عبرانیوں 7:11 - کِتاب مُقدّس سرائیکی ترجمہ

¹¹ جیکر بنی لاوی دی کہانت، جیندے نال اُمت کُوں شریعت عطا کیتی گئی ہئی، لوکاں کُوں کامِل بنڑا سگدی تاں وَل ڈُوجھے کاہِن دی کیا لوڑ ہئی، جیہڑا ہارُون آلی کار نہ ہووے بلکہ مَلک صِدق آلی کار ہووے؟

عبرانیوں 7:11 Iomraidhean Croise

گلتِیوں 2:21

مَیں خُدا دے فضل کُوں رَد نئیں کریندا۔ کیوں جو جے راستبازی شریعت دے وسیلے نال حاصل کیتی وَنج سگدی تاں مسیح دا مرݨ بے فائدہ ہوندا۔“

گلتِیوں 4:3

اِینویں ای اساں وی جِیں ویلے بال ہسے تاں دُنیاوی اصُولاں دی غُلامی ءچ ہسے۔

گلتِیوں 4:9

پر ہُنڑ جڈاں تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس ویندے پئے ہیوے؟ کیا ولا کنُوں اُنہاں دی غُلامی ءچ آوݨ چاہندے ہیوے؟

عبرانیوں 5:10

تے خُدا اُونکُوں مَلک صِدق وانگُوں کاہِن ِ اعظم مقرر کیتا۔

عبرانیوں 5:6

تے خُدا ہِک بئی جاہ تے وی فرمیندے جو ”تُوں مَلک صِدق آلی کار ہمیشاں تئیں کاہِن ہیں۔“

عبرانیوں 6:20

جِتھاں یسُوع ساڈے کنُوں پہلے ای وَنج تے ہمیشاں کیتے مَلک ِ صِدق آلی کار کاہِن ِ اعظم بنڑ تے ساڈی خاطر داخل تھی گِیا ہے۔

عبرانیوں 7:10

کیوں جو جِیں ویلے مَلک صِدق ابرہام کُوں مِلیا تاں لاوی قوم اُوں ویلے آپنڑے پِیُو ڈاڈا ابرہام دے جِسم ءچ ہئی۔

عبرانیوں 7:12

کیوں جو جڈاں وی کہانت بدلدی ہے تاں شریعت دا بدل ونجنڑ وی لازمی ہے۔

عبرانیوں 7:13

خُداوند یسُوع جیندے بارے ءچ ایہ گالھیں آکھیاں ویندیاں ہِن، او ہِک ڈُوجھے قبیلے کنُوں ہا تے اُوں قبیلے دے کہیں فرد کڈھائیں قُربان گاہ اُتے خدمت نہ کیتی ہئی۔

عبرانیوں 7:15

کہانت دی ایہ تبدیلی بِیا وی واضح تھی ویندی ہے جِیں ویلے مَلک صِدق جِیہا ہِک بِیا کاہِن ظاہر تھئے،

عبرانیوں 7:21

پر مسیح کاہِن بنڑ گِیا، جِیں ویلے رب اُونکُوں قَسم کھا تے فرمایا جو ”مَیں قَسم کھادی ہے تے مَیں اُونکُوں نہ تُڑیساں، جو تُوں ہمیشاں تئیں کاہِن ہیں۔“

عبرانیوں 8:7

جے پہلا عہد بے نُقص ہوندا تاں ڈُوجھے عہد دی لوڑ ای نہ پوندی۔

عبرانیوں 9:6

بس اِنہاں چیزاں دے اِیں ترتیب نال تیار تھی ونجنڑ تُوں بعد کاہِن آپنڑی خدمت کرݨ کیتے تمبُو دے پہلے حصے ءچ بار بار داخل تھیندے راہندے ہَن۔