یعقُوب 1:18 - کِتاب مُقدّس سرائیکی ترجمہ

¹⁸ اُوں آپنڑی مرضی نال ساکُوں سچائی دے کلام دے وسیلے نال پیدا کیتا تاں جو اساں اُوندی مخلوقات ءچوں پہلے پھل وانگُوں خاص تھیؤں۔

یعقُوب 1:18 Iomraidhean Croise

یُوحنّا 1:13

او نہ خون کنُوں، نہ جِسمانی خواہش کنُوں تے نہ اِنسان دے اِرادے کنُوں بلکہ خُدا کنُوں پیدا تھئے۔

رومیوں 4:17

جِینویں لِکھیا ہے جو ”مَیں تیکُوں بہُوں ساریاں قوماں دا پِیُو مقرر کیتے۔“ ابرہام خُدا دی نِگاہ ءچ ساڈا پِیُو ہے جیندے اُتے او اِیمان رکھیندا ہا تے جیہڑا مُردیاں کُوں زندہ کریندے تے غیر موجود چیزاں کُوں اِینویں سڈ گِھندے جِینویں او موجود ہِن۔

1کُرِنتھِیوں 4:15

کیوں جو جے مسیح ءچ تُہاڈے ہزار اُستاد وی ہووݨ، وَل وی تُہاڈے پِیُو بہُوں سارے نئیں۔ کیوں جو یسُوع مسیح ءچ تُہاکُوں خوشخبری سُنڑاوݨ دے سببّوں مَیں ای تُہاڈا پِیُو بنڑیا۔

2کُرِنتھِیوں 6:7

سچے کلام، خُدا دی قُدرت دے ذریعے تے راستبازی دے ہتھیاراں دے ذریعے جیہڑے ساڈے سجے کھبے ہتھاں ءچ ہِن،

اِفِسیوں 1:12

تاں جو اساں جِنہاں سبھ کنُوں پہلے مسیح اُتے اُمید رکھی ہئی، اُوندے جلال دی تعریف دا سبب بنڑوں۔

اِفِسیوں 1:13

تے جِیں ویلے تُساں وی سچائی دے کلام کُوں یعنی آپنڑی نجات دی خوشخبری کُوں سُنڑیا تے مسیح اُتے اِیمان گِھن آئے تاں خُدا تُہاڈے اُتے وی وعدہ کیتے ہوئے رُوح القُدس دی مُہر لائی۔

2 تِیمُتھِیُس 2:15

کوشش کر تے خُدا دے سامنڑے آپنڑے آپ کُوں ہِک ایجھا کم کرݨ آلا پیش کر جیہڑا مقبول ہووے، جِینکُوں شرمندہ نہ تھیونڑا پووے تے جیہڑا سچائی دے کلام کُوں ٹھیک طرحاں سکھیندا ہووے۔

عبرانیوں 12:23

تے اُنہاں پلوٹھیاں دی جماعت دے کولھ جِنہاں دے ناں اسمان اُتے لِکھے ہِن، تے سبھ دے مُنصف خُدا، تے کامِل کیتے ہوئے راستبازاں دیاں رُوحاں دے کولھ آئے ہیوے۔

یعقُوب 1:15

وَل خواہش حاملہ تھی تے گُناہ پیدا کریندی ہے تے گُناہ بالغ تھی تے موت پیدا کریندے۔

یعقُوب 1:21

اِیں واسطے ساری ناپاکی تے بُرائی کُوں دُور کر تے اُوں کلام کُوں فروتنی نال قبول کر گِھنو جیہڑا تُہاڈے دِلاں ءچ رہایا گئے تے تُہاکُوں نجات ڈے سگدے۔

یعقُوب 3:14

پر جے تُہاڈے دل ءچ سخت حسد تے خود غرضی ہے تاں شیخی نہ مارو تے نہ ای سچائی دے خلاف کُوڑ مارو۔

1 پطرس 1:23

تُساں فانی بیج کنُوں نئیں بلکہ غیرفانی بیج کنُوں، خُدا دے کلام دے وسیلے نال نویں سرے تُوں پیدا تھئے ہیوے، جیہڑا زندہ تے ہمیشاں تئیں قائم ہے۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

1 یُوحنّا 3:9

جیہڑا کوئی خُدا تُوں پیدا تھئے، او گُناہ نئیں کریندا راہندا کیوں جو اُوندے ءچ خُدا دی فطرت راہندی ہے۔ اُوندے کیتے گُناہ کرݨ ناممکن ہے کیوں جو او خُدا دا پوتر ہے۔

مُکاشفہ 14:4

ایہ او لوک ہِن جِنہاں آپنڑے آپ کُوں عورتاں نال ناپاک نئیں کیتا بلکہ کنوارے ہِن۔ ایہ او ہِن جیہڑے لیلے دے پِچُھوں پِچُھوں ٹُردے ہِن، جِتھاں وی او ویندے۔ او آدمیاں ءچوں مُل گِھدے گئے ہِن تاں جو او خُدا تے لیلے کیتے فصل دا پہلے پھل ہووݨ۔