عبرانیوں 1:3 - کِتاب مُقدّس سرائیکی ترجمہ

³ پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

عبرانیوں 1:3 Iomraidhean Croise

متّی 22:24

”اُستاد! مُوسیٰ آکھیا ہا جو جے کوئی بندہ بے اولاد مر ونجے تاں اُوندا بِھرا بیوہ نال شادی کر گِھنے تاں جو آپنڑے بِھرا کیتے نسل پیدا کرے۔

مرقس 16:19

خُداوند یسُوع اُنہاں نال کلام کرݨ تُوں بعد اسمان اُتے چا گِھدا گِیا تے خُدا دے سجے پاسُوں بہہ گِیا۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

یُوحنّا 1:4

اُوندے ءچ زندگی ہئی تے او زندگی اِنساناں دا نُور ہئی۔

اعمال 2:33

ہُنڑ اُونکُوں سرفراز کر تے خُدا دے سجے ہتھ بِلھایا گِیا ہے، تے اُوں باپ کنُوں وعدہ کیتا ہویا رُوح القُدس حاصل کر تے نازل کیتا جِیندا اثر تُساں ڈیدھے تے سُنڑدے ہیوے۔

اعمال 7:56

آکھیا جو ”ڈیکھو، مَیں اسمان کُوں کُھلیا تے اِبنِ آدم کُوں خُدا دے سجے پاسُوں کھڑا ڈیدھا ہاں۔“

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

رومیوں 8:34

کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

کلُسِّیوں 3:1

تُساں مسیح نال زندہ کیتے گئے، اِیں واسطے اُنہاں چیزاں دی خواہش ءچ راہو جیہڑیاں اسمان اُتے ہِن، جِتھاں مسیح خُدا دے سجے پاسُوں بیٹھے۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

عبرانیوں 1:13

خُدا فرشتیاں ءچوں کہیں دے بارے ءچ ایہ کڈھاں آکھیا جو ”تُوں میڈے سجے پاسُوں بہہ جئیں تئیں مَیں تیڈے دُشمنڑاں کُوں تیڈے پیراں دی چوکی نہ بنڑا ڈیواں ؟“

عبرانیوں 10:12

پر مسیح گُناہاں کُوں مِٹاوݨ کیتے ہِکو قُربانی پیش کیتی جیہڑی ہمیشاں کیتے ہے تے وَل خُدا دے سجے پاسُوں وَنج بیٹھا۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔

عبرانیوں 7:27

او ڈُوجھے سردار کاہِناں وانگُوں نہ ہووے جِنہاں کُوں پہلے آپنڑے گُناہاں کیتے تے وَل آپنڑے لوکاں دے گُناہاں کیتے ہر روز قُربانیاں پیش کرݨ دی لوڑ ہوندی ہے۔ یسُوع تاں آپنڑے آپ کُوں قُربان کر تے ہِکے پھیری ایجھی قُربانی پیش کیتی جیہڑی ہمیشاں کیتے کافی ہے۔

عبرانیوں 8:1

جیہڑے گالھیں اساں ہُنڑ اکھیندے پئے ہیں، اُنہاں ءچوں مرکزی گالھ ایہ ہے جو ساڈا ایجھا کاہِن ِ اعظم ہے جیہڑا اسمان اُتے عظیم خُدا دے تخت دے سجے پاسے وَنج بیٹھے،

عبرانیوں 9:16

جِتھاں وصیّت ہے اُتھاں وصیّت کرݨ آلے دی موت دا ثابت تھیوݨ وی لازمی ہے،

عبرانیوں 9:26

نہ تاں دُنیا دے شروع کنُوں گِھن تے ہُنڑ تئیں اُونکُوں ولا ولا موت دا ڈُکھ چاونڑا پوندا۔ پر ہُنڑ زمانیاں دے آخر ءچ مسیح ہِک پھیری ظاہر تھیّا تاں جو آپنڑے آپ کُوں قُربان کرݨ نال گُناہ کُوں ختم کر ڈیوے۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

2 پطرس 1:16

کیوں جو جِیں ویلے اساں تُہاکُوں آپنڑے خُداوند یسُوع مسیح دی قُدرت تے واپس آوݨ دے بارے ءچ ڈسایا ہا تاں اساں چالاکی نال گھڑیاں کہانڑیاں دی پیروی نہ کیتی ہئی بلکہ اساں اُوندی عظمت دے اکھیں ڈِٹھے گواہ ہسے۔

2 پطرس 1:17

اُوں خُدا باپ تُوں اُوں ویلے عزت تے جلال پایا، جِیں ویلے اُوں عظیم جلال ءچوں اُونکُوں ایہ اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں۔“

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔

یہُوداہ 1:25

ساڈے نجات ڈیوݨ آلے واحد خُدا دا جلال، عظمت، قُدرت تے اِختیار ساڈے خُداوند یسُوع مسیح دے وسیلے نال جِینویں ازل تُوں ہے، ہُنڑ وی ہووے تے ہمیشاں تئیں تھیندا راہوے۔ آمین۔

مُکاشفہ 3:21

جیہڑا غالب آسی، مَیں اُونکُوں آپنڑے نال آپنڑے تخت اُتے بِلھیساں، جِینویں مَیں غالب آیا ہاں تے آپنڑے باپ دے نال اُوندے تخت اُتے بہہ گِیا ہاں۔

مُکاشفہ 4:11

”اے خُداوند ساڈے خُدا تُوں ای جلال، عزت تے قُدرت دے لائق ہیں، کیوں جو تَیں ای ساریاں چیزاں کُوں خلق کیتے، تے او ساریاں تیڈی ای مرضی نال وجود ءچ آئیاں ہِن۔“