عبرانیوں 1:8 - کِتاب مُقدّس سرائیکی ترجمہ

⁸ پر پوتر دے بارے ءچ اکھیندے جو ”اے خُدا، تیڈا تخت ہمیشاں تئیں قائم راہسی، تیڈی بادشاہی دا عصا اِنصاف دا عصا ہے۔

عبرانیوں 1:8 Iomraidhean Croise

متّی 1:23

”ڈیکھو ہِک کُنواری حاملہ تھیسی تے پوتر جمسی تے اُوندا ناں عِمانُوایل رکھیسن۔“ جِیندا ترجمہ ہے خُدا ساڈے نال۔

یُوحنّا 10:30

مَیں تے میڈا باپ ہِکو ہاں۔“

یُوحنّا 10:33

یہُودیاں اُونکُوں جواب ڈِتا، ”چنگے کم دی وجہ کنُوں نئیں بلکہ کُفر دے سببّوں سنگسار کریندے ہیں کیوں جو تُوں محض اِنسان ہوندے ہوئے آپنڑے آپ کُوں خُدا بنڑیندیں۔“

یُوحنّا 20:28

توما اُونکُوں آکھیا، ”میڈے خُداوند! میڈے خُدا!“

رومیوں 9:5

قوم دے بزُرگ اُنہاں دے ای ہِن تے المسیح وی جِسمانی طور تے اُنہاں ءچوں ہے، جیہڑا ساریاں اُتے حکُومت کرݨ آلا خُدا ہے۔ اُوندی حمد ہمیشاں تئیں تھیندی راہوے۔ آمین۔

1کُرِنتھِیوں 15:25

کیوں جو مسیح کُوں اُوں ویلے تئیں بادشاہی کرݨ ضرور ہے جئیں تئیں او سارے دُشمنڑاں کُوں آپنڑے پیراں تلے نہ کر گِھنے۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

2 پطرس 1:11

بلکہ اِیندے نال تُساں ساڈے خُداوند تے نجات ڈیوݨ آلے یسُوع مسیح دی ابدی بادشاہی ءچ وڈی عزت نال داخل کیتے ویسو۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔