عبرانیوں 6:8 - کِتاب مُقدّس سرائیکی ترجمہ

⁸ پر جے او زمین جھاڑیاں تے کنڈیر پیدا کریندی راہوے تاں او کہیں کم دی نئیں۔ اُوندے اُتے لعنت جلدی آوݨ آلی ہے تے آخر کار اُونکُوں ساڑ ڈِتا ویسی۔

عبرانیوں 6:8 Iomraidhean Croise

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

متّی 3:10

تے ہُنڑ درختاں دی جڑھ اُتے کُہاڑا رکھ ڈِتا گئے۔ بس جیہڑا درخت چنگا پھل نئیں ڈیندا او کپیا تے بھاہ ءچ سٹیا ویندے۔

متّی 7:19

او درخت جیہڑا چنگا پھل نئیں ڈیندا کپ ڈِتا تے بھاہ ءچ سَٹ ڈِتا ویندے۔

مرقس 11:14

اُوں اُونکُوں آکھیا، ”ولا تَیں کنُوں کوئی کڈھائیں پھل نہ کھاوے۔“ تے اُوندے شاگرداں ایہ سُنڑیا۔

مرقس 11:21

پطرس کُوں او گالھ یاد آئی تے اُونکُوں آکھنڑ لگا، ”ربّی! ڈیکھ ایہ ہنجیر دا درخت جیندے اُتے تُساں لعنت کیتی ہئی، سُک گِیا ہے۔“

یُوحنّا 15:6

جے کوئی میڈے ءچ قائم نہ راہوے تاں او ٹاہنڑی وانگُوں سَٹ ڈِتا ویندے تے سُک ویندے، تے لوک اُنہاں کُوں کٹھا کر تے بھاہ ءچ سَٹ ڈیندے ہِن تے او سڑ ویندیاں ہِن۔

عبرانیوں 10:27

وَل صرف خُدا دی عدالت دا خوفناک اِنتظار تے بھڑکدی ہوئی بھاہ باقی ہے جیہڑی خُدا دے دُشمنڑاں کُوں کھا ویسی۔

عبرانیوں 12:17

تُساں جانڑدے ہیوے جو بعد ءچ جڈاں اُوں برکت کُوں وراثت ءچ گِھننڑ چاہیا تاں قبول نہ کیتا گِیا۔ اُونکُوں توبہ کرݨ دا موقع نہ مِلیا بھانویں جو او ہنجُو وہا وہا تے اُوں برکت کُوں حاصل کرݨ دی کوشش کریندا ریہا۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔