یعقُوب 2:18 - کِتاب مُقدّس سرائیکی ترجمہ

¹⁸ تھی سگدے جو کوئی آکھے جو ”تُوں اِیمان رکھیندا ہیں پر مَیں نیک اعمال کریندا ہاں۔“ تُوں بغیر اعمال دے آپنڑا اِیمان میکُوں ڈِکھا تے مَیں آپنڑا اِیمان آپنڑے اعمال تُوں تیکُوں ڈِکھیساں۔

یعقُوب 2:18 Iomraidhean Croise

رومیوں 14:23

پر جیہڑا بندہ کہیں چیز دے بارے ءچ شک کریندے تے وَل وی اُونکُوں کھاندے او آپنڑے آپ کُوں قصُوروار کھڑیندے کیوں جو او اِیمان نال نئیں کھاندا۔ تے جیہڑا کُجھ اِیمان نال نئیں او گُناہ ہے۔

رومیوں 3:28

اِیں واسطے اساں اِیں نتیجے اُتے پُجدے ہیں جو اِنسان شریعت اُتے عمل کرݨ نال نئیں بلکہ اِیمان گِھن آوݨ دے سببّوں راستباز کھڑایا ویندا ہے۔

رومیوں 4:6

بس جئیں بندے کُوں خُدا اُوندے اعمال دے بغیر راستباز آدھے، داؤد وی اُوں بندے کُوں اِینویں مُبارک اکھیندے،

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

رومیوں 9:19

ہُنڑ تُوں میکُوں اکھیسیں ”وَل خُدا ساکُوں کیوں قصُوروار آدھے؟ کوݨ اُوندی مرضی دے خلاف کھڑا تھی سگدے؟“

1کُرِنتھِیوں 13:2

تے جے میکُوں نبُوّت دی نعمت مِلے تے مَیں ہر راز تے علم کنُوں واقف تھی وَنجاں، تے جے میڈا اِیمان اِتُھوں تئیں کامِل ہووے جو پہاڑاں کُوں ہٹا ڈیواں، پر محبت نہ رکھاں تاں مَیں کُجھ وی نئیں۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

عبرانیوں 11:31

اِیمان دی وجہ کنُوں ای راحب طوائف اِسرائیلی جاسُوساں کُوں سلامتی نال قبول کیتا تے اِیں واسطے او نافرماناں دے نال ہلاک تھیوݨ تُوں بچ گئی۔

عبرانیوں 11:33

اِیمان دی وجہ کنُوں ای او سلطنتاں اُتے غالب آئے، اِنصاف کریندے ریہے، وعدہ کیتیاں ہوئیاں چیزاں کُوں حاصل کیتا، شیراں دے مُنہ بند کیتے،

عبرانیوں 11:6

تے بغیر اِیمان دے خُدا کُوں پسند آوݨ ناممکن ہے، کیوں جو لازم ہے جو خُدا دے کولھ آوݨ آلا اِیمان رکھے جو خُدا موجود ہے تے او اُنہاں کُوں اجر ڈیندے جیہڑے اُوندے طالب ہِن۔

یعقُوب 2:14

میڈے بِھراؤ! جے کوئی دعویٰ کرے جو مَیں اِیمان رکھیندا ہاں پر عمل نہ کریندا ہووے تاں کیا فائدہ؟ کیا ایجھا اِیمان اُونکُوں نجات ڈے سگدے؟

یعقُوب 3:13

تُہاڈے ءچوں کیہڑا دانشمند تے سمجھدار ہے؟ جے کوئی ایجھا ہے تاں او اِینکُوں آپنڑے چنگے چال چلنڑ دے ذریعے ثابت کرے تے ایجھے نیک اعمال دے ذریعے وی جیہڑے حِکمت تُوں پیدا تھیوݨ آلی حلیمی نال کیتے ویندن۔