عبرانیوں 4:12 - کِتاب مُقدّس سرائیکی ترجمہ

¹² کیوں جو خُدا دا کلام زندہ تے موثر ہے۔ او ہر ڈُو دھاری تلوار کنُوں زیادہ تیز ہے، اِتُھوں تئیں جو جان تے رُوح، تے جوڑاں تے مِکھ کُوں چِیردا ہویا لنگھ ویندے، تے دل دے خیالاں تے اِرادیاں کُوں پرکھدے۔

عبرانیوں 4:12 Iomraidhean Croise

لُوقا 8:11

اُوں مثال دا مطلب ایہ ہے۔ بیج خُدا دا کلام ہے۔

یُوحنّا 12:48

جیہڑا کوئی میڈے اُتے اِیمان نئیں رکھیندا تے میڈے گالھیں کُوں قبول نئیں کریندا، ہِک ہے جیہڑا اُوندی عدالت کریسی یعنی جیہڑا کلام مَیں کیتے، آخری ڈینہہ اُوہو اُونکُوں سزا دے لائق کھڑیسی۔

یُوحنّا 6:51

مَیں او زندگی دی روٹی ہاں جیہڑی اسمان کنُوں لتھی۔ جے کوئی اِیں روٹی ءچوں کھاوے تاں ہمیشاں تئیں زندہ راہسی۔ ایہ روٹی میڈا گوشت ہے جیہڑا مَیں ساری دُنیا دی زندگی کیتے ڈیساں۔“

اعمال 2:37

جِیں ویلے اُنہاں ایہ سُنڑیا تاں اُنہاں دے دِلاں کُوں ڈُکھ لگیا تے پطرس تے باقی رسُولاں کُوں آکھیا جو ”بِھراؤ! اساں کیا کرُوں؟“

اعمال 4:31

جِیں ویلے اُنہاں دُعا کر گِھدی تاں او جاہ جِتھاں او جمع ہَن کمب گئی تے او سارے رُوح القُدس نال بھریج گئے تے او خُدا دا کلام جُرأت نال سُنڑاوݨ لگے۔

اعمال 5:33

او ایہ سُنڑ تے کوڑیج گئے تے چاہندے ہَن جو اُنہاں کُوں قتل کر ڈیوݨ،

اعمال 7:38

ایہ اُوہو ہے جیہڑا بیابان دی جماعت ءچ اُوں فرشتہ دے نال وی ہا جیہڑا کوہ ِ سِینا اُتے اُوندے نال ہم کلام تھیّا، تے ساڈے پِیُو ڈاڈا دے نال وی ہا۔ اُونہی کُوں زندہ کلام مِلیا جو ساڈے تئیں پُچا ڈیوے۔

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

1کُرِنتھِیوں 1:24

پر خُدا دے سڈے ہوئے لوکاں کیتے بھانویں او یہُودی ہووݨ یا غیریہُودی، مسیح خُدا دی قُدرت تے اُوندی حِکمت ہے۔

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

اِفِسیوں 5:13

پر ہر چیز جِیندے اُتے روشنی کیتی ویندی ہے، او صاف نظر آندی ہے،

اِفِسیوں 5:26

تاں جو او کلیسیا کُوں کلام دے ذریعے پانڑی نال غُسل ڈے تے صاف تے مُقدّس بنڑا ڈیوے،

اِفِسیوں 6:17

تے نجات دا ٹوپ تے رُوح القُدس دی تلوار کُوں جیہڑی خُدا دا کلام ہے گِھن گِھنو۔

1تھِسّلُنیکیوں 2:13

اساں ہمیشاں اِیں واسطے وی خُدا دا شُکر ادا کریندے ہیں جو جِیں ویلے تُساں خُدا دے پیغام کُوں ساڈی زبانی سُنڑیا تاں اُونکُوں آدمیاں دا کلام سمجھ تے نئیں بلکہ جِینویں او حقیقت ءچ ہے اُونکُوں خُدا دا کلام سمجھ تے قبول کیتا۔ تے او کلام تُساں اِیمان گِھن آوݨ آلیاں ءچ اثر وی کریندا پِیا ہے۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

عبرانیوں 13:7

آپنڑے راہنماواں کُوں یاد رکھو جِنہاں تُہاکُوں خُدا دا کلام سُنڑایا۔ اُنہاں دی زندگی دے انجام اُتے غور کرو تے اُنہاں دے اِیمان دے نمونے اُتے ٹُرو۔

عبرانیوں 6:5

جِنہاں خُدا دے کلام دی چنگائی تے آوݨ آلے جہان دیاں قوتاں دا تجربہ کیتا ہا،

یعقُوب 1:18

اُوں آپنڑی مرضی نال ساکُوں سچائی دے کلام دے وسیلے نال پیدا کیتا تاں جو اساں اُوندی مخلوقات ءچوں پہلے پھل وانگُوں خاص تھیؤں۔

1 پطرس 1:23

تُساں فانی بیج کنُوں نئیں بلکہ غیرفانی بیج کنُوں، خُدا دے کلام دے وسیلے نال نویں سرے تُوں پیدا تھئے ہیوے، جیہڑا زندہ تے ہمیشاں تئیں قائم ہے۔

مُکاشفہ 1:16

اُوندے سجے ہتھ ءچ سَت تارے ہَن۔ اُوندے مُنہ ءچوں ہِک ڈُو دھاری تیز تلوار نِکلدی پئی ہئی تے اُوندا چہرہ اِینویں چمکدا پِیا ہا جِینویں سِجھ پُوری شِدت نال چمکدا پِیا ہووے۔

مُکاشفہ 19:15

اُوندے مُنہ ءچوں ہِک تیز تلوار نِکلدی ہے جیندے نال او قوماں کُوں مریسی۔ او لُوہے دے عصا نال اُنہاں اُتے حکُومت کریسی۔ او اُنہاں کُوں قادر ِ مُطلق خُدا دے قہر دے شراب دے حوض ءچ انگُوراں وانگُوں لتاڑ ڈیسی۔

مُکاشفہ 19:21

تے باقی لوک اُوندی تلوار نال ہلاک تھی گئے جیہڑی گھوڑے دے سوار دے مُنہ کنُوں نِکلدی ہئی۔ تے سارے پکھی اُنہاں دا گوشت کھا کھا تے رَج گئے۔

مُکاشفہ 2:16

اِیں واسطے توبہ کر، نہ تاں مَیں جلدی تیڈے کولھ آساں تے آپنڑے مُنہ دی تلوار نال اُنہاں نال لڑساں۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

مُکاشفہ 20:4

وَل مَیں تخت ڈِٹھے جِنہاں اُتے او لوک بیٹھے ہَن جِنہاں کُوں عدالت کرݨ دا اِختیار ڈِتا گِیا ہا۔ تے مَیں اُنہاں لوکاں دیاں رُوحاں ڈِٹھیاں جِنہاں دے سر یسُوع دی گواہی ڈیوݨ تے خُدا دے کلام دی وجہ کنُوں کپ ڈِتے گئے ہَن۔ اُنہاں لوکاں، نہ تاں اُوں حیوان دی تے نہ اُوندے بُت دی عبادت کیتی تے نہ متھے یا ہتھاں اُتے اُوندا نشان لوایا ہا۔ او زندہ تھی گئے تے ہِک ہزار سال تئیں مسیح دے نال بادشاہی کریندے ریہے۔