عبرانیوں 6:12 - کِتاب مُقدّس سرائیکی ترجمہ

¹² تُساں آلسی نہ بنڑو بلکہ اُنہاں دے نمونے اُتے ٹُرو جیہڑے آپنڑے اِیمان تے صبر دے سببّوں وعدیاں دے وارث تھیندے ہِن۔

عبرانیوں 6:12 Iomraidhean Croise

متّی 22:32

’مَیں ابرہام دا خُدا تے اِضحاق دا خُدا تے یعقُوب دا خُدا ہاں؟‘ او مُردیاں دا خُدا نئیں بلکہ زندیاں دا خُدا ہے۔“

متّی 25:26

اُوندے مالک جواب ڈِتا، ’ شریر تے آلسی نوکر! جے تیکُوں پتہ ہا جو جِتھاں مَیں نئیں رہایا اُتھوں کپیندا ہاں، تے جِتھاں بیج نئیں چھٹیا اُتھوں جمع کریندا ہاں،

لُوقا 16:22

اِینویں تھیّا جو او غریب مر گِیا تے فرشتیاں اُونکُوں گِھن تے ابرہام دی جھولی ءچ پُچا ڈِتا تے امیر بندہ وی مر گِیا تے دفن تھیّا۔

لُوقا 8:15

پر چنگی زمین آلے او ہِن جیہڑے کلام کُوں سُنڑ تے سچے تے نیک دل ءچ سنبھالی رکھیندن تے صبر نال پھل گِھن آندے ہِن۔

رومیوں 12:11

کوشش ءچ سُستی نہ کرو، بلکہ رُوحانی جوش نال بھرے راہو تے خُداوند دی خدمت کریندے راہو۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

رومیوں 4:12

تے او اُنہاں ختنہ کرواوݨ آلیاں دا وی پِیُو ہے جِنہاں نہ صرف ختنہ کروایا بلکہ ساڈے پِیُو ابرہام دے اُوں اِیمان دی وی پیروی کریندے ہِن جیہڑا اُونکُوں ختنہ کرواوݨ تُوں پہلے حاصل ہا۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

2تھِسّلُنیکیوں 1:4

اِیں واسطے اساں خُدا دیاں کلیسیاواں ءچ فخر نال تُہاڈا ذِکر کریندے ہیں جو ظلم تے مُصیبتاں سہوݨ دے باوجود تُساں بہُوں صبر نال آپنڑے اِیمان اُتے قائم ہیوے۔

عبرانیوں 1:14

کیا او سارے فرشتے خدمت گُزار رُوحاں نئیں، جیہڑیاں نجات پاوݨ آلیاں دی خدمت کیتے بھیجیاں ویندیاں ہِن؟

عبرانیوں 10:36

تُہاکُوں وڈے صبر نال کم گِھننڑا چاہیدے تاں جو تُساں خُدا دی مرضی پُوری کر تے او چیز حاصل کر سگو جِیندا اُوں وعدہ کیتے۔

عبرانیوں 11:33

اِیمان دی وجہ کنُوں ای او سلطنتاں اُتے غالب آئے، اِنصاف کریندے ریہے، وعدہ کیتیاں ہوئیاں چیزاں کُوں حاصل کیتا، شیراں دے مُنہ بند کیتے،

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔

عبرانیوں 13:7

آپنڑے راہنماواں کُوں یاد رکھو جِنہاں تُہاکُوں خُدا دا کلام سُنڑایا۔ اُنہاں دی زندگی دے انجام اُتے غور کرو تے اُنہاں دے اِیمان دے نمونے اُتے ٹُرو۔

عبرانیوں 5:11

اِیندے بارے ءچ ساکُوں مزید بہُوں کُجھ آکھنڑا ہے پر تُہاکُوں سمجھاونڑا مُشکل ہے، کیوں جو تُساں ڈورے ہیوے۔

عبرانیوں 6:15

اِینویں ابرہام صبر نال اِنتظار کر تے وعدہ کیتی ہوئی برکت گِھدی۔

یعقُوب 1:3

کیوں جو تُساں جانڑدے ہیوے جو تُہاڈے اِیمان دا اِمتحان تُہاڈے ءچ صبر پیدا کریندے۔

2 پطرس 1:10

بس بِھراؤ! اِیں گالھ کُوں ثابت کرݨ دی زیادہ کوشش کرو جو تُساں خُدا دے چُنڑے تے سڈے ہوئے لوک ہیوے۔ کیوں جو جے اِینویں کریسو تاں کڈھائیں گُناہ ءچ نہ ڈھاسو۔

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔

مُکاشفہ 13:10

”جِنہاں کُوں قیدی بنڑنڑیں او قیدی بنڑسن۔ جِنہاں کُوں تلوار نال قتل تھیونڑے او تلوار نال قتل تھیسن۔“ اِیں واسطے مُقدّساں کُوں صبر کرݨ تے اِیمان ءچ مضبوط راہنڑ دی خاص ضرورت ہے۔