یُوحنّا 1:21 - کِتاب مُقدّس سرائیکی ترجمہ

²¹ اُنہاں یُوحنّا کنُوں پُچھیا، ”وَل تُساں کوݨ ہیوے؟ کیا تُساں ایلیّاہ ہیوے؟“ یُوحنّا جواب ڈِتا، ”مَیں نئیں۔“ ”کیا تُساں او نبی ہیوے؟“ یُوحنّا جواب ڈِتا، ”نئیں۔“

یُوحنّا 1:21 Iomraidhean Croise

متّی 11:14

تے جے تُساں چاہو تاں منّو، ایلیّاہ جیہڑا آوݨ آلا ہا اِیہو ہے۔

متّی 16:14

اُنہاں آکھیا، ”کُجھ یُوحنّا بپتسمہ ڈیوݨ آلا آدھے ہِن، کُجھ ایلیّاہ، تے کُجھ یرمیاہ یا نبیاں ءچوں کوئی۔“

متّی 21:11

بِھیڑ آکھیا ”ایہ گلیل دے شہر ناصرت دا نبی یسُوع ہے۔“

لُوقا 1:17

اُوندے ءچ ایلیّاہ جیہی رُوح تے قوت ہوسی تے او خُداوند تُوں پہلے آسی تاں جو پِیُو دا دل اولاد آلے پاسے لاوے تے نافرماناں کُوں نیک لوکاں دی حِکمت آلی راہ آلے پاسے پھیر ڈیوے تے لوکاں کُوں خُداوند دی آمد کیتے تیار کرے۔“

یُوحنّا 1:22

بس اُنہاں پُچھیا، ”وَل تُساں کوݨ ہیوے؟ ساکُوں ڈساؤ، تاں جو اساں آپنڑے بھیجنڑ آلیاں کُوں ڈسا سگوں۔ تُساں آپنڑے حق ءچ کیا آدھے ہیوے؟“

یُوحنّا 1:25

اُنہاں یُوحنّا کنُوں ایہ پُچھیا، ”جے تُساں نہ المسیح ہیوے، نہ ایلیّاہ، نہ او نبی تاں وَل بپتسمہ کیوں ڈیندے ہیوے؟“

یُوحنّا 6:14

بس لوک یسُوع دا ایہ معجزہ ڈیکھ تے آکھنڑ لگے، ”یقیناً اِیہو او نبی ہے جیہڑا دُنیا ءچ آوݨ آلا ہا۔“

یُوحنّا 7:40

ایہ گالھیں سُنڑ تے بِھیڑ ءچوں بعض آکھیا، ”بیشک اِیہو او نبی ہے۔“