یُوحنّا 10:16 - کِتاب مُقدّس سرائیکی ترجمہ

¹⁶ میڈیاں بیاں وی بھیڈاں ہِن جیہڑیاں اِیں واڑے دیاں نئیں۔ میکُوں ضرور ہے جو مَیں اُنہاں کُوں وی گِھن آواں تے او میڈی اواز سُنڑسن۔ وَل ہِکو اِجڑ تے ہِکو آجڑی ہوسی۔

یُوحنّا 10:16 Iomraidhean Croise

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

لُوقا 15:8

یا جے کہیں عورت دے کولھ چاندی دے ڈاہ سِکے ہووݨ تے ہِک گُم تھی ونجے تاں کیا او چراغ بال تے گھر ءچ جھاڑُو نہ ڈیسی تے جئیں تئیں مِل نہ ونجے کوشش نال گولھیندی نہ راہسی؟

یُوحنّا 10:11

چنگا آجڑی مَیں ہاں۔ چنگا آجڑی آپنڑیاں بھیڈاں کیتے جان ڈیندے۔

یُوحنّا 10:2

پر جیہڑا دروازے کنُوں اندر آندے او بھیڈاں دا آجڑی ہے۔

یُوحنّا 10:27

میڈیاں بھیڈاں میڈی اواز سُنڑدیاں ہِن تے مَیں اُنہاں کُوں جانڑدا ہاں تے او میڈے پِچُھوں پِچُھوں ٹُردیاں ہِن۔

یُوحنّا 10:3

چوکیدار اُوندے کیتے دروازہ کھولیندے تے بھیڈاں اُوندی اواز سُنڑدیاں ہِن۔ او آپنڑی ہر بھیڈ دا ناں گِھن تے اُنہاں کُوں سڈیندے تے اُنہاں کُوں باہر گِھن ویندے۔

یُوحنّا 10:4

جِیں ویلے او آپنڑیاں ساریاں بھیڈاں کُوں باہر کڈھ گِھندے تاں اُنہاں دے اگُوں اگُوں ٹُردے تے اُوندیاں بھیڈاں اُوندے پِچُھوں پِچُھوں ٹُردیاں ہِن، کیوں جو او اُوندی اواز سُنجڑیندیاں ہِن،

یُوحنّا 10:5

پر او کہیں غیر دے پِچُھوں کڈھائیں نہ ٹُرسن بلکہ اُوں کنُوں دُور بھجسن کیوں جو او اُوں غیر دی اواز نئیں سُنجڑیندیاں۔“

یُوحنّا 11:52

تے نہ صرف یہُودی قوم کیتے بلکہ اِیں واسطے وی جو خُدا دے فرزنداں کُوں جیہڑے تِتربِتر تھی گئے ہَن جمع کر تے ہِک کر ڈیوے۔

یُوحنّا 17:20

مَیں صرف اِنہاں کیتے ای درخاست نئیں کریندا بلکہ اُنہاں کیتے وی جیہڑے اُنہاں دے پیغام دے وسیلے نال میڈے اُتے اِیمان گِھن آسن،

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

اعمال 15:14

شمعون تُہاکُوں ڈسائے جو خُدا پہلے کِینویں غیر قوماں اُتے نِگاہ کیتی تاں جو اُنہاں ءچوں لوکاں کُوں چُنڑ تے آپنڑے ناں دی ہِک اُمت بنڑا گِھنے۔

اعمال 18:10

کیوں جو اِیں شہر ءچ میڈے بہُوں لوک ہِن۔ کوئی تیڈے اُتے حملہ کر تے تیکُوں نُقصان نہ پُچیسی کیوں جو مَیں تیڈے نال ہاں۔“

اعمال 22:14

وَل اُوں آکھیا جو ’ساڈے پِیُو ڈاڈا دے خُدا تیکُوں چُنڑ گِھدے تاں جو تُوں اُوندی مرضی کُوں جانڑیں تے اُوں راستباز کُوں ڈیکھیں تے اُوندے مُنہ دے گالھیں سُنڑیں۔

رومیوں 11:25

بِھراؤ! مَیں اِیں راز کُوں تُہاکُوں سمجھاونڑاں چاہندا ہاں تاں جو تُساں آپنڑے آپ اُتے فخر نہ کرو۔ گالھ ایہ ہے جو اِسرائیل دا ہِک حصہ سخت دل تھی گِیا ہے تے جئیں تئیں غیر قوماں مکمل طور تے داخل نہ تھی ونجنڑ او اِینویں ای راہسی۔

2تھِسّلُنیکیوں 2:13

پر بِھراؤ تے خُداوند دے پیاریو! تُہاڈے کیتے خُدا دا شُکر کریندے راہوݨ ساڈے اُتے فرض ہے کیوں جو اُوں تُہاکُوں شروع کنُوں ای چُنڑ گِھدے جو تُساں رُوح القُدس دے ذریعے پاکیزگی حاصل کر تے، تے حق اُتے اِیمان گِھن آ تے نجات پاؤ۔

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

1 پطرس 2:10

پہلے تُساں کوئی اُمت نہ ہَوے، پر ہُنڑ خُدا دی اُمت بنڑ گئے ہیوے۔ پہلے تُہاڈے اُتے رحمت نہ تھئی ہئی پر ہُنڑ تُہاڈے اُتے رحمت تھئی ہے۔

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔

1 پطرس 5:4

وَل جِیں ویلے سردار آجڑی ظاہر تھیسی تاں تُساں اِنعام ءچ ایجھا تاج پیسو جِیندا جلال کڈھائیں ختم نہ تھیسی۔

مُکاشفہ 3:20

ڈیکھ! مَیں دروازہ اُتے کھڑا کھڑکیندا پِیا ہاں۔ جے کوئی میڈی اواز سُنڑ تے دروازہ کھولیسی تاں مَیں اندر آ تے اُوندے نال کھانڑا کھاساں تے او میڈے نال۔