عبرانیوں 5:2 - کِتاب مُقدّس سرائیکی ترجمہ

² او بے سمجھ تے گُمراہ لوکاں نال نرمی نال پیش آ سگدے کیوں جو اُوندے ءچ وی کمزوریاں ہوندیاں ہِن۔

عبرانیوں 5:2 Iomraidhean Croise

لُوقا 22:32

پر مَیں تیڈے کیتے دُعا کیتی جو تیڈا اِیمان ویندا نہ راہوے۔ تے جِیں ویلے تُوں رجُوع کریں تاں آپنڑے بِھرانواں کُوں مضبوط کریں۔“

2کُرِنتھِیوں 11:30

جے میکُوں فخر کرنڑا ای ہے تاں مَیں اِنہاں گالھیں اُتے فخر کریساں جیہڑیاں میڈی کمزوری کُوں ظاہر کریندیاں ہِن۔

2کُرِنتھِیوں 12:5

مَیں ایجھے بندے اُتے فخر کریساں پر آپنڑے آپ اُتے فخر نہ کریساں سوائے آپنڑیاں کمزوریاں دے۔

گلتِیوں 4:13

تُہاکُوں یاد ہوسی جو مَیں پہلی پھیری بیماری دی حالت ءچ تُہاکُوں خوشخبری سُنڑائی ہئی۔

اِفِسیوں 4:18

اُنہاں دی عقل ماری گئی ہے تے خُدا دی ڈِتی ہوئی زندگی ءچ اُنہاں دا کوئی حصہ نئیں کیوں جو او آپنڑی سخت دِلی پارُوں جاہل بنڑ گئے ہِن۔

1 تِیمُتھِیُس 1:13

بھانویں مَیں پہلے کُفر بَکنڑ آلا، اِیمانداراں کُوں ستاوݨ تے بے عزت کرݨ آلا ہم، پر خُدا میڈے اُتے رحم کیتا کیوں جو مَیں اِیمان گِھن آوݨ کنُوں پہلے تے نادانی ءچ ایہ سبھ کُجھ کیتا ہا۔

عبرانیوں 12:13

تے ”آپنڑے ٹُرݨ کیتے سِدھے رستے اِستعمال کرو“ تاں جو لنگڑا مزید لنگڑا نہ تھیوے بلکہ شِفا پاوے۔

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

عبرانیوں 2:18

تے کیوں جو یسُوع خود ازمائش دا سامنڑا کریندے ہوئے ڈُکھ برداشت کیتے، اِیں واسطے او اُنہاں دی وی مدد کر سگدے جیہڑے ازمائش دا سامنڑا کریندے ہِن۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

عبرانیوں 7:28

شریعت تاں ایجھے آدمیاں کُوں کاہِنِ اعظم مقرر کریندی ہے جیہڑے کمزور ہِن، پر شریعت دے بعد خُدا قَسم کھا تے آپنڑے پوتر کُوں مقرر کیتا جیہڑا ہمیشاں تئیں کامِل ہے۔

عبرانیوں 9:7

پر ڈُوجھے حصے ءچ صرف کاہِن ِ اعظم ویندا ہا، پر او وی سال ءچ صرف ہِک پھیری۔ تے او قُربانی دے خون دے بغیر نئیں ویندا، جیہڑا او آپنڑے تے قوم دے بُھل چُک ءچ کیتے ہوئے گُناہاں دی خاطر پیش کریندا ہا۔

یعقُوب 5:19

میڈے بِھراؤ! جے تُہاڈے ءچوں کوئی سچائی دے رستے کنُوں پِھر ونجے تے کوئی ڈُوجھا اُونکُوں ولا گِھن آوے،

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔