عبرانیوں 5:9 - کِتاب مُقدّس سرائیکی ترجمہ

⁹ اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

عبرانیوں 5:9 Iomraidhean Croise

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

لُوقا 13:32

اُوں اُنہاں کُوں آکھیا جو ”اُوں لومبڑی کُوں وَنج تے ایہ آکھ ڈیؤ جو ’ڈیکھ مَیں اَج تے کل بدرُوحاں کُوں کڈھنڑ تے بیماراں کُوں شِفا ڈیوݨ دا کم کریندا راہساں تے تریجھے ڈینہہ کمال کُوں پُج ویساں۔‘

یُوحنّا 19:30

بس جِیں ویلے یسُوع او سِرکہ پِیتا تاں آکھیا جو ”سبھ کُجھ پُورا تھی گِیا،“ تے سر جُھکا تے جان ڈے ڈِتی۔

اعمال 3:15

تُساں زندگی دے مالک کُوں قتل کر ڈِتا جِینکُوں خُدا مُردیاں ءچوں زندہ کیتا۔ اساں اِیندے گواہ ہیں۔

اعمال 4:12

تے کہیں بئے دے وسیلے نجات نئیں مِلدی کیوں جو اسمان دے تلے لوکاں کُوں کوئی ڈُوجھا ناں نئیں بخشیا گِیا جیندے وسیلے نال اساں نجات پا سگوں۔“

اعمال 5:32

اساں اِنہاں گالھیں دے گواہ ہیں تے رُوح القُدس وی، جیہڑا خُدا آپنڑے فرمانبرداراں کُوں عطا فرمائے۔“

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

رومیوں 10:16

پر ساریاں اُوں خوشخبری کُوں قبول نئیں کیتا۔ اِیں واسطے یسعیاہ آدھے جو ”یا رب، ساڈے پیغام اُتے کوݨ اِیمان گِھن آئے ؟“

رومیوں 15:18

پر میکُوں کہیں بئے کم کُوں بیان کرݨ دی جُرأت نئیں سوائے اِنہاں کماں دے جیہڑے مسیح غیریہُودیاں کُوں خُدا دے تابع کرݨ کیتے میڈے ذریعے کیتے۔ اُوں ایہ سبھ کُجھ، کم، کلام،

رومیوں 2:8

پر جیہڑے خود غرض ہِن تے سچائی کُوں چھوڑ تے بُرائی دے پِچُھوں چلدے ہِن اُنہاں اُتے قہر تے عذاب نازل تھیسی۔

رومیوں 6:17

پر خُدا دا شُکر ہے جو بےشک پہلے تُساں گُناہ دے غُلام ہَوے پر ہُنڑ دل نال اُوں تعلیم دے تابع تھی گئے ہیوے جیہڑی تُہاڈے سپُرد کیتی گئی۔

2کُرِنتھِیوں 10:5

اساں اُنہاں دلیلاں تے ہر اُوں چیز کُوں ڈھا ڈیندے ہیں جیہڑی خُدا دی پچھاݨ دے خلاف اُٹھ کھڑی تھئی ہے تے اساں ہر خیال کُوں قید کر تے مسیح دا فرمانبردار بنڑا ڈیندے ہیں۔

فِلِپّیوں 2:12

بس میڈے عزیزو، جِینویں تُساں ہمیشاں فرمانبرداری کیتی ہے، اُونویں ای ہُنڑ وی نہ صرف میڈی موجودگی ءچ بلکہ غیر موجودگی ءچ وی، ڈردے تے کمبدے ہوئے آپنڑی نجات دے کم کریندے راہو۔

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

عبرانیوں 1:14

کیا او سارے فرشتے خدمت گُزار رُوحاں نئیں، جیہڑیاں نجات پاوݨ آلیاں دی خدمت کیتے بھیجیاں ویندیاں ہِن؟

عبرانیوں 11:40

کیوں جو خُدا پہلے کنُوں ای ساڈے کیتے ہِک چنگا منصوبہ بنڑایا ہا تاں جو او لوک صرف ساڈے نال ای کامِل کیتے ونجنڑ۔

عبرانیوں 11:8

اِیمان دی وجہ کنُوں ای ابرہام جِیں ویلے سڈیا گِیا تاں خُدا دا حُکم مَن تے اُوں جاہ دو چلیا گِیا جیہڑی بعد ءچ اُونکُوں میراث ءچ مِلنڑ آلی ہئی۔ بھانویں جو او جانڑدا وی نہ ہا جو او کِتھاں ویندا پئے، وَل وی روانہ تھی گِیا۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

عبرانیوں 2:10

کیوں جو مناسب ہا جو خُدا جیندے کیتے تے جیندے وسیلے نال سبھ چیزاں موجود ہِن، جِیں ویلے او بہُوں سارے فرزنداں کُوں آپنڑے جلال ءچ شامل کرے تاں اُنہاں دی نجات دے بانی یسُوع کُوں ڈُکھاں دے ذریعے کامِل بنڑاوے۔

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

عبرانیوں 9:12

او بکریاں تے وچھیاں دا خون گِھن تے نئیں بلکہ آپنڑا خون گِھن تے ہِکے پھیری سبھ تُوں مُقدّس جاہ ءچ داخل تھی گِیا تے ساکُوں ایجھی مخلصی ڈِتی جیہڑی ہمیشاں کیتے ہے۔

عبرانیوں 9:15

اِیہو وجہ ہے جو مسیح نویں عہد دا درمیانی ہے تاں جو خُدا دی طرفوں سڈے گئے لوک وعدہ کیتی ہوئی ابدی میراث کُوں حاصل کر سگنڑ۔ ایہ صرف اِیں واسطے ممکن تھئے جو مسیح آپنڑی جان فِدیہ دے طور تے ڈے ڈِتی تاں جو اُنہاں کُوں اُنہاں گُناہاں دی سزا تُوں چُھڑاوے جیہڑے اُنہاں پہلے عہد دے دوران کیتے ہَن۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

یہُوداہ 1:21

آپنڑے آپ کُوں خُدا دی محبت ءچ قائم رکھو تے خُداوند یسُوع مسیح دی رحمت دے منتظر راہو جِیندا نتیجہ ابدی زندگی ہے۔