عبرانیوں 8:9 - کِتاب مُقدّس سرائیکی ترجمہ

⁹ ایہ اُوں عہد آلی کار نہ ہوسی، جیہڑا مَیں اُنہاں دے پِیُو ڈاڈے نال بدھیا ہم جڈاں مَیں اُنہاں دا ہتھ پکڑ تے اُنہاں کُوں مِصر دے مُلک ءچوں کڈھ تے گِھن آیا ہم۔ کیوں جو او میڈے عہد اُتے قائم نہ ریہے اِیں واسطے مَیں اُنہاں دو توجہ نہ کیتی۔

عبرانیوں 8:9 Iomraidhean Croise

مرقس 8:23

او اُوں اندھے دا ہتھ پکڑ تے اُونکُوں وستی کنُوں باہر گِھن گِیا تے اُوندے اکھیں اُتے تُھک تے آپنڑے ہتھ اُوندے اُتے رکھے تے پُچھیا، ”کیا تُوں کُجھ ڈیدھا ہیں؟“

اعمال 13:11

ہُنڑ ڈیکھ خُداوند دا ہتھ تیڈے خلاف اُٹھیا ہے تے تُوں اندھا تھی تے کُجھ عرصہ تئیں سِجھ کُوں نہ ڈیکھسیں۔“ اُونہئی ویلے کُہیڑ تے اندھارا اُوندے اُتے چھا گِیا تے او لوکاں کُوں گولھیندا پِھردا ریہا جو کوئی اُوندا ہتھ پکڑ تے اُونکُوں نال گِھن ونجے۔

اعمال 7:36

اِیہو بندہ اُنہاں کُوں کڈھ آیا تے مِصر تے بحر ِ قُلزم تے بیابان ءچ چالیہہ سال تئیں عجیب کم تے معجزے ڈِکھائے۔

اعمال 9:8

ساؤل زمین تُوں اُٹھی کھڑا تھیّا پر جِیں ویلے اکھیں کھولیاں تاں اُونکُوں کُجھ ڈِکھالی نہ ڈِتا۔ اِیں واسطے لوک اُوندا ہتھ پکڑ تے دمشق ءچ گِھن گئے۔

گلتِیوں 4:24

اِنہاں گالھیں ءچ ہِک مثال ہے کیوں جو ایہ عورتاں ڈُو عہداں دو اِشارہ کریندیاں ہِن۔ ہِک کوہ ِسِینا اُتے بدھیا ہویا عہد ہے جیندے ءچوں غُلام ای پیدا تھیندے ہِن تے او ہاجرہ ہے۔