عبرانیوں 13:12 - کِتاب مُقدّس سرائیکی ترجمہ

¹² اِینویں ای یسُوع وی لوکاں کُوں خود آپنڑے خون نال پاک کرݨ کیتے شہر دے پھاٹک دے باہر ڈُکھ چاتا۔

عبرانیوں 13:12 Iomraidhean Croise

لُوقا 4:29

اُوں اُٹھی تے یسُوع کُوں شہر ءچوں باہر کڈھ ڈِتا تے اُوں پہاڑ دی چوٹی اُتے گِھن گئے جیندے اُتے اُنہاں دا شہر آباد ہا تاں جو اُونکُوں اُتھوں کنُوں سر دے بھار سَٹ ڈیوݨ۔

یُوحنّا 17:19

مَیں آپنڑے آپ کُوں اُنہاں دی خاطر وقف کریندا ہاں تاں جو او وی سچائی دے وسیلے وقف کیتے ونجنڑ۔

یُوحنّا 19:34

پر اُنہاں ءچوں ہِک سپاہی نیزے نال اُوندی پسلی چھیدی تے فوراً خون تے پانڑی واہنڑ پے گِیا۔

اعمال 7:58

تے اُونکُوں شہر کنُوں باہر کڈھ تے سنگسار کرݨ لگے تے اُوندے خلاف گواہی ڈیوݨ آلیاں آپنڑے کپڑے ساؤل ناں دے ہِک جوان دے پیراں کولھ رکھ ڈِتے۔

1کُرِنتھِیوں 6:11

تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

اِفِسیوں 5:26

تاں جو او کلیسیا کُوں کلام دے ذریعے پانڑی نال غُسل ڈے تے صاف تے مُقدّس بنڑا ڈیوے،

عبرانیوں 10:10

خُدا دی مرضی دا نتیجہ ایہ ہے جو اساں یسُوع مسیح دے جِسم دے ہِکے پھیری قُربان تھیوݨ دے وسیلے نال پاک کر ڈِتے گئے ہیں۔

عبرانیوں 10:29

تاں او بندہ کِتنی وڈی سزا دے لائق ہوسی جئیں خُدا دے پوتر دی توہین کیتی تے عہد قائم کرݨ آلے خون کُوں جیندے نال او پاک تھیّا ہا، ناپاک سمجھیا، تے فضل ڈیوݨ آلے رُوح القُدس دی بے عزتی کیتی۔

عبرانیوں 2:11

پاک کرݨ آلا یسُوع تے پاک تھیوݨ آلے لوک ہِکو خاندان دے ہِن۔ اِیں واسطے او اُنہاں کُوں بِھرا آکھنڑ تُوں نئیں شرمیندا۔

مُکاشفہ 14:20

وَل اُنہاں کُوں شہر کنُوں باہر اُوں وڈے حوض ءچ پیراں تلے لتاڑ ڈِتا گِیا تے حوض ءچوں اِتنا خون وہیا جو او گھوڑیاں دیاں لگاماں تئیں پُج تے تقریباً ہِک سو اسّی (180) مِیل تئیں واہندا گِیا۔