یُوحنّا 1:10 - کِتاب مُقدّس سرائیکی ترجمہ

¹⁰ او دُنیا ءچ ہا تے دُنیا اُونکُوں نہ پچھانڑیا بھانویں جو دُنیا اُوندے وسیلے نال پیدا تھئی۔

یُوحنّا 1:10 Iomraidhean Croise

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

یُوحنّا 1:11

او اُوندے ءچ آیا جیہڑا اُوندا آپنڑا ہا پر اُوندے آپنڑیاں اُونکُوں قبول نہ کیتا،

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 1:3

سبھ چیزاں اُوندے وسیلے خلق تھیّاں تے جیہڑا کُجھ خلق تھئے، اُنہاں ءچوں کوئی چیز اُوندے بغیر خلق نئیں تھئی۔

یُوحنّا 1:5

نُور اندھارے ءچ چمکدا ہے تے اندھارا اُوندے اُتے غالب نہ آیا۔

یُوحنّا 17:25

عادل باپ! دُنیا تاں تیکُوں نئیں جانڑدی پر مَیں تیکُوں جانڑدا ہاں تے اِنہاں بندیاں وی جاݨ گِھدے جو تُوں میکُوں بھیجیا ہے،

یُوحنّا 5:17

پر یسُوع اُنہاں کُوں آکھیا جو ”میڈا باپ ہُنڑ تئیں آپنڑا کم کریندے تے مَیں وی کریندا ہاں۔“

اعمال 14:17

وَل وی اُوں آپنڑے آپ کُوں بے گواہ نئیں چھوڑیا۔ بلکہ اُوں مہربانیاں کیتیاں تے اسمان تُوں مینہ وسایا تے فصلاں کیتے موسم عطا کیتے تے تُہاکُوں خوراک تے دِلی خوشی نال بھر ڈِتا۔“

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

1کُرِنتھِیوں 2:8

اِیں جہان دے حاکماں ءچوں کہیں وی اِیں حِکمت کُوں نہ سمجھیا۔ جے سمجھ گِھندے تاں جلال دے خُداوند کُوں صلیب اُتے نہ چڑھیندے۔

1کُرِنتھِیوں 8:6

پر ساڈے کیتے تاں ہِکو ای خُدا ہے یعنی اسمانی باپ جیہڑا ساریاں چیزاں دا خالق ہے تے اساں اُوندے کیتے زندہ ہیں۔ تے ہِک ای خُداوند ہے یعنی یسُوع مسیح جیندے وسیلے نال ساریاں چیزاں وجود ءچ آئیاں تے اساں وی اُوندے وسیلے نال زندہ ہیں۔

کلُسِّیوں 1:16

اُوندے وسیلے سبھ چیزاں خلق تھئیاں، بھانویں او اسمان دیاں ہووݨ یا زمین دیاں، ڈِٹھیاں ہووݨ یا اَن ڈِٹھیاں، تخت ہووݨ یا طاقتاں، حکومتاں ہووݨ یا اِختیار۔ خُدا سبھ چیزاں کُوں مسیح دے وسیلے تے اُوندی خاطر پیدا کیتا۔

عبرانیوں 11:3

اِیمان دی وجہ کنُوں ساکُوں سمجھ آندی ہے جو ساری کائنات خُدا دے حُکم نال بنڑی ہے۔ جیہڑیاں چیزاں اساں ڈیدھے ہیں، او نظر آوݨ آلیاں چیزاں نال نئیں بنڑیاں۔

1 یُوحنّا 3:1

ڈیکھو باپ ساڈے نال کیجھی محبت کیتی ہے جو اساں خُدا دے فرزند اکھویندے ہیں۔ تے اساں واقعی ہیں وی۔ دُنیا ساکُوں اِیں واسطے نئیں جانڑدی جو اِیں اُونکُوں وی نہ جانڑیا۔