عبرانیوں 6:2 - کِتاب مُقدّس سرائیکی ترجمہ

² بپتسمہ گِھننڑ، مخصوص کرݨ کیتے سر اُتے ہتھ رکھنڑ، مُردیاں دی قیامت تے ابدی عدالت دی تعلیم دی بنیاد ولا نہ رکھوں۔

عبرانیوں 6:2 Iomraidhean Croise

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

متّی 3:14

یُوحنّا ایہ آکھ تے اُونکُوں ہٹکنڑ لگا جو ”مَیں تاں خود تُہاڈے کنُوں بپتسمہ گِھننڑ دا مُتھاج ہاں تے تُساں میڈے کولھ آئے ہیوے؟“

مرقس 16:16

جیہڑا اِیمان گِھن آوے تے بپتسمہ گِھنے او نجات پیسی، پر جیہڑا اِیمان نہ گِھن آوے او مُجرم کھڑایا ویسی۔

مرقس 7:4

تے بازار تُوں آ تے غُسل کیتے بغیر کھانڑا نہ کھاندے۔ تے اِیں طرحاں بئیاں وی بہُوں ساریاں رسماں ہِن جِنہاں دے او پابند ہِن جِینویں پیالیاں تے مُنگراں تے تانبے دے تھانواں کُوں دھوونڑاں۔

مرقس 7:8

تُساں خُدا دے حُکماں کُوں چھوڑ تے اِنسانی رِیت کُوں قائم رکھیندے ہیوے۔“

لُوقا 11:38

فریسی ایہ ڈیکھ تے حیران تھیّا جو او بغیر ہتھ دھوتے کھانڑا کھاوݨ بہہ گئے۔

لُوقا 12:50

پر میکُوں ہِک بپتسمہ گِھننڑاں ہے، تے جئیں تئیں گِھن نہ گِھناں مَیں بہُوں بے چین راہساں!

لُوقا 14:14

تے تیکُوں برکت مِلسی، کیوں جو اُنہاں دے کولھ کُجھ نئیں جیندے نال او تیڈا احسان لہا سگن، تے تیکُوں اِیں احسان دا بدلہ راستبازاں دی قیامت ءچ مِلسی۔“

لُوقا 3:16

تاں یُوحنّا سبھ کُوں جواب ءچ آکھیا، ”مَیں تاں تُہاکُوں پانڑی نال بپتسمہ ڈیندا ہاں، پر جیہڑا مَیں کنُوں زور آور ہے، او آوݨ آلا ہے۔ مَیں اُوندی جُتی دا تسمہ کھولنڑ دے لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

یُوحنّا 1:33

مَیں تاں اُونکُوں پچھانڑدا نہ ہم پر جئیں میکُوں پانڑی نال بپتسمہ ڈیوݨ کیتے بھیجیا ہا اُوں میکُوں ڈسایا جو ’جیندے اُتے رُوح القُدس کُوں لہندے تے کھڑ دا ڈیکھیں، اُوہو رُوح القُدس نال بپتسمہ ڈیسی۔‘

یُوحنّا 5:29

نِکل آسن۔ جِنہاں نیکی کیتی ہے او زندہ تھی تے زندگی پیسن تے جِنہاں بُرائی کیتی ہے او زندہ تھی تے سزا پیسن۔

اعمال 10:47

”جِینویں ساکُوں رُوح القُدس مِلیا، اِنہاں کُوں وی مِلیا ہے۔ کیا کوئی اِنہاں لوکاں کُوں پانڑی دا بپتسمہ گِھننڑ کنُوں روک سگدے؟“

اعمال 13:3

وَل اُنہاں روزہ رکھیا تے دُعا کیتی تے اُنہاں اُتے ہتھ رکھ تے اُنہاں کُوں رُخصت کیتا۔

اعمال 16:15

وَل جِیں ویلے اُوں تے اُوندے خاندان بپتسمہ گِھن گِھدا تاں ساکُوں آکھیا جو ”جے تُساں میکُوں خُداوند دی اِیماندار بندی سمجھدے ہیوے تاں جُلو تے میڈے گھر ٹِکو۔“ بس اُوں ساکُوں مجبور کیتا۔

اعمال 16:33

اُونہی ویلے رات کُوں او اُنہاں کُوں گِھن گِیا تے اُنہاں دے زخم دھوتے۔ وَل اُوں تے اُوندے سارے گھر آلیاں بپتسمہ گِھدا۔

اعمال 17:18

کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

اعمال 23:6

جِیں ویلے پولُس کُوں پتہ لگیا جو اُنہاں ءچوں کُجھ صدوقی ہِن تے کُجھ فریسی تاں اُوں عدالت ءچ اُچی اواز ءچ آکھیا، ”بِھراؤ! مَیں فریسی ہاں تے فریسی پِیُو دا پوتر ہاں۔ میڈے اُتے اِیں واسطے مقدمہ چلایا ویندا پئے جو مَیں اُمید رکھیندا ہاں جو مُردے وَل زندہ تھیسن۔“

اعمال 24:15

مَیں وی خُدا تُوں اُوہو اُمید رکھیندا ہاں جیہڑی ایہ رکھیندے ہِن جو راستباز تے ناراست ڈوہائیں دی قیامت تھیسی۔

اعمال 24:21

سوائے اِیں ہِک گالھ دے جیہڑی مَیں اُچی اواز ءچ آکھی ہئی جو اَج تُہاڈے سامنڑے میڈے اُتے مُردیاں دی قیامت دے بارے ءچ مقدمہ کیتا گِیا ہے۔“

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“

اعمال 26:8

تُساں اِیں گالھ دا کیوں یقین نئیں کریندے جو خُدا مُردیاں کُوں ولا کنُوں زندہ کر ڈیسی؟

اعمال 4:2

او بہُوں کاوڑ ءچ ہَن کیوں جو او لوکاں کُوں یسُوع دی مثال ڈے تے مُردیاں ءچوں زندہ تھیوݨ دی تعلیم ڈیندے ہَن۔

اعمال 6:6

تے اِنہاں کُوں رسُولاں دے اگُوں کھڑا کیتا، تے رسُولاں اُنہاں اُتے ہتھ رکھ تے دُعا کیتی۔

رومیوں 2:16

ایہ اُوں ڈینہہ تھیسی جڈاں خُدا یسُوع مسیح دے وسیلے اِنساناں دیاں لُکیاں گالھیں دا اِنصاف کریسی جِینویں مَیں خوشخبری سُنڑیندا ہاں۔

1کُرِنتھِیوں 10:2

اُنہاں ساریاں مُوسیٰ دے پیروکار تھیوݨ کیتے، بدّل تے سمندر ءچ بپتسمہ گِھدا۔

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

2کُرِنتھِیوں 5:10

کیوں جو اساں ساریاں کُوں مسیح دے تختِ عدالت دے سامنڑے حاضر تھیونڑاں ہے تاں جو ہر بندہ آپنڑے کماں دا بدلہ پاوے جیہڑے اُوں آپنڑے بدن ءچ راہندے ہوئے کیتے ہِن، بھانویں چنگے ہِن یا بُرے۔

فِلِپّیوں 3:21

او آپنڑی طاقت نال سارے چیزاں کُوں آپنڑے تابع کر سگدے تے اِیں طاقت دے ذریعے او ساڈے پست حال بدن دی شکل بدل تے اُونکُوں آپنڑے بدن وانگُوں جلال آلا بنڑا ڈیسی۔

کلُسِّیوں 2:12

جِیں ویلے تُساں بپتسمہ گِھدا تاں تُساں مسیح دے نال دفن تھی گئے، تے تُساں اُوندے نال زندہ وی کیتے گئے کیوں جو تُساں خُدا دی قُدرت اُتے اِیمان گِھن آئے جئیں مسیح کُوں مُردیاں ءچوں زندہ کیتا۔

2 تِیمُتھِیُس 2:18

او سچائی کنُوں گُمراہ تھی تے ایہ آدھے ہِن جو قیامت تھی گئی ہے، تے اِینویں او کُجھ لوکاں دا اِیمان خراب کریندے پئے ہِن۔

عبرانیوں 11:35

تے عورتاں کُوں آپنڑے مُردے زندہ مِلے۔ کُجھ اُتے تشدد کیتا گِیا، پر اُنہاں رہائی قبول نہ کیتی تاں جو اُنہاں کُوں قیامت ءچ ہِک بہتر زندگی مِلے۔

عبرانیوں 9:10

اُنہاں دا تعلق صرف کھاوݨ پِیوݨ تے غُسل دیاں مختلف رسماں نال ہے۔ ایہ جِسمانی قانُون ہِن جیہڑے صرف نویں نِظام دے آوݨ تئیں مقرر کیتے گئے ہِن۔

2 پطرس 3:7

تے موجودہ اسمان تے زمین خُدا دے کلام دے وسیلہ نال بھاہ ءچ ساڑے ونجنڑ کیتے رکھے گئے ہِن۔ او بے دیناں دی عدالت تے ہلاکت دے ڈینہہ تئیں محفوظ راہسن۔