عبرانیوں 10:4 - کِتاب مُقدّس سرائیکی ترجمہ

⁴ کیوں جو ممکن نئیں جو بکریَاں تے ڈانداں دا خون گُناہاں کُوں مِٹا سگے۔

عبرانیوں 10:4 Iomraidhean Croise

مرقس 12:33

تے اُونکُوں سارے دل تے ساری عقل تے ساری طاقت نال محبت رکھنڑ تے آپنڑے ہمسائے کُوں آپنڑے وانگُوں پیار کرݨ سبھ ساڑے ونجنڑ آلیاں قُربانیاں تے نذراں کنُوں ودھ ہے۔“

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

رومیوں 11:27

تے اُنہاں نال میڈا ایہ عہد ہوسی جِیں ویلے مَیں اُنہاں دے گُناہ دُور کر ڈیساں۔“

عبرانیوں 10:1

مُوسیٰ دی شریعت آوݨ آلیاں چنگیاں چیزاں دا صرف ہِک پچھاواں ہے نہ جو او اصل ہے۔ اِیں واسطے جیہڑیاں قُربانیاں ہر سال پیش کیتیاں ویندیاں ہِن، او خُدا دے کولھ آوݨ آلیاں کُوں ہرگز کامِل نئیں کر سگدیاں۔

عبرانیوں 10:11

ہر کاہِن روزانہ ہیکل ءچ کھڑا تھی تے آپنڑی خدمت انجام ڈیندے، تے اُوہو قُربانیاں ولا ولا پیش کریندے جیہڑیاں گُناہاں کُوں کڈھائیں مِٹا نئیں سگدیاں۔

عبرانیوں 10:8

پہلے تاں او فرمیندے جو ”تَیں قُربانیاں، نذرانے، ساڑے ونجنڑ آلیاں قُربانیاں تے گُناہ تُوں پاک کرݨ آلیاں قُربانیاں کُوں پسند نہ کیتا تے نہ اُنہاں تُوں خوش تھیّا۔“ بھانویں جو او قُربانیاں شریعت دے مطابق کیتیاں ویندیاں ہَن۔

عبرانیوں 9:9

او موجودہ زمانے کیتے ہِک مثال ہے، تے ایہ ظاہر کریندے جو جیہڑیاں نذراں تے قُربانیاں اُتھاں پیش کیتیاں ویندیاں ہِن، او عبادت کرݨ آلے دے دل کُوں کامل تے مُطمئن نئیں کر سگدیاں۔

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔