یعقُوب 5:11 - کِتاب مُقدّس سرائیکی ترجمہ

¹¹ ڈیکھو، اساں صبر کرݨ آلیاں کُوں مُبارک آدھے ہیں۔ تُساں ایُّوب دے صبر دے بارے ءچ تاں سُنڑیا ای ہے تے ایہ وی جانڑدے ہیوے جو خُدا دی طرفوں اِیندا کیا انجام تھیّا، کیوں جو خُداوند وڈا رحم دل تے مہربان ہے۔

یعقُوب 5:11 Iomraidhean Croise

متّی 10:22

تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

لُوقا 1:50

اُوندا رحم اُنہاں اُتے نسل در نسل راہندے جیہڑے اُوں کنُوں ڈردے ہِن۔

لُوقا 11:10

کیوں جو جیہڑا منگدے اُونکُوں مِلدے، تے جیہڑا گولھیندے او پیندے، تے جیہڑا کھڑکیندے اُوندے کیتے کھولیا ویندے۔

لُوقا 6:36

جِینویں تُہاڈا باپ رحیم ہے، تُساں وی رحم دل ہووو۔

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

اِفِسیوں 1:6

تاں جو اُوندے اُوں جلال آلے فضل دی حمد ہووے، جیہڑا اُوں آپنڑے عزیز پوتر دے وسیلے نال ساکُوں مُفت بخشیا۔

اِفِسیوں 2:4

پر خُدا جیہڑا بہُوں ای رحم کرݨ آلا ہے، اُوں ساڈے نال ایجھی محبت رکھی جو

عبرانیوں 10:39

پر اساں پِچھاں ہٹ تے ہلاک تھیوݨ آلے نئیں، بلکہ اِیمان رکھ تے نجات پاوݨ آلے ہیں۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

یعقُوب 1:2

میڈے بِھراؤ، جِیں ویلے تُساں طرحاں طرحاں دیاں ازمائیشاں دا سامنڑا کریندے ہیوے تاں اِینکُوں وڈی خوشی دی گالھ سمجھو۔

1 پطرس 1:13

اِیں واسطے ذہنی طور تے تیار تے ہوشیار تھی ونجو تے اُوں فضل اُتے پُوری اُمید رکھو جیہڑا یسُوع مسیح دے ظہور ویلے تُہاڈے اُتے تھیسی۔

1 پطرس 3:14

پر جے تُساں نیکی کرݨ پارُوں ڈُکھ چاؤ وی تاں تُساں مُبارک ہیوے۔ اُنہاں دیاں دھمکیاں تُوں نہ ڈرو تے نہ گھبراؤ۔

2 پطرس 2:9

تاں ظاہر ہے جو خُداوند دیندار لوکاں کُوں ازمائش تُوں بچاوݨ تے بے دین لوکاں کُوں عدالت دے ڈینہہ تئیں سزا ءچ رکھنڑ جانڑدے