یعقُوب 5:16 - کِتاب مُقدّس سرائیکی ترجمہ

¹⁶ اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔

یعقُوب 5:16 Iomraidhean Croise

متّی 21:22

تے جیہڑا کُجھ تُساں دُعا ءچ اِیمان نال منگسو او تُہاکُوں مِلسی۔“

متّی 3:6

تے آپنڑے گُناہاں دا اِقرار کر تے یردن دریا ءچ اُوں کنُوں بپتسمہ گِھدا۔

مرقس 1:5

یہُودیہ دے علاقے تے یروشلیم دے سارے لوک اُوندے کولھ آئے تے آپنڑے گُناہاں دا اِقرار کر تے یردن دریا ءچ اُوں کنُوں بپتسمہ گِھدا۔

لُوقا 9:6

بس او روانہ تھی تے ہر وستی ءچ وَنج تے خوشخبری دی تبلیغ کریندے تے مریضاں کُوں شِفا ڈیندے ریہے۔

یُوحنّا 9:31

اساں جانڑدے ہیں جو خُدا گُنہگاراں دی نئیں سُنڑدا پر جے کوئی خُدا دا خوف رکھے تے اُوندی مرضی اُتے چلے تاں او اُوندی سُنڑدے۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

اعمال 19:18

تے بہُوں سارے لوکاں جیہڑے اِیمان گِھن آئے ہَن، آ تے آپنڑے بُرے کماں دا اِظہار تے اِقرار کیتا۔

اعمال 8:24

شمعون جواب ءچ آکھیا، ”تُساں میڈے کیتے خُداوند کنُوں دُعا کرو جو جیہڑے گالھیں تُساں آکھیاں، اُنہاں ءچوں کوئی میڈے اُتے نہ آوے۔“

رومیوں 3:10

جِینویں لِکھیا ہے جو ”کوئی نیک نئیں۔ ہِک وی نئیں۔

رومیوں 5:19

کیوں جو جِینویں ہِک بندے دی نافرمانی دے سببّوں بہُوں سارے لوک گُنہگار بنڑ گئے، اُونویں ای ہِک بندے دی فرمانبرداری دے سببّوں بہُوں سارے لوک راستباز کھڑائے ویسن۔

کلُسِّیوں 1:9

اِیں واسطے جئیں ڈینہہ تُوں اساں ایہ سُنڑیا ہے، اساں تُہاڈے کیتے دُعا کریندے پئے ہیں۔ ساڈی درخاست ہے جو خُدا تُہاکُوں ساری حِکمت تے رُوحانی سمجھ دے ذریعے، آپنڑی مرضی دے علم نال بھر ڈیوے،

1تھِسّلُنیکیوں 5:17

بلاناغہ دُعا کرو۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

1تھِسّلُنیکیوں 5:25

بِھراؤ! ساڈے کیتے وی دُعا کرو۔

عبرانیوں 11:4

اِیمان دی وجہ کنُوں ای ہابل خُدا کُوں قائن کنُوں بہتر قُربانی پیش کیتی۔ اُوندے اِیمان دی وجہ تُوں خُدا اُوندے نذرانے قبول کر تے گواہی ڈِتی جو ایہ راستباز ہے۔ تے بھانویں جو ہابل مر گئے، وَل وی او آپنڑے اِیمان دی مثال دے وسیلے نال ہُنڑ تئیں کلام کریندے۔

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

عبرانیوں 12:13

تے ”آپنڑے ٹُرݨ کیتے سِدھے رستے اِستعمال کرو“ تاں جو لنگڑا مزید لنگڑا نہ تھیوے بلکہ شِفا پاوے۔

عبرانیوں 13:18

ساڈے کیتے دُعا کریندے راہو۔ ساکُوں یقین ہے جو ساڈا دل صاف ہے تے اساں ہر لحاظ نال نیک زندگی گُزارݨ چاہندے ہیں۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

1 یُوحنّا 3:22

تے اساں جیہڑا کُجھ اُوں کنُوں منگدے ہیں، او ساکُوں اُوندی طرفوں مِل ویندے، کیوں جو اساں اُوندے حُکماں اُتے عمل کریندے ہیں تے اُوہو کریندے ہیں جیہڑا اُونکُوں پسند ہے۔