عبرانیوں 4:3 - کِتاب مُقدّس سرائیکی ترجمہ

³ صرف اساں جیہڑے اِیمان گِھن آئے ہیں خُدا دے ارام دی جاہ ءچ داخل تھیندے ہیں جِینویں اُوں آکھے جو ”مَیں آپنڑے غضب ءچ قَسم کھادی جو او اُوں جاہ ءچ کڈھائیں داخل نہ تھیسن جِتھاں مَیں اُنہاں کُوں ارام ڈیونڑا ہا۔“ بھانویں جو دُنیا دے بنڑائے ونجنڑ دے وقت کنُوں اُوندے کم پُورے تھی گئے ہَن۔

عبرانیوں 4:3 Iomraidhean Croise

متّی 13:35

اِینویں نبی دی آکھی ہوئی گالھ پُوری تھئی جو ”مَیں مثالاں ءچ آپنڑاں مُنہ کھولیساں۔ تے او گالھیں اکھیساں جیہڑیاں دُنیا بنڑݨ دے ویلے کنُوں لُکیاں رہ گئیاں ہِن۔“

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

اِفِسیوں 1:4

اُوں دُنیا بنڑاوݨ کنُوں پہلے ای ساکُوں مسیح ءچ چُنڑ گِھدا تاں جو اساں اُوندے حضُور پاک تے بے عیب تھیؤں۔ محبت ءچ

عبرانیوں 3:11

اِیں واسطے مَیں آپنڑے غضب ءچ قَسم کھادی جو او اُوں جاہ ءچ کڈھائیں داخل نہ تھیسن جِتھاں مَیں اُنہاں کُوں ارام ڈیونڑا ہا۔“

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

عبرانیوں 9:26

نہ تاں دُنیا دے شروع کنُوں گِھن تے ہُنڑ تئیں اُونکُوں ولا ولا موت دا ڈُکھ چاونڑا پوندا۔ پر ہُنڑ زمانیاں دے آخر ءچ مسیح ہِک پھیری ظاہر تھیّا تاں جو آپنڑے آپ کُوں قُربان کرݨ نال گُناہ کُوں ختم کر ڈیوے۔

1 پطرس 1:20

خُدا مسیح کُوں دُنیا بنڑاوݨ تُوں پہلے مقرر کیتا پر تُہاڈے کیتے اُونکُوں اِیں آخری زمانے ءچ ظاہر کیتا۔