُنہاں دے اگُوں اگُوں ٹُردے تے اُوندیاں بھیڈاں اُوندے پِچُھوں پِچُھوں ٹُردیاں ہِن، کیوں جو او اُوندی اواز سُنجڑیندیاں ہِن،

یُوحنّا 10:9

دروازہ مَیں ہاں۔ جیہڑا کوئی میڈے ذریعے داخل تھیسی، او نجات پیسی تے اندر باہر آندا ویندا راہسی تے ساوی گھاہ پیسی۔

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

یُوحنّا 6:45

نبیاں دے صحیفیاں ءچ ایہ لِکھیا ہے جو ’او سبھ خُدا کنُوں تعلیم گِھنسن۔‘ جئیں کہیں باپ تُوں سُنڑیا تے سِکھیا ہے، او میڈے کولھ آندے۔

رومیوں 8:30

تے جِنہاں کُوں اُوں پہلے کنُوں مقرر کیتا اُنہاں کُوں سڈیا وی، تے جِنہاں کُوں سڈیا اُنہاں کُوں راستباز وی کھڑایا، تے جِنہاں کُوں راستباز کھڑایا اُنہاں کُوں جلال وی بخشیا۔

1کُرِنتھِیوں 16:9

کیوں جو اِتھاں میڈے کیتے تبلیغ کرݨ دا ہِک وڈا دروازہ کُھلیا پِیا ہے، بےشک مخالفت کرݨ آلے وی بہُوں ہِن۔

فِلِپّیوں 4:3

تے میڈے سچے سنگتی، مَیں تیکُوں وی عرض کریندا ہاں جو اِنہاں عورتاں دی مدد کر، کیوں جو اُنہاں کلیمینس تے میڈے نال خدمت کرݨ آلے باقی لوکاں سمیت میڈے نال خوشخبری سُنڑاوݨ ءچ بہُوں محنت کیتی ہے۔ اِنہاں ساریاں دے ناں کتاب ِ حیات ءچ لِکھے ہِن۔

کلُسِّیوں 4:3

تے ساڈے کیتے وی دُعا کرو جو خُدا ساڈے کیتے کلام سُنڑاونڑ دا دروازہ کھول ڈیوے تاں جو مَیں مسیح دے راز دی تبلیغ کر سگاں جیندی وجہ کنُوں قید ءچ ہاں۔

2 تِیمُتھِیُس 2:19

وَل وی خُدا دی مضبوط بنیاد قائم راہندی ہے تے اُوندے اُتے اِنہاں گالھیں دی مُہر تھی گئی ہے جو ”رب آپنڑے بندیاں کُوں پچھاݨ گِھندے۔“ تے ”جیہڑا کوئی رب دا ناں گِھندے او بدی تُوں دُور راہوے۔“

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔

1 یُوحنّا 4:6

پر اساں خُدا کنُوں ہیں تے جیہڑا کوئی خُدا کُوں جانڑدے او ساڈی سُنڑدے۔ پر جیہڑا خُدا کنُوں نئیں او ساڈی نئیں سُنڑدا۔ اِینویں اساں سچائی دی رُوح تے گُمراہ کرݨ آلی رُوح ءچ فرق کر سگدے ہیں۔

3 یُوحنّا 1:14

بلکہ مَیں اُمید رکھیندا ہاں جو تیڈے کولھ جلدی آساں تے وَل اساں آمنڑے سامنڑے گالھیں کریسوں۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

مُکاشفہ 3:20

ڈیکھ! مَیں دروازہ اُتے کھڑا کھڑکیندا پِیا ہاں۔ جے کوئی میڈی اواز سُنڑ تے دروازہ کھولیسی تاں مَیں اندر آ تے اُوندے نال کھانڑا کھاساں تے او میڈے نال۔

مُکاشفہ 7:17

کیوں جو او لیلا جیہڑا تخت دے اَدھ ءچ ہے، اُنہاں دا آجڑی ہوسی تے اُنہاں کُوں زندگی دے پانڑی دے چشمیاں تئیں گِھن ویسی۔ تے خُدا اُنہاں دے اکھیں دے سارے ہنجُو پُونجھ ڈیسی۔“