یعقُوب 2:14 - کِتاب مُقدّس سرائیکی ترجمہ

¹⁴ میڈے بِھراؤ! جے کوئی دعویٰ کرے جو مَیں اِیمان رکھیندا ہاں پر عمل نہ کریندا ہووے تاں کیا فائدہ؟ کیا ایجھا اِیمان اُونکُوں نجات ڈے سگدے؟

یعقُوب 2:14 Iomraidhean Croise

متّی 5:20

کیوں جو مَیں تُہاکُوں سچ آدھا ہاں جو جے تُہاڈا نیک چال چلنڑ شریعت دے عالماں تے فریسیاں تُوں زیادہ نہ ہوسی تاں تُساں اسمان دی بادشاہی ءچ اصلُوں نہ وَنج سگسو۔

لُوقا 3:11

اُوں جواب ءچ آکھیا، ”جیندے کولھ ڈُو چولے ہووݨ، او ہِک اُونکُوں ڈیوے جیندے کولھ ہِک وی کائنی، تے جیندے کولھ کھانڑا ہووے او وی اِینویں ای کرے۔“

لُوقا 6:49

پر جیہڑا میڈے گالھیں سُنڑدے تے اُنہاں اُتے عمل نئیں کریندا او اُوں بندے وانگُوں ہے جئیں گھر کُوں زمین اُتے بنیاد دے بغیر بنڑایا۔ جِیں ویلے پانڑی دیاں چھلاں اُونکُوں ٹکراں ماریاں تاں او فوراً ڈھے پِیا تے او گھر اصلُوں برباد تھی گِیا۔“

اعمال 15:9

تے اِیمان دے وسیلہ نال اُنہاں دے دل پاک کر تے ساڈے ءچ تے اُنہاں ءچ کوئی فرق نئیں کیتا۔

اعمال 8:13

تے شمعون خود وی یقین کیتا تے بپتسمہ گِھن تے فِلپُس نال تھی پِیا تے نشان تے وڈے وڈے معجزے تھیندے ڈیکھ تے حیران تھیّا۔

اعمال 8:21

اِیں کم ءچ تیڈا کوئی حصہ یا سانجھ نئیں کیوں جو تیڈا دل خُدا دے نزدیک ٹھیک نئیں۔

رومیوں 2:25

ختنہ دا فائدہ تاں ہے پر شرط ایہ ہے جو تُوں شریعت اُتے عمل کریں۔ پر جے تُوں شریعت دی نافرمانی کریندیں تاں تُوں اُنہاں دے برابر ہیں جیہڑے ختنہ نئیں کریندے۔

1کُرِنتھِیوں 15:2

اُوں خوشخبری دے وسیلے تُہاکُوں نجات وی مِلدی ہے شرط ایہ ہے جو تُساں اُوں گالھ اُتے قائم راہو جیہڑی مَیں تُہاکُوں پُچائی ہے، نہ تاں تُہاڈا اِیمان گِھن آوݨ بے فائدہ ہے۔

1کُرِنتھِیوں 16:22

جیہڑا کوئی خُداوند نال محبت نئیں رکھیندا، اُوندے اُتے لعنت۔ ساڈا خُداوند آوے!

گلتِیوں 5:13

بِھراؤ! تُساں ازاد راہنڑ کیتے سڈے گئے ہیوے پر اِیں ازادی کُوں آپنڑیاں جِسمانی خواہشاں کُوں پُورا کرݨ کیتے اِستعمال نہ کرو بلکہ محبت نال ہِک ڈُوجھے دی خدمت کریندے راہو۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

1 تِیمُتھِیُس 4:8

کیوں جو جِسمانی مشق کنُوں کُجھ فائدہ تاں تھیندے پر دینداری ہر لحاظ نال فائدہ مند ہوندی ہے تے اِیندے ءچ نہ صرف اِیں زندگی کیتے بلکہ آوݨ آلی زندگی کیتے وی وعدہ موجود ہے۔

طِطُس 1:16

او خُدا دی پچھاݨ دا دعویٰ تاں کریندے ہِن پر آپنڑے کماں تُوں اُوندا اِنکار کریندے ہِن، کیوں جو او مکرُوہ تے نافرمان ہِن تے کوئی نیک کم کرݨ دے قابل نئیں۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

عبرانیوں 11:17

اِیمان دی وجہ کنُوں ای ابرہام آپنڑے اِمتحان دے وقت اِضحاق کُوں قُربانی دے طور تے نذر کیتا۔ ہا، ابرہام جیندے نال وعدے کیتے گئے ہَن او آپنڑے کلھے پوتر کُوں قُربان کرݨ کیتے تیار تھی گِیا،

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

یعقُوب 1:16

میڈے پیارے بِھراؤ، دوکھا نہ کھاؤ۔

یعقُوب 2:16

تے تُہاڈے ءچوں کوئی اُونکُوں آکھے جو ”سلامتی نال وَنج، گرم تھی، تے کھا پی،“ پر اُنہاں کُوں جِسمانی ضرورت دیاں چیزاں نہ ڈیوے تاں کیا فائدہ؟

یعقُوب 2:18

تھی سگدے جو کوئی آکھے جو ”تُوں اِیمان رکھیندا ہیں پر مَیں نیک اعمال کریندا ہاں۔“ تُوں بغیر اعمال دے آپنڑا اِیمان میکُوں ڈِکھا تے مَیں آپنڑا اِیمان آپنڑے اعمال تُوں تیکُوں ڈِکھیساں۔

یعقُوب 2:26

بس جِینویں بدن بغیر رُوح دے مُردہ ہے، اُونویں ای اِیمان وی بغیر اعمال دے مُردہ ہے۔

2 پطرس 1:5

اِیں واسطے تُساں پُوری کوشش کرو جو آپنڑے اِیمان نال نیکی تے نیکی نال علم،