عبرانیوں 6:6 - کِتاب مُقدّس سرائیکی ترجمہ

⁶ جے او آپنڑے اِیمان کنُوں پِھر ونجنڑ تاں اُنہاں کُوں ولا کنُوں توبہ دو رجُوع کراوݨ ممکن نئیں۔ کیوں جو آپنڑے اِیں کم نال او خُدا دے پوتر کُوں ڈُوجھی پھیری صلیب اُتے چڑھا تے اعلانیہ ذلیل کریندے ہِن۔

عبرانیوں 6:6 Iomraidhean Croise

متّی 19:26

یسُوع اُنہاں دو ڈیکھ تے آکھیا، ”اِنسان کیتے تاں ایہ نا ممکن ہے پر خُدا کیتے سبھ کُجھ ممکن ہے۔“

لُوقا 11:48

بس تُساں گواہ ہیوے تے آپنڑے پِیُو ڈاڈے دے کماں کُوں پسند کریندے ہیوے کیوں جو اُنہاں تاں اُنہاں کُوں قتل کیتا ہا تے تُساں اُنہاں دے مزار بنڑیندے ہیوے۔

2 تِیمُتھِیُس 2:25

آپنڑے مخالفاں کُوں حلیمی نال سمجھاوے۔ شاید خُدا اُنہاں کُوں توبہ دی توفیق ڈیوے تے او سچائی کُوں پچھاݨ گِھننڑ۔

عبرانیوں 10:26

کیوں جو جے اساں حق دی پچھاݨ کرݨ تُوں بعد جاݨ بُجھ تے گُناہ کریندے راہوں تاں گُناہاں تُوں پاک کرݨ دی کوئی بئی قُربانی باقی نئیں۔

عبرانیوں 10:29

تاں او بندہ کِتنی وڈی سزا دے لائق ہوسی جئیں خُدا دے پوتر دی توہین کیتی تے عہد قائم کرݨ آلے خون کُوں جیندے نال او پاک تھیّا ہا، ناپاک سمجھیا، تے فضل ڈیوݨ آلے رُوح القُدس دی بے عزتی کیتی۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔

عبرانیوں 6:4

او لوک جِنہاں دے دل ہِک پھیری روشن تھی گئے ہِن تے جِنہاں اسمانی نعمت دا مزہ چَکھ گِھدے، جِنہاں کُوں رُوح القُدس مِلیا ہے،

2 پطرس 2:21

جِنہاں صداقت دی راہ کُوں جاݨ تاں گِھدا پر اُوں پاک حُکم کنُوں پِھر گئے جیہڑا اُنہاں کُوں ڈِتا گِیا ہا، تاں اُنہاں کیتے اِیہو چنگا ہا جو اِیں راہ کُوں کڈھائیں نہ جانڑدے۔

1 یُوحنّا 5:16

جے کوئی آپنڑے بِھرا کُوں ایجھا گُناہ کریندے ڈیکھے جِیندا انجام موت نئیں تاں دُعا کرے تے خُدا اُونکُوں زندگی بخشیسی یعنی اُوں بندے کُوں جئیں ایجھا گُناہ نئیں کیتا، جِیندا انجام موت ہووے۔ گُناہ ایجھا وی ہوندے جیہڑا موت گِھن آندے۔ مَیں ایہ نئیں آدھا جو ایجھا گُناہ کرݨ آلے بندے دے بارے ءچ دُعا کرو۔