یعقُوب 1:22 - کِتاب مُقدّس سرائیکی ترجمہ

²² کلام اُتے عمل کرݨ آلے بنڑو نہ جو صرف سُنڑݨ آلے جیہڑے خود کُوں دوکھا ڈیندے ہِن۔

یعقُوب 1:22 Iomraidhean Croise

متّی 12:50

کیوں جو جیہڑا کوئی میڈے اسمانی باپ دی مرضی اُتے چلدے اُوہو میڈا بِھرا تے میڈی بھینڑ تے میڈی ماء ہے۔“

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

لُوقا 11:28

اُوں آکھیا، ”ہاں، پر جیہڑے لوک خُدا دا کلام سُنڑدے تے اُوندے اُتے عمل کریندے ہِن او زیادہ مُبارک ہِن۔“

یُوحنّا 13:17

جے تُساں اِنہاں گالھیں کُوں جانڑدے ہیوے تاں مُبارک ہیوے پر شرط ایہ ہے جو اُنہاں اُتے عمل وی کرو۔

رومیوں 2:13

کیوں جو شریعت کُوں سُنڑݨ آلے خُدا دی نِگاہ ءچ راستباز نئیں ہوندے بلکہ شریعت اُتے عمل کرݨ آلے ای راستباز کھڑائے ویسن۔

1کُرِنتھِیوں 15:33

دوکھا نہ کھاؤ، بُریاں صُحبتاں چنگیاں عادتاں کُوں وِگاڑ ڈیندیاں ہِن۔

1کُرِنتھِیوں 3:18

آپنڑے آپ کُوں فریب نہ ڈیؤ۔ جے تُہاڈے ءچوں کوئی آپنڑے آپ کُوں اِیں دُنیا دے معیار دے مطابق حِکمت آلا سمجھدا ہے تاں او نادان بنڑے تاں جو سچ مُچ دانا بنڑ سگے۔

1کُرِنتھِیوں 6:9

کیا تُساں نئیں جانڑدے جو بدکار خُدا دی بادشاہی دے وارث نہ ہوسن؟ دوکھے ءچ نہ رہوائے۔ نہ حرام کار، نہ بُتاں دی پُوجا کرݨ آلے، نہ زِنا کار، نہ لونڈے باز،

گلتِیوں 6:3

جے کوئی آپنڑے آپ کُوں کُجھ سمجھے، پر او کُجھ وی نہ ہووے، تاں او آپنڑے آپ کُوں دوکھا ڈیندے۔

گلتِیوں 6:7

دوکھا نہ کھاؤ، خُدا بیوقُوف نئیں بنڑایا وَنج سگدا۔ بندہ جیہڑا کُجھ رہیندے، اُوہو کپیسی۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

کلُسِّیوں 3:17

تے جیہڑا کُجھ تُساں آدھے یا کریندے ہیوے خُداوند یسُوع دے ناں نال کرو تے اُوندے وسیلے نال خُدا باپ دا شُکر ادا کرو۔

2 تِیمُتھِیُس 3:13

تے بدکار تے دوکھے باز لوک فریب ڈیندے ڈیندے تے فریب کھاندے کھاندے وِگڑدے ویسن۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

یعقُوب 1:26

جے کوئی بندہ آپنڑے آپ کُوں دیندار سمجھدا ہووے تے وَل وی آپنڑی زبان کُوں قابو ءچ نہ رکھیندا ہووے تاں او آپنڑے آپ کُوں دوکھا ڈیندے۔ اُوندی دینداری فضول ہے۔

یعقُوب 4:11

بِھراؤ، تُساں آپس ءچ ہِک ڈُوجھے دی بدگوئی نہ کرو۔ جیہڑا آپنڑے بِھرا دی بدگوئی کریندے یا اُوندے اُتے اِلزام لیندے، او شریعت دی بدگوئی کریندے تے اُوندے اُتے اِلزام لیندے۔ تے جے تُوں شریعت اُتے اِلزام لیندیں تاں تُوں شریعت اُتے عمل کرݨ دی بجائے اُوندی عدالت کریندیں۔

یعقُوب 4:17

بس جیہڑا نیکی کرݨ جانڑدے پر نئیں کریندا، ایہ اُوندے کیتے گُناہ ہے۔

2 پطرس 2:13

ڈُوجھیاں کُوں نُقصان پُچاوݨ دے بدلے ءچ اُنہاں کُوں نُقصان تھیسی۔ اُنہاں دے نیڑے لُطف چاوݨ تُوں مُراد ایہ ہے جو ڈینہہ ویلے کُھل تے عیاشی کرݨ۔ او داغ تے دھبے ہِن جیہڑے تُہاڈے نال رفاقتی کھانڑے ءچ شریک تھی تے عیاشیاں کریندے ہِن۔

1 یُوحنّا 1:8

جے اساں بے گُناہ ہووݨ دا دعویٰ کرُوں تاں آپنڑے آپ کُوں دوکھا ڈیندے ہیں تے ساڈے ءچ سچائی کائنی۔

1 یُوحنّا 2:3

جے اساں اُوندے حُکماں اُتے عمل کرُوں تاں ساکُوں یقین تھی ویندے جو اساں اُونکُوں جاݨ گِھدے۔

1 یُوحنّا 3:7

بالو! کہیں دے دوکھے ءچ نہ اوائے۔ جیہڑا کوئی نیک کم کریندے، او نیک ہے جِینویں مسیح نیک ہے۔

3 یُوحنّا 1:11

میڈے عزیز! بُرائی دی نئیں بلکہ نیکی دی راہ اُتے ٹُر۔ نیکی کرݨ آلا خُدا تُوں ہے تے جیہڑا بُرائی کریندے، اُوں خُدا کُوں اصلُوں نئیں پچھانڑیا۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

مُکاشفہ 22:7

”ڈیکھ، مَیں جلدی آوݨ آلا ہاں۔ مُبارک ہے او جیہڑا اِیں نبُوّت دے گالھیں اُتے عمل کریندے۔“