عبرانیوں 9:12 - کِتاب مُقدّس سرائیکی ترجمہ

¹² او بکریاں تے وچھیاں دا خون گِھن تے نئیں بلکہ آپنڑا خون گِھن تے ہِکے پھیری سبھ تُوں مُقدّس جاہ ءچ داخل تھی گِیا تے ساکُوں ایجھی مخلصی ڈِتی جیہڑی ہمیشاں کیتے ہے۔

عبرانیوں 9:12 Iomraidhean Croise

مرقس 3:29

پر جیہڑا رُوح القُدس دے خلاف کُفر بَکدے او کڈھائیں معافی نہ پے سی بلکہ ابدی گُناہ دا قصُوروار ہے۔“

لُوقا 1:68

”رب العالمین، اِسرائیل دے خُدا دی حمد تھیوے، کیوں جو اُوں آپنڑی اُمت دا خیال کر تے اُونکُوں رہائی بخشی

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

اِفِسیوں 1:7

ساکُوں مسیح دے خون دے وسیلے نال مخلصی یعنی گُناہاں دی معافی مِلی ہے۔ ایہ خُدا دے اُوں بے حد فضل دے سببّوں تھیّا،

کلُسِّیوں 1:14

جیندے وسیلے نال ساکُوں مخلصی یعنی گُناہاں تُوں معافی مِلی ہے۔

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

عبرانیوں 10:19

اِیں واسطے میڈے بِھراؤ! اساں یسُوع دے خون دے وسیلے نال اُوں سبھ تُوں مُقدّس جاہ ءچ پُورے اعتقاد نال داخل تھی سگدے ہیں۔

عبرانیوں 10:4

کیوں جو ممکن نئیں جو بکریَاں تے ڈانداں دا خون گُناہاں کُوں مِٹا سگے۔

عبرانیوں 13:12

اِینویں ای یسُوع وی لوکاں کُوں خود آپنڑے خون نال پاک کرݨ کیتے شہر دے پھاٹک دے باہر ڈُکھ چاتا۔

عبرانیوں 5:9

اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

عبرانیوں 7:27

او ڈُوجھے سردار کاہِناں وانگُوں نہ ہووے جِنہاں کُوں پہلے آپنڑے گُناہاں کیتے تے وَل آپنڑے لوکاں دے گُناہاں کیتے ہر روز قُربانیاں پیش کرݨ دی لوڑ ہوندی ہے۔ یسُوع تاں آپنڑے آپ کُوں قُربان کر تے ہِکے پھیری ایجھی قُربانی پیش کیتی جیہڑی ہمیشاں کیتے کافی ہے۔

عبرانیوں 9:13

کیوں جو جِیں ویلے بکریاں تے ڈانداں دے خون تے ویہڑیاں دی سواہ دے چِھنڈکے ونجنڑ نال ناپاک لوک جِسمانی طور تے پاک تھیندے ہِن،

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 9:15

اِیہو وجہ ہے جو مسیح نویں عہد دا درمیانی ہے تاں جو خُدا دی طرفوں سڈے گئے لوک وعدہ کیتی ہوئی ابدی میراث کُوں حاصل کر سگنڑ۔ ایہ صرف اِیں واسطے ممکن تھئے جو مسیح آپنڑی جان فِدیہ دے طور تے ڈے ڈِتی تاں جو اُنہاں کُوں اُنہاں گُناہاں دی سزا تُوں چُھڑاوے جیہڑے اُنہاں پہلے عہد دے دوران کیتے ہَن۔

عبرانیوں 9:19

جِیں ویلے مُوسیٰ پُوری قوم کُوں شریعت دا ہِک ہِک حُکم سُنڑا ڈِتا تاں اُوں وچھیاں تے بکریاں دا خون گِھن تے پانڑی ءچ رَلایا۔ وَل اُوں رتّی اُون تے زُوفے دے ذریعے اُوں خون کُوں شریعت دی کتاب تے سارے لوکاں اُتے چِھنڈک ڈِتا

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

عبرانیوں 9:7

پر ڈُوجھے حصے ءچ صرف کاہِن ِ اعظم ویندا ہا، پر او وی سال ءچ صرف ہِک پھیری۔ تے او قُربانی دے خون دے بغیر نئیں ویندا، جیہڑا او آپنڑے تے قوم دے بُھل چُک ءچ کیتے ہوئے گُناہاں دی خاطر پیش کریندا ہا۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔