عبرانیوں 3:1 - کِتاب مُقدّس سرائیکی ترجمہ

¹ اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

عبرانیوں 3:1 Iomraidhean Croise

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

یُوحنّا 20:21

یسُوع اُنہاں کُوں ولا آکھیا، ”تُہاڈی سلامتی ہووے! جِینویں باپ میکُوں بھیجیا ہے، اُونویں ای مَیں تُہاکُوں بھجیندا ہاں۔“

یُوحنّا 20:27

وَل اُوں توما کُوں آکھیا، ”آپنڑی انگل اِتھاں رکھ تے میڈے ہتھاں کُوں ڈیکھ تے آپنڑا ہتھ ودھا تے میڈی پسلی ءچ پا۔ بےاعتقاد نہ تھی بلکہ اعتقاد رکھ۔“

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

رومیوں 11:17

بے شک کُجھ لڑیاں کپ ڈِتیاں گئیاں تے تُوں جنگلی زیتون ہوندے ہوئے اُنہاں دی جاہ پیوند تھی گِیا، تے زیتون دے درخت دی جڑھ دے روغن ءچ حصہ دار تھی گِیا۔

رومیوں 15:27

ایہ کم اُنہاں خوشی نال تاں کیتا پر یروشلیم دے مُقدّساں دے قرضدار وی ہَن۔ کیوں جو جے غیر قوماں یہُودیاں دی رُوحانی برکتاں ءچ شامل تھئیاں ہِن تاں ضروری ہے جو او وی آپنڑی جِسمانی برکتاں نال یہُودیاں دی خدمت کرݨ۔

رومیوں 15:8

مَیں تُہاکُوں ڈسیندا ہاں جو یسُوع مسیح خُدا دی سچائی ثابت کرݨ کیتے یہُودیاں دا خادم بنڑیا، تاں جو اُنہاں وعدیاں دی تصدیق کرے جیہڑے پِیُو ڈاڈے نال کیتے گئے ہَن،

رومیوں 9:24

یعنی ساڈے ذریعے جِنہاں کُوں اُوں نہ صرف یہُودیاں ءچوں بلکہ غیریہُودیاں ءچوں وی سڈیا۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

1کُرِنتھِیوں 10:17

روٹی ہِکو ہے اِیں واسطے اساں جیہڑے بہُوں سارے ہیں ہِکو بدن ہیں کیوں جو اساں سارے اُوہو ہِک روٹی ءچ شریک تھیندے ہیں۔

1کُرِنتھِیوں 9:23

مَیں ایہ سبھ کُجھ خوشخبری دی خاطر کریندا ہاں تاں جو ڈُوجھیاں نال خوشخبری دیاں برکتاں ءچ شریک تھی سگاں۔

2کُرِنتھِیوں 1:7

تے تُہاڈے بارے ءچ ساڈی اُمید مضبوط ہے کیوں جو ساکُوں یقین ہے جو جِینویں تُساں ڈُکھاں ءچ ساڈے نال شریک ہیوے اُونویں ای تسلی ءچ وی شریک ہوسو۔

2کُرِنتھِیوں 9:13

تُہاڈی اِیں خدمت دا ثبوت ڈیکھ تے او خُدا دی تعریف کریسن جو تُساں مسیح دی خوشخبری دا اِقرار کر تے اُوندے اُتے عمل وی کریندے ہیوے تے اُنہاں دی، تے سبھ لوکاں دی مدد کرݨ ءچ بہُوں فیاضی کریندے ہیوے۔

اِفِسیوں 3:6

او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

اِفِسیوں 4:4

ہِک ای بدن ہے تے ہِک ای رُوح القُدس، تے اِینویں ای جِیں ویلے تُساں سڈے گئے ہَوے تاں ہِک ای اُمید رکھنڑ کیتے سڈے گئے ہَوے،

فِلِپّیوں 3:14

مَیں سِدھا منزل دو بھجدا ویندا ہاں تاں جو او اِنعام حاصل کراں جیندے کیتے خُدا میکُوں یسُوع مسیح ءچ اسمان دو سڈیا ہے۔

کلُسِّیوں 1:12

تے باپ دا شُکر کریندے راہو جئیں تُہاکُوں اِیں لائق بنڑائے جو نُور ءچ مُقدّساں دی میراث ءچ شریک تھیؤ۔

کلُسِّیوں 1:22

پر ہُنڑ مسیح دی جِسمانی موت دے وسیلے نال اُوں تُہاڈے نال صُلح کر گِھدی ہے تاں جو تُہاکُوں پاک، بے عیب تے بے اِلزام بنڑا تے آپنڑے حضُور پیش کرے۔

کلُسِّیوں 3:12

تُساں خُدا دے چُنڑے ہوئے، پاک تے عزیز لوک ہیوے، اِیں واسطے رحم، ہمدردی، فروتنی، نرمی تے صبر دے کپڑے پا گِھنو۔

1تھِسّلُنیکیوں 2:12

اساں ہر ہِک کُوں نصیحت تے تسلی ڈیندے ریہے تے سمجھیندے ریہے جو تُساں خُدا دے لائق زندگی گُزارو، جئیں تُہاکُوں آپنڑی بادشاہی تے جلال ءچ شریک تھیوݨ کیتے سڈیا ہے۔

1تھِسّلُنیکیوں 5:27

مَیں خُداوند دے ناں ءچ تُہاکُوں تاکید کریندا ہاں جو سارے بِھرانواں کُوں ایہ خط پڑھ تے سُنڑایا ونجے۔

2تھِسّلُنیکیوں 1:11

اِیں واسطے اساں تُہاڈے کیتے ہر ویلے دُعا کریندے راہندے ہیں جو ساڈا خُدا تُہاکُوں اُوں بُلاوے دے لائق بنڑاوے جیندے کیتے اُوں تُہاکُوں سڈے تے تُہاڈی ہر نیک خواہش تے اِیمان نال کیتے ہوئے کم کُوں آپنڑی قُدرت نال پُورا کرے،

2تھِسّلُنیکیوں 2:14

خُدا تُہاکُوں اِیں نجات کیتے ساڈی سُنڑائی ہوئی خوشخبری دے ذریعے سڈیا تاں جو تُساں ساڈے خُداوند یسُوع مسیح دے جلال ءچ شامل تھی ونجو۔

1 تِیمُتھِیُس 6:12

اِیمان دی چنگی کُشتی لڑ۔ ہمیشاں دی زندگی اُتے قبضہ کر گِھن جیندے کیتے تُوں سڈیا گِیا ہَویں، تے جِیندے بارے ءچ تَیں بہُوں سارے گواہاں دے سامنڑے چنگا اِقرار کیتا ہا۔

1 تِیمُتھِیُس 6:2

جِنہاں غُلاماں دے مالک اِیماندار ہِن، او اُنہاں کُوں مسیحی بِھرا ہووݨ پارُوں گھٹ عزت نہ ڈیوݨ، بلکہ اُنہاں دی زیادہ خدمت کرݨ کیوں جو اُنہاں دی خدمت کنُوں فائدہ چاوݨ آلے اِیماندار تے عزیز ہِن۔ تُوں اِنہاں گالھیں دی تعلیم تے نصیحت ڈے۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

2 تِیمُتھِیُس 2:7

اِنہاں گالھیں اُتے جیہڑیاں مَیں آدھا ہاں غور کر کیوں جو خُداوند تیکُوں اِنہاں سارے گالھیں دی سمجھ ڈیسی۔

عبرانیوں 10:19

اِیں واسطے میڈے بِھراؤ! اساں یسُوع دے خون دے وسیلے نال اُوں سبھ تُوں مُقدّس جاہ ءچ پُورے اعتقاد نال داخل تھی سگدے ہیں۔

عبرانیوں 10:21

تے او ساڈا ایجھا وڈا سردار کاہِن ہے جیہڑا خُدا دے گھر دا مُختار ہے۔

عبرانیوں 10:23

اساں آپنڑی اُوں اُمید کُوں مضبوطی نال پکڑی رکھوں جِیندا اساں اِقرار کریندے ہیں کیوں جو جئیں وعدہ کیتے او وفادار ہے۔

عبرانیوں 13:22

بِھراؤ، مَیں مِنت کریندا ہاں جو میڈے نصیحت دے گالھیں صبر نال سُنڑو، جِنہاں کُوں مَیں مختصر لِکھے۔

عبرانیوں 2:11

پاک کرݨ آلا یسُوع تے پاک تھیوݨ آلے لوک ہِکو خاندان دے ہِن۔ اِیں واسطے او اُنہاں کُوں بِھرا آکھنڑ تُوں نئیں شرمیندا۔

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

عبرانیوں 3:12

بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

عبرانیوں 6:20

جِتھاں یسُوع ساڈے کنُوں پہلے ای وَنج تے ہمیشاں کیتے مَلک ِ صِدق آلی کار کاہِن ِ اعظم بنڑ تے ساڈی خاطر داخل تھی گِیا ہے۔

عبرانیوں 7:26

ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

عبرانیوں 7:28

شریعت تاں ایجھے آدمیاں کُوں کاہِنِ اعظم مقرر کریندی ہے جیہڑے کمزور ہِن، پر شریعت دے بعد خُدا قَسم کھا تے آپنڑے پوتر کُوں مقرر کیتا جیہڑا ہمیشاں تئیں کامِل ہے۔

عبرانیوں 9:11

پر ہُنڑ مسیح کاہِن ِ اعظم بنڑ تے آ گئے تے ساکُوں چنگیاں برکتاں مِلدیاں پئیاں ہِن۔ او عظیم تے کامِل تمبُو ءچ داخل تھی گِیا ہے جیہڑا اِنسانی ہتھاں دا بنڑایا ہویا نئیں یعنی اِیں دُنیا دا نئیں۔

عبرانیوں 9:15

اِیہو وجہ ہے جو مسیح نویں عہد دا درمیانی ہے تاں جو خُدا دی طرفوں سڈے گئے لوک وعدہ کیتی ہوئی ابدی میراث کُوں حاصل کر سگنڑ۔ ایہ صرف اِیں واسطے ممکن تھئے جو مسیح آپنڑی جان فِدیہ دے طور تے ڈے ڈِتی تاں جو اُنہاں کُوں اُنہاں گُناہاں دی سزا تُوں چُھڑاوے جیہڑے اُنہاں پہلے عہد دے دوران کیتے ہَن۔

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔

1 پطرس 3:5

گُزرے زمانہ ءچ خُدا اُتے اُمید رکھنڑ آلیاں مُقدّس عورتاں وی آپنڑے آپ کُوں اِینویں سنواردیاں تے آپنڑے پایاں دے تابع راہندیاں ہَن۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

یہُوداہ 1:1

ایہ خط میں یہُوداہ دی طرفوں ہے جیہڑا یسُوع مسیح دا خادم تے یعقُوب دا بِھرا ہاں، اُنہاں لوکاں دے ناں جیہڑے سڈے گئے ہِن تے خُدا باپ دے عزیز ہِن تے یسُوع مسیح دے وسیلے نال محفوظ رکھے گئے ہِن۔

مُکاشفہ 17:14

او لیلے نال جنگ کریسن پر لیلا اُنہاں اُتے غالب آسی کیوں جو او خُداونداں دا خُداوند تے بادشاہاں دا بادشاہ ہے۔ اُوندے نال اُوندے سڈے ہوئے، چُنڑے ہوئے تے وفادار لوک وی ہِن۔“

مُکاشفہ 18:20

”اسمانو اُوندی تباہی اُتے خوشی مناؤ مُقدّسو، رسُولو تے نبیو خوشی مناؤ کیوں جو خُدا تُہاڈے حق ءچ فیصلہ کر تے اُوندی عدالت کیتی ہے۔“