یعقُوب 1:14 - کِتاب مُقدّس سرائیکی ترجمہ

¹⁴ بلکہ ہر بندہ اُوں ویلے ازمایا ویندے جِیں ویلے اُوندی نفسانی خواہش اُونکُوں ورغلا تے پَھسا گِھندی ہے۔

یعقُوب 1:14 Iomraidhean Croise

متّی 15:18

پر جیہڑے گالھیں مُنہ ءچوں نِکلدیاں ہِن او دل ءچوں نِکلدیاں ہِن تے اُوہو بندے کُوں ناپاک کریندیاں ہِن۔

متّی 15:20

اِیہو گالھیں ہِن جیہڑیاں بندے کُوں ناپاک کریندیاں ہِن پر ہتھ دھوتے بغیر کھانڑا کھاوݨ بندے کُوں ناپاک نئیں کریندا۔“

متّی 4:1

وَل رُوح القُدس یسُوع کُوں بیابان ءچ گِھن گِیا تاں جو او ابلیس تُوں ازمایا ونجے۔

متّی 5:28

پر مَیں تُہاکُوں ایہ آدھا ہاں جو جئیں کہیں عورت کُوں بُری نِگاہ نال ڈِٹھا تاں اُوں آپنڑے دل ءچ اُوندے نال زِنا کر گِھدا۔

رومیوں 7:11

کیوں جو گُناہ اِیں حُکم کنُوں فائدہ چا تے میکُوں ورغلایا تے اِیندے ذریعے میکُوں مار سٹیا۔

رومیوں 7:13

تاں کیا اُوہو چیز جیہڑی چنگی ہے میڈے کیتے موت بنڑ گئی؟ ہرگز نئیں بلکہ گُناہ ہِک چنگی چیز کنُوں فائدہ چا تے میڈی موت دی وجہ بنڑ گِیا تاں جو گُناہ دی اصلیّت ظاہر تھی ونجے تے حُکم دے ذریعے گُناہ حد تُوں زیادہ مکرُوہ معلوم تھیوے۔

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

عبرانیوں 3:13

پر جئیں تئیں اَج دا ڈینہہ آکھیا ویندے، ہر روز ہِک ڈُوجھے کُوں نصیحت کریندے راہو تاں جو تُہاڈے ءچوں کوئی وی گُناہ دے دوکھے ءچ آ تے سخت دل نہ تھی ونجے۔

یعقُوب 1:13

ازمائش ویلے کوئی ایہ نہ آکھے جو ”ایہ ازمائش خُدا دی طرفوں ہے،“ کیوں جو نہ تاں خُدا بُرائی نال ازمایا وَنج سگدے تے نہ او کہیں کُوں ازمائش ءچ پیندے۔

یعقُوب 1:15

وَل خواہش حاملہ تھی تے گُناہ پیدا کریندی ہے تے گُناہ بالغ تھی تے موت پیدا کریندے۔