عبرانیوں 2:8 - کِتاب مُقدّس سرائیکی ترجمہ

⁸ تے سبھ کُجھ اُوندے پیراں تلے کر ڈِتا۔“ جِیں ویلے لِکھیا ہے جو ”سبھ کُجھ اُوندے پیراں تلے کر ڈِتا“ تاں اِیندا مطلب ہے جو خُدا کوئی ایجھی چیز نئیں چھوڑی جیہڑی اُوندے تابع نہ کیتی گئی ہووے۔ پر اساں ہُنڑ تئیں ساریاں چیزاں اُوندے تابع نئیں ڈیدھے۔

عبرانیوں 2:8 Iomraidhean Croise

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

یُوحنّا 13:3

یسُوع ایہ جاݨ تے جو باپ ساریاں چیزاں میڈے ہتھ ءچ کر ڈِتیاں ہِن، تے مَیں خُدا دے کولُھوں آیا تے خُدا ای دے کولھ واپس ویندا ہاں،

یُوحنّا 3:35

باپ پوتر نال محبت رکھیندے تے اُوں سبھ کُجھ پوتر دے سپُرد کر ڈِتے۔

1کُرِنتھِیوں 15:27

کیوں جو لِکھیا ہے جو ”خُدا سبھ کُجھ اُوندے پیراں تلے کر ڈِتے۔“ پر جِیں ویلے کلام آدھے جو ”سبھ کُجھ“ اُوندے تابع کر ڈِتا گئے تاں ظاہر ہے جو خُدا جئیں سبھ کُجھ مسیح دے تابع کر ڈِتے، خود شامل نئیں۔

عبرانیوں 1:13

خُدا فرشتیاں ءچوں کہیں دے بارے ءچ ایہ کڈھاں آکھیا جو ”تُوں میڈے سجے پاسُوں بہہ جئیں تئیں مَیں تیڈے دُشمنڑاں کُوں تیڈے پیراں دی چوکی نہ بنڑا ڈیواں ؟“

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

عبرانیوں 2:5

خُدا اُوں آوݨ آلی دُنیا کُوں جِیندا ذِکر اساں کریندے ہیں، فرشتیاں دے تابع نئیں کیتا۔

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،