عبرانیوں 7:2 - کِتاب مُقدّس سرائیکی ترجمہ

² ابرہام اُونکُوں سارے لُٹے ہوئے مال ءچوں ڈاہواں حصہ وی ڈِتا۔ پہلے تاں مَلک صِدق دے ناں دا مطلب ”صداقت دا بادشاہ“ ہے تے وَل کیوں جو او سالم شہر دا بادشاہ ہا، اِیں واسطے او ”سلامتی دا بادشاہ“ وی ہے۔

عبرانیوں 7:2 Iomraidhean Croise

متّی 1:23

”ڈیکھو ہِک کُنواری حاملہ تھیسی تے پوتر جمسی تے اُوندا ناں عِمانُوایل رکھیسن۔“ جِیندا ترجمہ ہے خُدا ساڈے نال۔

لُوقا 2:14

”سبھ تُوں اُچے اسمان اُتے خُدا دی تمجید ہووے تے زمین اُتے اُنہاں آدمیاں نال صُلح جِنہاں تُوں او خوش ہے۔“

رومیوں 3:26

بلکہ اِیں زمانہ ءچ وی آپنڑی راستبازی ظاہر کرݨ کیتے، کیوں جو او خود وی عادل ہے تے ہر بندے کُوں جیہڑا یسُوع اُتے اِیمان گِھن آندے، راستباز کھڑاوݨ آلا ہے۔

عبرانیوں 7:1

ایہ مَلک صِدق، سالم شہر دا بادشاہ تے خُدا تعالیٰ دا کاہِن ہا۔ جِیں ویلے ابرہام بادشاہاں کُوں مار تے واپس آندا پِیا ہا تاں مَلک صِدق اُونکُوں مِلیا تے برکت ڈِتی۔

عبرانیوں 7:3

اُوندے ماء پِیُو بلکہ اُوندے پِیُو ڈاڈے دا وی کوئی ذِکر نئیں تے نہ ای اُوندی زندگی دے شروع یا آخر دا۔ بلکہ او خُدا دے پوتر وانگُوں ہمیشاں تئیں کاہِن ہے۔