یُوحنّا 1:18 - کِتاب مُقدّس سرائیکی ترجمہ

¹⁸ خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 1:18 Iomraidhean Croise

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

لُوقا 10:22

میڈے باپ دی طرفوں سارا کُجھ میڈے سپُرد کیتا گِیا ہے تے کوئی نئیں جانڑدا جو پوتر کوݨ ہے سِوا باپ دے۔ تے کوئی نئیں جانڑدا جو باپ کوݨ ہے سِوا پوتر دے تے سِوا اُوں بندے دے جیندے اُتے پوتر اُونکُوں ظاہر کرݨ چاہندے۔“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 12:41

یسعیاہ ایہ اِیں واسطے آکھیا جو اُوں المسیح دا جلال ڈِٹھا تے اُوں اُوندے بارے ءچ کلام کیتا۔

یُوحنّا 13:23

اُوندے شاگرداں ءچوں ہِک بندہ جِینکُوں یسُوع عزیز رکھیندا ہا، دسترخوان اُتے اُوندے بالکل نال بیٹھا ہا۔

یُوحنّا 14:9

یسُوع اُونکُوں آکھیا، ”فِلپُس! مَیں اِتی عرصے تُوں تُہاڈے نال ہاں، کیا تُوں میکُوں نئیں جانڑدا؟ جئیں میکُوں ڈِٹھے، اُوں باپ کُوں ڈِٹھے۔ تُوں کیوں آدھیں جو ساکُوں باپ ڈِکھا؟

یُوحنّا 17:26

تے مَیں اُنہاں کُوں تیڈے ناں تُوں واقف کرا ڈِتے، تے کریندا راہساں تاں جو جیہڑی محبت تیکُوں میڈے نال ہئی او اُنہاں ءچ ہووے تے مَیں وی اُنہاں ءچ ہونواں۔“

یُوحنّا 17:6

مَیں تیڈا ناں اُنہاں اُتے ظاہر کیتے جِنہاں کُوں تُوں دُنیا ءچوں چُنڑ تے میکُوں ڈِتے۔ او تیڈے ہَن، تے تُوں اُنہاں کُوں میڈے حوالے کر ڈِتے تے اُنہاں تیڈے کلام اُتے عمل کیتا ہے۔

یُوحنّا 3:11

مَیں تیکُوں سچ آدھا ہاں جو جیہڑا کُجھ اساں جانڑدے ہیں، اُوہو آدھے ہیں، تے جِینکُوں اساں ڈِٹھے اُوندی گواہی ڈیندے ہاں، پر تُساں ساڈی گواہی قبول نئیں کریندے۔

یُوحنّا 6:46

اِیندا مطلب ایہ نئیں جو کہیں کڈھائیں باپ کُوں ڈِٹھے۔ صرف اُوں جیہڑا خُدا دی طرفوں ہے، اُوں ای باپ کُوں ڈِٹھے۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

کلُسِّیوں 1:15

مسیح اَن ڈِٹھے خُدا دی ظاہری صورت ہے تے ساری مخلوقات اُتے پلوٹھا ہے۔

1 تِیمُتھِیُس 1:17

ہُنڑ ازلی تے ابدی بادشاہ یعنی غیرفانی تے نظر نہ آوݨ آلے واحد خُدا دی عزت تے تعریف ہمیشاں تئیں تھیندی راہوے۔ آمین۔

1 تِیمُتھِیُس 6:16

صرف اُوہو غیر فانی ہے، تے او اُوں نُور ءچ راہندے جِتھاں کوئی پُج نئیں سگدا۔ اُونکُوں کہیں اِنسان نئیں ڈِٹھا تے نہ ڈیکھ سگدے۔ اُوندی عزت تے سلطنت ہمیشاں تئیں قائم راہوے، آمین۔

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔

1 یُوحنّا 4:20

جے کوئی آکھے جو ”مَیں خُدا نال محبت رکھیندا ہاں“ پر آپنڑے بِھرا نال دُشمنڑی رکھیندے تاں او کُوڑا ہے۔ جیہڑا آپنڑے بِھرا نال جِینکُوں اُوں ڈِٹھے، محبت نئیں رکھیندا، او خُدا نال کِینویں محبت رکھ سگدے جِینکُوں اُوں نئیں ڈِٹھا؟

1 یُوحنّا 4:9

جیہڑی محبت خُدا ساڈے نال رکھیندے، اُونکُوں اُوں اِینویں ظاہر کیتا جو اُوں آپنڑے کلھے پوتر کُوں دُنیا ءچ بھیج ڈِتا تاں جو ساکُوں اُوندے وسیلے زندگی مِلے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔