یعقُوب 5:5 - کِتاب مُقدّس سرائیکی ترجمہ

⁵ تُساں زمین اُتے عیش و عشرت تے مزے نال زندگی گُزاری۔ تُساں آپنڑے آپ کُوں گاں وانگُوں ذبح دے ڈینہہ کیتے موٹا کیتا۔

یعقُوب 5:5 Iomraidhean Croise

لُوقا 16:19

ہِک امیر بندہ ہا جیہڑا قیمتی تے نفِیس کپڑے پَیندا تے ہر روز خوشی منیندا تے عیش کریندا ہا۔

لُوقا 16:25

ابرہام آکھیا، ’پوتر، یاد کر جو تُوں آپنڑی زندگی ءچ چنگیاں چیزاں گِھن گِھدیاں تے اِینویں ای لعزر بُریاں چیزاں۔ پر ہُنڑ او اِتھاں ارام ءچ ہے تے تُوں عذاب ءچ۔

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

1 تِیمُتھِیُس 5:6

پر جیہڑی بیوہ عیاشی ءچ زندگی گُزریندی ہے، او زندہ ہوندے ہوئے وی مُردہ ہے۔

2 تِیمُتھِیُس 3:4

دوکھے باز، بے پرواہ، مغرُور تے خُدا دی نسبت عیش و عشرت کُوں زیادہ پسند کرݨ آلے ہوسن۔

2 پطرس 2:13

ڈُوجھیاں کُوں نُقصان پُچاوݨ دے بدلے ءچ اُنہاں کُوں نُقصان تھیسی۔ اُنہاں دے نیڑے لُطف چاوݨ تُوں مُراد ایہ ہے جو ڈینہہ ویلے کُھل تے عیاشی کرݨ۔ او داغ تے دھبے ہِن جیہڑے تُہاڈے نال رفاقتی کھانڑے ءچ شریک تھی تے عیاشیاں کریندے ہِن۔

یہُوداہ 1:12

ایہ لوک تُہاڈیاں رفاقتی دعوتاں ءچ دریا ءچ لُکیاں ہوئیاں چٹاناں وانگُوں ہِن۔ ایہ ایجھے آجڑی ہِن جیہڑے بے دھڑک کھاندے ہِن۔ ایہ بغیر پانڑی دے بدلاں وانگُوں ہِن جِنہاں کُوں ہوا چا گِھن ویندی ہے۔ ایہ پتر کیر دے بے پھل درخت ہِن جیہڑے جڑھ کنُوں اُکھڑ گئے ہِن تے اِینویں ڈُوہائیں لحاظ نال مُردہ ہِن۔

مُکاشفہ 18:7

جِتنی شان تے عیاشی نال اُوں زندگی گُزاری، اُتنے ای عذاب تے غم ءچ اُونکُوں سَٹ ڈیؤ کیوں جو او آپنڑے دل ءچ آدھی ہے جو ’مَیں تخت اُتے ملکہ بنڑی بیٹھی ہاں کوئی بیوہ تاں نئیں تھی گئی مَیں کڈھائیں ماتم نہ کریساں۔‘