عبرانیوں 11:10 - کِتاب مُقدّس سرائیکی ترجمہ

¹⁰ کیوں جو ابرہام اُوں مضبوط بنیاد آلے شہر دے اِنتظار ءچ ہا، جِیندا نقشہ بنڑاوݨ آلا تے تعمیر کرݨ آلا خود خُدا ہے۔

عبرانیوں 11:10 Iomraidhean Croise

یُوحنّا 14:2

میڈے باپ دے گھر ءچ بہُوں سارے مکان ہِن، جے نہ ہوندے تاں مَیں تُہاکُوں ڈسا ڈیندا کیوں جو مَیں ویندا ہاں تاں جو تُہاڈے کیتے جاہ تیار کراں۔

2کُرِنتھِیوں 5:1

اساں جانڑدے ہیں جو جِیں ویلے ایہ تمبُو یعنی ساڈا بدن ڈھا ڈِتا ویسی جیہڑا زمین اُتے ساڈا گھر ہے تاں ساکُوں خُدا کنُوں اسمان اُتے ایجھا گھر مِلسی جیہڑا اِنسانی ہتھ دا بنڑیا ہویا نئیں بلکہ ابدی ہے۔

فِلِپّیوں 3:20

پر ساڈی شہریت اسمان اُتے ہے تے اساں آپنڑے نجات ڈیوݨ آلے یعنی خُداوند یسُوع مسیح دے اُتھوں کنُوں واپس آوݨ دے اِنتظار ءچ ہیں۔

عبرانیوں 11:16

پر حقیقت ءچ او ہِک بہتر یعنی اسمانی مُلک دی سِک ءچ ہَن۔ اِیں واسطے خُدا اُنہاں دا خُدا اکھواوݨ تُوں نئیں شرمیندا بلکہ اُوں اُنہاں کیتے ہِک شہر تیار کیتا۔

عبرانیوں 12:22

بلکہ تُساں صِیُّون پہاڑ، تے زندہ خُدا دے شہر یعنی اسمانی یروشلیم دے کولھ آئے ہیوے، تے خوشی مناوݨ آلے لکھاں فرشتیاں،

عبرانیوں 12:28

اِیں واسطے جڈاں ساکُوں ایجھی بادشاہی مِلدی پئی ہے، جیہڑی ہلائی نئیں وَنج سگدی، تاں آؤ اساں شُکر کرُوں تے خوف تے احترام نال خُدا دی ایجھی عبادت کرُوں جیہڑی اُونکُوں پسند ہے۔

عبرانیوں 13:14

کیوں جو اِیں دُنیا ءچ ساڈا کوئی قائم راہنڑ آلا شہر نئیں بلکہ اساں اُوں شہر دی گولھ ءچ ہیں جیہڑا آوݨ آلا ہے۔

عبرانیوں 3:4

ہر گھر دا کوئی نہ کوئی بنڑاوݨ آلا ہوندے، پر سبھ چیزاں دا بنڑاوݨ آلا خُدا ہے۔

مُکاشفہ 21:2

وَل مَیں مُقدّس شہر نویں یروشلیم کُوں خُدا کنُوں اسمان تُوں لہندے ڈِٹھا۔ او اُوں کُنوار وانگُوں سجایا گِیا ہا جئیں آپنڑے پئے کیتے سنگھار کیتا ہووے۔