یعقُوب 3:2 - کِتاب مُقدّس سرائیکی ترجمہ

² اِیں واسطے جو اساں سبھ بہُوں ساریاں غلطیاں کریندے ہیں۔ کامِل بندہ او ہے جیہڑا آپنڑی کہیں گالھ ءچ خطا نئیں کریندا۔ ایجھا بندہ آپنڑے سارے بدن کُوں وی قابو ءچ رکھ سگدے۔

یعقُوب 3:2 Iomraidhean Croise

متّی 12:34

نانگ دے بالو! تُساں بُرے تھی تے کِینویں چنگے گالھیں آکھ سگدے ہیوے؟ کیوں جو جیہڑا دل ءچ ہوندے اُوہو زبان اُتے آندے۔

متّی 12:37

کیوں جو تُساں آپنڑے گالھیں دی وجہ کنُوں راستباز یا قصُوروار کھڑائے ویسو۔“

رومیوں 3:10

جِینویں لِکھیا ہے جو ”کوئی نیک نئیں۔ ہِک وی نئیں۔

رومیوں 7:21

بس مَیں ایجھا قانُون پَیندا ہاں جو جِیں ویلے مَیں نیکی کرݨ دا اِرادہ کریندا ہاں تاں بُرائی میڈے کولھ آ موجود تھیندی ہے۔

1کُرِنتھِیوں 9:27

بلکہ مَیں آپنڑے بدن اُتے سختی کریندا ہاں تے اُونکُوں قابو ءچ رکھیندا ہاں، اِینویں نہ تھیوے جو ڈُوجھیاں کُوں تبلیغ کر تے، مَیں خود اِنعام تُوں محروم تھی وَنجاں۔

گلتِیوں 3:22

پر خُدا دا کلام آدھے جو سبھ لوک گُناہ دے قبضے ءچ ہِن تاں جو او وعدہ جیہڑا یسُوع مسیح اُتے اِیمان گِھن آوݨ نال مِلدے اُنہاں ساریاں نال پُورا کیتا ونجے جیہڑے اِیمان گِھن آندے ہِن۔

گلتِیوں 5:17

کیوں جو نفس رُوح دے خلاف خواہش کریندے تے رُوح نفس دے خلاف۔ ایہ ڈوہائیں ہِک ڈُوجھے دے مخالف ہِن، اِیں واسطے جیہڑا کم تُساں کرݨ چاہندے ہیوے او نئیں کر سگدے۔

کلُسِّیوں 1:28

اساں مسیح دی تبلیغ کریندے ہیں تے کمال دانائی نال سارے لوکاں کُوں نصیحت کریندے تے تعلیم ڈیندے ہیں، تاں جو اساں ہر بندے کُوں مسیح ءچ رُوحانی طور تے بالغ بنڑا تے پیش کر سگوں۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

یعقُوب 1:26

جے کوئی بندہ آپنڑے آپ کُوں دیندار سمجھدا ہووے تے وَل وی آپنڑی زبان کُوں قابو ءچ نہ رکھیندا ہووے تاں او آپنڑے آپ کُوں دوکھا ڈیندے۔ اُوندی دینداری فضول ہے۔

یعقُوب 1:4

تے صبر کُوں آپنڑا اثر پُورا کرݨ ڈیؤ تاں جو تُساں پکّے تے کامِل تھی ونجو تے تُہاڈے ءچ کہیں گالھ دی کمی نہ راہوے۔

یعقُوب 2:10

کیوں جو جے کوئی ساری شریعت اُتے عمل کرے پر کہیں ہِک حُکم دا نافرمان ہووے تاں او ساری شریعت دا قصُوروار کھڑدے۔

1 پطرس 3:10

جِینویں جو کلام ءچ لِکھیا ہے ”جیہڑا خوشی نال زندگی گُزارݨ تے چنگے ڈینہہ ڈیکھنڑ چاہندے او آپنڑی زبان کُوں بُرے گالھیں تُوں تے ہونٹاں کُوں فریب دے گالھیں تُوں باز رکھے۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔