عبرانیوں 7:16 - کِتاب مُقدّس سرائیکی ترجمہ

¹⁶ جیہڑا شریعت دے تقاضے دے مطابق لاوی قوم آلا ہووݨ پارُوں نئیں بلکہ ختم نہ تھیوݨ آلی زندگی دی قُدرت پارُوں مقرر تھئے۔

عبرانیوں 7:16 Iomraidhean Croise

رومیوں 7:14

اساں جانڑدے ہیں جو شریعت ہِک رُوحانی چیز ہے پر مَیں جِسمانی ہاں تے گُناہ دی غُلامی ءچ وِک گِیا ہاں۔

گلتِیوں 4:3

اِینویں ای اساں وی جِیں ویلے بال ہسے تاں دُنیاوی اصُولاں دی غُلامی ءچ ہسے۔

گلتِیوں 4:9

پر ہُنڑ جڈاں تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس ویندے پئے ہیوے؟ کیا ولا کنُوں اُنہاں دی غُلامی ءچ آوݨ چاہندے ہیوے؟

کلُسِّیوں 2:14

تے حُکم عدُولی دے لِکھے ہوئے اِلزاماں کُوں مِٹا ڈِتا جیہڑے ساڈے خلاف ہَن، تے اُونکُوں صلیب اُتے کِیلاں نال جَڑ تے، ساڈے کنُوں دُور کر ڈِتا،

کلُسِّیوں 2:20

جے تُساں مسیح نال مر تے دُنیاوی اصُولاں کنُوں آزاد تھی گئے ہیوے تاں ہُنڑ دُنیا آلیاں وانگُوں زندگی کیوں گُزریندے پئے ہیوے؟ ایجھے دُنیاوی حُکماں دے کیوں پابند تھیندے ہیوے

عبرانیوں 10:1

مُوسیٰ دی شریعت آوݨ آلیاں چنگیاں چیزاں دا صرف ہِک پچھاواں ہے نہ جو او اصل ہے۔ اِیں واسطے جیہڑیاں قُربانیاں ہر سال پیش کیتیاں ویندیاں ہِن، او خُدا دے کولھ آوݨ آلیاں کُوں ہرگز کامِل نئیں کر سگدیاں۔

عبرانیوں 7:15

کہانت دی ایہ تبدیلی بِیا وی واضح تھی ویندی ہے جِیں ویلے مَلک صِدق جِیہا ہِک بِیا کاہِن ظاہر تھئے،

عبرانیوں 7:17

کیوں جو اُوندے حق ءچ ایہ گواہی ڈِتی گئی ہے جو ”تُوں مَلک صِدق آلی کار ہمیشاں تئیں کاہِن ہیں۔“

عبرانیوں 7:21

پر مسیح کاہِن بنڑ گِیا، جِیں ویلے رب اُونکُوں قَسم کھا تے فرمایا جو ”مَیں قَسم کھادی ہے تے مَیں اُونکُوں نہ تُڑیساں، جو تُوں ہمیشاں تئیں کاہِن ہیں۔“

عبرانیوں 7:28

شریعت تاں ایجھے آدمیاں کُوں کاہِنِ اعظم مقرر کریندی ہے جیہڑے کمزور ہِن، پر شریعت دے بعد خُدا قَسم کھا تے آپنڑے پوتر کُوں مقرر کیتا جیہڑا ہمیشاں تئیں کامِل ہے۔

عبرانیوں 7:3

اُوندے ماء پِیُو بلکہ اُوندے پِیُو ڈاڈے دا وی کوئی ذِکر نئیں تے نہ ای اُوندی زندگی دے شروع یا آخر دا۔ بلکہ او خُدا دے پوتر وانگُوں ہمیشاں تئیں کاہِن ہے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔